- ઓસ્ટ્રેલિયાના ડેપ્યુટી PM રિચાર્ડ માર્લ્સ હાજર રહેશે
- અમિતાભ – રજનીકાંત જેવા મેગાસ્ટાર બનશે મહેમાન
- ક્રિકેટ અને બોલિવુડ જગતના ઘણાં સ્ટાર રહેશે હાજર
ICC વર્લ્ડકપ 2023ની સૌથી રોમાંચક મેચ ભારત અને ઓસ્ટ્રેલિયા વચ્ચે રમાશે. આ મેચ અમદાવાદના નરેન્દ્ર મોદી સ્ટેડિયમમાં રમાશે. સમગ્ર વિશ્વની નજર આ મેચ પર ટકેલી છે. જો ભારત આ મેચ જીતી જાય છે, તો ભારત ODI વર્લ્ડકપ સિઝનમાં એક પણ મેચ હાર્યા વિના વર્લ્ડકપનો ખિતાબ જીતનારી ટીમ બની જશે. આ મેચ ખૂબ જ સ્પર્ધાત્મક રહેવાની છે. ઘણા ભારતીય ખેલાડીઓ શાનદાર ફોર્મમાં છે તો બીજી તરફ ઓસ્ટ્રેલિયાના ખેલાડીઓ પણ વર્લ્ડ કપમાં ધૂમ મચાવી રહ્યા છે. આ દરમિયાન ઘણા દિગ્ગજો, સેલિબ્રિટીઓ અને રાજનેતાઓ મેચ નિહાળવા સ્ટેડિયમમાં પધારશે.ક્રિકેટ વર્લ્ડકપની ફાઈનલ મેચ જોવા માટે વડાપ્રધાન નરેન્દ્ર મોદી સ્ટેડિયમમાં લાઈવ મેચ નિહાળશે તો 100 કરતા વધુ VIP અને VVIP નો જમાવડો થશે.
મેચમાં આ વિશેષ અતિથી હાજરી આપશે
આ મેચમાં ઓસ્ટ્રેલિયા ડે.પી.એમ, ઓસ્ટ્રેલિયા એમ્બેસેડર અને ડિફેન્સ મિનિસ્ટર ઓફ ઓસ્ટ્રેલિયા હાજર રહેશે. US એમ્બેસેડર, UAE એમ્બેસેડર અને સિંગાપુર મિનિસ્ટર ઓફ હોમ અફેરના મંત્રી પણ હાજરી આપશે. આ સાથે PM મોદી અને ગૃહમંત્રી અમિત શાહ પણ હાજર રહેશે. જ્યોતીરાદિત્ય સિંધિયા , અનુરાગ ઠાકુર,Rbi ગવર્નર , નીતા અંબાણી, હાઇકોર્ટ અને સુપ્રીમ કોર્ટ જજ, આસામના મુખ્યમંત્રી, મેઘાલયના મુખ્યમંત્રી અને સ્ટેટ મિનિસ્ટર મેચ નિહાળવા માટે સ્ટેડિયમમાં પધારશે.
આ સિંગર કરશે પરફોર્મન્સ
આ દરમિયાન મેચમાં સિંગર અને કમ્પોઝર પ્રીતમનું લાઈવ પર્ફોમન્સ કરવા જઈ રહ્યો છે. તેમજ ફિલ્મ સ્ટાર વિકી કૌશલ, સિદ્ધાર્થ મલ્હોત્રા, શાહિદ કપૂર હાજર રહેશે. તો રણબીર કપૂર, સારા અલી ખાન પણ ઉપસ્થિત રહેશે. જ્યારે ક્રિકટરમાં સચિન તેંડુલકર, યુવરાજસિંહ, સહેવાગ, ધોની પણ હાજર રહેશે. તેમજ ઘણાં ભૂતપૂર્વ ક્રિકેટરો પણ મેચ જોવા માટે પહોંચી શકે છે.
ફાઇનલ મેચમાં એર શોનું આયોજન
તેમજ ફાઈનલમાં સેરેમનીની શરુઆત ‘સેલ્યુટ ફ્રોમ સ્કાય’ IAF સૂર્યકિરણ એરોબિક ટીમનો શો હશે. પહેલીવાર એકસાથે 9 હોક્સ ઉડાન ભરશે અને વર્ટિકલ એરોબિક શો પ્રદર્શિત કરશે. આ પર્ફોરમન્સ 12.30 વાગ્યે 10 મિનિટ માટે થશે. આ એર શોને વિંગ કમાન્ડર સિદેશ કાર્તિક દ્વારા લીડ કરવામાં આવશે. આ એર શો દ્વારા ન્યૂ ઇન્ડિયાને સલામી અપાશે. સાંજના 5.30 વાગ્યે 15 મિનિટ માટેનું એક પર્ફોમન્સ યોજાશે. આ દિવસે એક હિસ્ટોરિક ઈવેન્ટ બનશે. પહેલીવાર વર્લ્ડકપના ફાઈનલ મેચના દિવસે વર્લ્ડકપ વિનિંગ કેપ્ટનને સન્માનિત કરવામાં આવશે. નમો સ્ટેડિયમમાં BCCI દ્વારા આ તમામ કપ્તાનોનું સન્માન કરવામાં આવશે.
