રાષ્ટ્ર સેવિકા સમિતિ દ્વારા વિજયાદશમી ઉત્સવ અને પથસંચલન યોજાયું
૧૦૦થી વધારે બહેનો કાર્યક્રમમાં જોડાયા
અગ્ર ગુજરાત, રાજકોટ
રાષ્ટ્ર સેવિકા સમિતિ, સૌરાષ્ટ્ર પ્રાંતના રાજકોટ મહાનગર દ્વારા વિજયાદશમી ઉત્સવ નિમિત્તે પથસંચલનનું આયોજન કરવામાં આવ્યું હતું. પથસંચલનમાં ૮૦થી વધુ સેવિકા બહેનો જોડાઈ હતી, જ્યારે સમગ્ર ઉત્સવમાં ૧૨૦થી વધુ સેવિકા બહેનો ઉપસ્થિત રહી હતી.
ઉત્સવના અધ્યક્ષસ્થાને કોટક કન્યા વિનય મંદિરનાં આચાર્યા અને ગોલ્ડ મેડાલિસ્ટ માલાબેન કુંડલિયાએ ઉપસ્થિત રહી વિજયાદશમીના મહત્ત્વ અંગે માર્ગદર્શન આપ્યું હતું. રાષ્ટ્ર સેવિકા સમિતિનાં અખિલ ભારતીય સહસેવા પ્રમુખ તથા ગુજરાત પ્રાંત પ્રચારિકા સંધ્યાબેન ટીપરે વિજયાદશમી ઉત્સવ નિમિત્તે બૌદ્ધિક માર્ગદર્શન આપ્યું હતું.
કાર્યક્રમમાં ગુજરાત ક્ષેત્ર કાર્યવાહિકા તથા અખિલ ભારતીય સંપર્ક ટોળીનાં સદસ્ય રાજેશ્રીબેન જાની, પ્રાંત સંપર્ક પ્રમુખ કાંતાબેન કથીરિયા, રાજકોટ મહાનગર કાર્યવાહિકા નીલાબેન મલકાણ, સહકાર્યવાહિકા રંજનબેન ઠાકર અને બીનાબેન પરસાણા તથા મહાનગર સંપર્ક પ્રમુખ જસ્મીનબેન પાઠક ઉપસ્થિત રહ્યાં હતાં.
આ પ્રસંગે ભારતીબેન રાજગોર, નેહાબેન કનૈયા, યાનાબેન, ભક્તિબેન, જિલબેન, ખુશીબેન, શ્વેત, નીશાબેન, પ્રતિભાબેન, પાયલબેન સહિત સેવિકા બહેનોએ ઉત્સાહપૂર્વક ભાગ લીધો હતો.
