આરોપી પોતે જજના પીએની નકલી ઓળખ આપી યુવકને સરકારી નોકરીની લાલચ આપીને રૂ. ૨ લાખ પડાવ્યા,
અમરેલી જિલ્લામાં ડિસ્ટ્રીક સેશન્સ જજના નકલી પીએ તરીકેની ઓળખ આપી આરોપીએ છેતરપીંડી આચર્યાની ધટના પ્રકાશમાં આવી હતી. મળતી માહિતી મુજબ રાજકોટ જીલ્લાના જેતપુર તાલુકાના ગુંદાળા ગામના યુવક નિકુંજભાઇ બુટાણી તેઓને આરોપી પ્રકાશ ઉર્ફે બાબુભાઈ રવજીભાઈ દાફડા બગસરા વાળાએ ફરીયાદી યુવકને કહ્યું કે, હું પોતે સરકારી કર્મચારી છું અંને કોટમાં ક્લાર્ક તરીકે નોકરી કરું છું. અને અમરેલી ડિસ્ટ્રીક સેશન્સ જજ બુખારી સાહેબનો પીએ છું હાલ પુરતુ મને મોનિટરિંગ કરવા માટે અમરેલી થી લાઠી, લીલીયા, બાબરા વગેરે જગ્યાએ દરેક કોર્ટમાં ઓબ્ઝર્વેશન કરવાનું સોંપેલ છે. હાલમાં અમરેલી ડિસ્ટ્રીક કોર્ટમાં જજ સાહેબની ભરતી અંગેની કામગીરી ચાલુ છે. તમારે નોકરીની જરૂરિયાત હોય તો હું તમને નોકરી કરવી હોય જેથી ફરીયાદી યુવકે કહેલું કે હું ધોરણ – ૧૦ સુધી અભ્યાસ કરેલ. અને મારે નોકરી કરવી છે. આરોપીએ કહ્યું કે ગ્રેજ્યુએશન કરેલ હોય તેમને નોકરી આપીએ છીએ. અને તમારું ભણતર ઓછું હોવાથી ડ્રાઇવરમાં સેટિંગ કરી આપવા માટે ખાનગી સેટિંગ કરવું પડશે. અને હું તમારી ખાનગી સેટિંગ કરી આપીશ જેના માટે તમારે રૂપિયા પાંચ લાખ પુરા જજના ખર્ચા માટે આપવા પડશે.
જેથી ફરીયાદી યુવકે પાસે પૈસાની સગવડ ના હોય તેમ કહેતા આરોપીએ બે લાખ રૂપિયાનું કહ્યું જેથી ફરીયાદીએ ગુગલ પે મારફતે રૂ. ૨,૦૩,૦૦૦ હજાર મેળવી લીધેલ હતાં. બાદમાં ફરીયાદીએ આરોપીને નોકરીનું પુછતાં આરોપીએ ૩૦ દિવસમાં સીવીલ કોર્ટના ડ્રાઇવર તરીકે ઓર્ડર મળી જશે. ત્યારબાદ 30 દિવસ પછી ફરિયાદીએ આરોપીને ફોન કરતા તેણે આરોપીએ કહેલ કે વધુ રજીસ્ટ્રાર રજા ઉપર છે અને રજીસ્ટ્રાર સાહેબ કોર્ટમાં આવી જાય પછી તમને ઓર્ડર મળી જશે. ત્યારબાદ અઠવાડિયામાં પછી આરોપીએ ફરીયાદીને ફોન કરી બગસરા ખાતે બોલાવી નોકરીનો ઓર્ડર આપ્યો હતો. જેમાં અમરેલી ડિસ્ટ્રીક એન્ડ સેશન્સ કોર્ટમાં ડ્રાઇવરનો લેખિત ઓર્ડર આપેલ. બાદમાં યુવક ૮ સપ્ટેમ્બર ના રોજ અમરેલી કોર્ટમાં ઓર્ડર સાથે હાજર થતા ઓર્ડર બતાવતા ત્યાંના સરકારી રજીસ્ટ્રાર દ્વારા ફરીયાદીને જણાવેલ કે આવી કોઈ પ્રકારની ભરતી થયેલ નથી.
આ ઓર્ડર ખોટો બનાવટી છે તેવુ જણાવેલ. આમ આરોપીએ નામદાર ડિસ્ટ્રીક એન્ડ સેશન્સ કોર્ટ અમરેલીના ડિસ્ટ્રીક જજ બુખારીના નામનો તેની ઓર્ડરમાં ખોટી સહી કરેલો ઓર્ડર ખોટી બનાવટી ઓર્ડર બનાવી સરકારી રેકોર્ડમાં છેડા કરીને બનાવટી રેકર્ડ ઉભું કરી ફરીયાદ યુવકને ખોટા ઓર્ડર વાળું લેટર પણ આપીને પોતાને સરકારી કર્મચારી તરીકે ઓળખ કરી સરકારી નોકરીની લાલચ આપી રૂ. ૨,૦૩,૦૦૦ ની રકમ ગુગલ પે મારફતે તેમના ખાતામાં મેળવી ફરીયાદી યુવકે સાથે છેતરપિંડી કરવામાં આવી હતી. આ સમગ્ર મામલે ફરીયાદી યુવકે નિકુંજભાઇ કડવાભાઇ બુટાણી જેતપુર વાળાએ આરોપી સામે ફરીયાદ નોંધાવી હતી. જે બાદ બગસરા પોલીસ સ્ટેશનના પીઆઇ આઇ.જે.ગીડા ની સુચના અને માર્ગદર્શન હેઠળ પીએસઆઇ કે.જી.મૈયા સહિત ટીમ દ્વારા છેતરપીંડી આચરનાર આરોપીને ઝડપી પાડવા માટે તપાસનો ધમધમાટ શરૂ કર્યો હતો. બગસરા પોલીસે છેતરપિંડી આચરનાર પ્રકાશ ઉર્ફે બાબુભાઈ રવજીભાઈ દાફડા રહે. માવજીજવા તા. બગસરા વાળાને પકડી પાડી ધોરણસરની કાર્યવાહી હાથ ધરવામાં આવી છે.
