લીલીયાના ગુંદરણ ગામે બે મજૂરોના હત્યા કેસમાં બે આરોપીની ધરપકડ
પૈસાની લેવડદેવડમાં હત્યા થયાનો પરિવારજનોનો આક્ષેપ,
અગ્ર ગુજરાત, અમરેલી
અમરેલી જિલ્લાના લીલીયા પંથકમાં ગઈકાલે ખેતરમાં પાર્ક કરેલી તુફાન ગાડીમાં બે પરપ્રાંતીય મજૂરોને જીવતા સળગાવી દેવામાં આવ્યાની ઘટનાને લઈને ખળભળાટ મચ્યો હતો. મળતી વિગતો અનુસાર, લીલીયાના ગુંદરણ ગામે ખેતરમાં પાર્ક કરેલી તુફાન ગાડીમાં સુતેલા બે પરપ્રાંતીય મજૂરોને જીવતા સળગાવી દીધા હતાં. અજાણ્યા શખ્સો દ્વારા તુફાન કાર ઉપર જ્વલનશીલ પદાર્થી આગ લગાડવામાં આવી હતી. જોકે આ ઘટનામાં બે યુવકો કારમાં જીવતા સળગી ગયા હતાં.જેમાં સગીર વયનો રવી કમલેશભાઈ બધેલ ઉ.વ.૧૭ અને નિતિન રામસિંગ પચાયા ઉ.વ.૨૧ નું મોત નિપજ્યું હતું. જોકે આ ધટના પગલે લીલીયા પોલીસ તાત્કાલિક ઘટના સ્થળે પહોંચી હતી. મૃતક યુવકના પિતાએ આક્ષેપ મુજબ, પૈસાની લેતીદેતીમાં આ ઘટનાને અંજામ આપવામાં આવ્યો છે. અને વિનુ નામનો શખ્સ આવીને આખી તુફાન ગાડી સળગાવી નાખી હોવાનું મૃતકના પરિવારે આક્ષેપ કર્યો છે. અને ગાડી અંદર સુતેલા બંને યુવકો બહાર નીકળવાનો મોકો જ ન મળ્યો હતો. અને તેઓ અંદર જ જીવતા ભૂજાઈ ગયા હતાં.
જોકે આ સમગ્ર ઘટનાની ગંભીરતા રાખી ડીવાયએસપી વિસ્મય માનસેતાના માર્ગદર્શન હેઠળ અલગ અલગ દિશામાં તપાસનો ધમધમાટ શરૂ કર્યો હતો. સ્થાનિક મામલતદાર તેમજ FSL ની ટીમને પણ જાણ કરવામાં આવી હતી. એફ.એસ.એલ અને પોલીસની સંયુક્ત ટીમો દ્વારા ઘટનાસ્થળે ઝીણવટભરી તપાસ હાથ ધરવામાં આવી છે. લીલીયા પોલીસે બે મધ્યપ્રદેશના આરોપીને ગણતરીની કલાકોમાં જ ઝડપી પાડ્યા છે. તુફાન ગાડીમાં ઊંઘી રહેલા બે પરપ્રાંતિય યુવકોને આગમાં જીવતા સળગાવ્યા હતા. જ્યારે ગાડીમાં આગ લાગ્યા બાદ પાણીનો મારો ચલાવી આગ પર કાબૂ મેળવવામાં આવ્યો હતો, પરંતુ ત્યાં સુધીમાં બંને યુવકોના જીવ બચાવી શકાયા નહોતા. બીજી તરફ, ઘટના બની તે વાડીના માલિકના ભત્રીજા રમેશ કાછડીયાએ પણ સમગ્ર ઘટનાને પોલીસને જાણ કરી હતી. આ મામલે લાઠીના ડીવાયએસપી વિસ્મય માનસેતાએ પણ સમગ્ર ઘટના અંગે માહિતી વિગતો આપી જણાવાયું હતું કે,
રૂપિયા ૬૦ હજારની રકમની તુફાન ગાડીની લેતી દેતીમાં ઘટના બની હતી. પોલીસે આ ડબલ મર્ડરની ધટનાના બન્ને આરોપીઓને ઝડપી પાડવામાં આવ્યા છે. જેમાં વિનેશ ઉર્ફે વિનોદ વરસંગ ડોડીયાર અને તેનો ભાઈ રાજુ ગોરધન ડોડીયાર બન્ને મઘ્યપ્રદેશના છે. બંને આરોપીને પોલીસે પકડી પાડી આગળની કાયદેસરની કાર્યવાહી હાથ ધરવામાં આવી છે.
