અનેક શિક્ષિત પરિવારોમાં પણ આજે મહિલાઓ અન્યાય અને અત્યાચાર સહન કરતી જોવા મળે છે
પોલીસ સહિત અનેક સંસ્થા મહિલાઓની મદદ માટે કાર્યરત છે છતાં પોતાની ન્યાય મેળવવા માટે મહિલાએ જાતે જ પગલું ઉઠાવવું પડશે
આપણે મહિલા સશક્તિકરણની વાતો કરીએ છીએ પરંતુ સમાજમાં ખરેખર આ વાતોનો અમલ થાય છે ખરા? આપણી આસપાસ અનેક મહિલાઓ રોજબરોજના જીવનમાં અન્યાયનો સામનો કરતી હોય છે એટલું જ નહીં પરંતુ એ હિંસા અને અમાનવીય વર્તન પણ સહન કરતી હોય છે ત્યારે મહિલાઓ પર થતા અત્યાચાર,હિંસા તથા અમાનવીય વર્તન વગેરે રોકવા માટેના પ્રયત્નો રૂપે 25 નવેમ્બર વિશ્વ મહિલા હિંસા વિરોધી દિવસ તરીકે ઉજવાય છે. લેટિન અમેરિકામાં ડોમિનિક રિપબ્લિક પાર્ટીની બે મહિલા કાર્યકરોની હત્યા કરાઈ એ બનાવ બાદ 1981 માં યુનાઇટેડ નેશન્સ દ્વારા ઠરાવ પસાર કરવામાં આવ્યો હતો. મહિલાઓ પર થતી હિંસા અંગે જાગૃતિ લાવવા 25 નવેમ્બરના રોજ ઇન્ટરનેશનલ ડે ફોર એલિમીનેશન ઓફ વાયોલન્સ અગેન્સ્ટ વુમન તરીકે ઉજવવામાં આવે છે આ દિવસે જુદા જુદા કાર્યક્રમોનું પણ આયોજન કરવામાં આવે છે. આજે મહિલા જુદા જુદા ક્ષેત્રમાં કાર્યરત છે ત્યારે મહિલાઓએ પોતાના વિચારો “અગ્ર ગુજરાત” સમક્ષ વ્યક્ત કર્યા હતા.
