- વિરાટ કોહલીએ 113 બોલમાં 117 રનની ધમાકેદાર ઈનિંગ રમી
- 50મી સદી બાદ કોહલીએ પોતાના બંને હાથ જોડીને સચિનને પ્રણામ કર્યા
- કોહલીએ પત્ની અનુષ્કાને ફ્લાઈંગ કિસ આપી
વિરાટ કોહલીએ ભારત દ્વારા આયોજિત ODI વર્લ્ડ કપ 2023માં ધમાકો મચાવ્યો છે. વર્લ્ડ કપની પ્રથમ સેમિફાઇનલ બુધવારે ભારત અને ન્યુઝીલેન્ડ વચ્ચે રમાઈ હતી. મુંબઈના વાનખેડે સ્ટેડિયમમાં રમાયેલી આ મેચમાં કોહલીએ વિસ્ફોટક રીતે સદી ફટકારી હતી.
વિરાટ કોહલીએ 113 બોલમાં 117 રનની ધમાકેદાર ઈનિંગ રમી અને સૌથી વધુ ODI સદીના દિગ્ગજ સચિન તેંડુલકરનો ઐતિહાસિક રેકોર્ડ તોડી નાખ્યો હતો. કોહલીની વનડે કરિયરમાં આ 50મી સદી હતી. આ સિદ્ધિ મેળવનાર તે વિશ્વનો પ્રથમ ક્રિકેટર બન્યો છે.
કોહલીએ સચિનને હાથ જોડીને પ્રણામ કર્યા
જ્યારે સચિને તેની કારકિર્દીમાં 463 ODI રમી હતી જેમાં તેણે 452 ઇનિંગ્સમાં 44.83ની એવરેજથી 18426 રન બનાવ્યા હતા. તેણે કુલ 49 ODI સદી ફટકારી છે. તો બીજી તરફ, કોહલીએ તેની કારકિર્દીની 279મી વનડે ઇનિંગ્સમાં આ સિદ્ધિ મેળવી હતી. સદી બાદ કોહલીએ પોતાના બંને હાથ જોડીને સચિનને પ્રણામ કર્યા હતા.
કોહલીએ પત્ની અનુષ્કાને ફ્લાઈંગ કિસ આપી
સચિનને નમન કર્યા બાદ કોહલીએ તેની પત્ની અને બોલિવૂડ અભિનેત્રી અનુષ્કા શર્માને પણ ફ્લાઈંગ કિસ કરી હતી. આ દરમિયાન અનુષ્કાએ પણ કોહલી પર પ્રેમ વરસાવ્યો અને બદલામાં ફ્લાઈંગ કિસ આપી હતી. સદી બાદ કોહલીની આ પ્રતિક્રિયાઓ સોશિયલ મીડિયા પર ખૂબ વાયરલ થઈ રહી છે.
આ દરમિયાન સચિન સ્ટેડિયમમાં હાજર રહ્યો હતો. કોહલીએ પોતાની ઇનિંગમાં 2 સિક્સ અને 9 ફોર ફટકારી હતી. આ સમયગાળા દરમિયાન તેનો સ્ટ્રાઈક રેટ 103.53 હતો. આ ઇનિંગ સાથે કોહલીએ એક જ વર્લ્ડ કપ સિઝનમાં સૌથી વધુ રન બનાવવાનો સચિનના રેકોર્ડને પણ તોડી નાખ્યો છે. સચિને 2003ના વર્લ્ડ કપમાં 673 રન બનાવ્યા હતા. જ્યારે કોહલીએ અત્યાર સુધી 10 ઇનિંગ્સમાં 711 રન બનાવ્યા છે.
ODIમાં સૌથી વધુ સદી ફટકારનાર ખેલાડી
વિરાટ કોહલી – 279 ઇનિંગ્સ – 50 સદી
સચિન તેંડુલકર – 452 ઇનિંગ્સ – 49 સદી
રોહિત શર્મા – 251 ઇનિંગ્સ – 31 સદી
રિકી પોન્ટિંગ – 365 ઇનિંગ્સ – 30 સદી
સનથ જયસૂર્યા – 433 ઇનિંગ્સ – 28 સદી
