- ભારત અને ઓસ્ટ્રેલિયા વચ્ચે વર્લ્ડકપ 2023ની ફાઈનલ મેચ
- અમદાવાદના નરેન્દ્ર મોદી સ્ટેડિયમમાં બંને ટીમ આવી આમને-સામને
- ભારતીય ટીમ ટૂર્મામેન્ટમાં રહી છે અજેય
ભારતીય ટીમ વર્લ્ડકપ 2023ની ફાઇનલમાં ઓસ્ટ્રેલિયા સામે ટકરાશે. આ 9મી વખત હશે જ્યારે ભારતીય ટીમ ICC નોકઆઉટ મેચમાં ઓસ્ટ્રેલિયાના પડકારનો સામનો કરશે. આ સમયગાળા દરમિયાન, બંને ટીમો બે વખત ટાઇટલ મેચ રમી છે અને ઓસ્ટ્રેલિયાએ બંનેમાં જીત મેળવી છે.
ભારતીય ટીમ વર્લ્ડકપ 2023ની ફાઇનલમાં ઓસ્ટ્રેલિયા સામે ટકરાવા માટે તૈયાર છે. બંને ટીમો અમદાવાદના નરેન્દ્ર મોદી સ્ટેડિયમમાં ટકરાશે. આ ટૂર્નામેન્ટમાં ભારત અને ઓસ્ટ્રેલિયા બંને ટીમો જોરદાર લયમાં ચાલી રહી છે. ઓસ્ટ્રેલિયાએ સતત બે પરાજય સાથે શરૂઆત કરી હતી પરંતુ ત્યારપછી તમામ 8 મેચ જીતી છે. ભારત ટૂર્નામેન્ટની એકમાત્ર અજેય ટીમ છે. આ કારણથી ફાઈનલ આકરી થવાની ધારણા છે.
નોકઆઉટમાં ભારત અને ઓસ્ટ્રેલિયાનો રેકોર્ડ
ભારત અને ઓસ્ટ્રેલિયા વચ્ચે ઘણી યાદગાર ક્રિકેટ મેચો રહી છે. પછી તે 1992ની વર્લ્ડકપની મેચ હોય કે 2008ની સીવી સીરિઝ. એકંદરે, ઓસ્ટ્રેલિયા વનડે અને ટેસ્ટમાં ભારત પર ટોચનું સ્થાન ધરાવે છે. ટી20માં ભારતીય ટીમ આગળ છે. પરંતુ આઈસીસી ઈવેન્ટની નોકઆઉટ મેચોમાં ઓસ્ટ્રેલિયાનું પલડું ભારે છે.
ભારત 2 ફાઈનલ હારી ચૂક્યું
ભારતે સેમીફાઈનલ અને ક્વાર્ટર ફાઈનલ મેચમાં ઓસ્ટ્રેલિયાને હરાવ્યું છે, પરંતુ એક પણ વખત ભારતને હરાવી શક્યું નથી. ટીમ 2003માં હારી ગઈ હતી. તે જ વર્ષે ઓસ્ટ્રેલિયાએ ઓવલ ખાતે વર્લ્ડ ટેસ્ટ ચેમ્પિયનશિપની ફાઇનલમાં પણ જીત મેળવી હતી. હવે ફરી એકવાર બંને ટીમો ફાઇનલમાં ટકરાશે. ઓસ્ટ્રેલિયા જ્યાં જીતની હેટ્રિક ફટકારવા માંગે છે, ત્યારે ટીમ ઈન્ડિયા તેમને પ્રથમ વખત ICC ઈવેન્ટની ફાઇનલમાં હરાવવા ઈચ્છે છે.
બંને દેશની સંભવિત પ્લેઈંગ ઈલેવન-
ભારત- રોહિત શર્મા(કેપ્ટન), શુભમન ગિલ, વિરાટ કોહલી, શ્રેયસ અય્યર, કેએલ રાહુલ, સૂર્યકુમાર યાદવ, રવિન્દ્ર જાડેજા, મોહમ્મદ શમી, જસપ્રીત બુમરાહ, કુલદીપ યાદવ, મોહમ્મદ સિરાઝ
ઓસ્ટ્રેલિયા- ટ્રેવિસ હેડ, ડેવિડ વોર્નર, મિચેલ માર્શ, સ્ટિવ સ્મિથ, માર્નસ લાબુશેન, ગ્લેન મેક્સવેલ, જોશ ઈંગ્લિસ, પેટ કમિન્સ(કેપ્ટન), મિચેલ સ્ટાર્ક, એડમ ઝામ્પા, જોશ હેઝલવુડ
