- ભારત અને સાઉથ આફ્રિકા વચ્ચે ત્રીજી વનડે
- સંજુ સેમસને ODI ફોર્મેટમાં ફટકારી પ્રથમ સદી
- સંજુ સેમસને 114 બોલમાં 108 રનની ઈનિંગ રમી
સંજુ સેમસને તેના ટીકાકારોને જડબાતોડ જવાબ આપ્યો છે. વાસ્તવમાં, સંજુ સેમસને સાઉથ આફ્રિકા સામેની ત્રીજી વનડેમાં શાનદાર સદી ફટકારી હતી. સંજુ સેમસનની વનડે કારકિર્દીની આ પ્રથમ સદી છે. જો કે સંજુ સેમસન સદી પૂરી કરીને પેવેલિયન પરત ફર્યો હતો, પરંતુ સેમસેને ટીમ ઈન્ડિયા માટે મુશ્કેલ સમયમાં શાનદાર ઈનિંગ રમી હતી. સંજુ સેમસને 114 બોલમાં 108 રન બનાવ્યા હતા. તેણે પોતાની ઇનિંગમાં 6 ફોર અને 3 સિક્સર ફટકારી હતી. સદી ફટકાર્યા બાદ સંજુ સેમસન વિયાન મુલ્ડરના બોલ પર પેવેલિયન પરત ફર્યો હતો.
ટીમ ઈન્ડિયા મુશ્કેલીમાં હતી, ત્યારે…
49 રનમાં 2 વિકેટ ગુમાવ્યા બાદ ભારતીય ટીમ સંઘર્ષ કરી રહી હતી, પરંતુ આ પછી સંજુ સેમસને પહેલા કેપ્ટન કેએલ રાહુલ અને પછી તિલક વર્મા સાથે સારી ભાગીદારી કરી અને ટીમ ઈન્ડિયાને મુશ્કેલીમાંથી બહાર કાઢી. સંજુ સેમસન અને તિલક વર્મા વચ્ચે ચોથી વિકેટ માટે 116 રનની મહત્વપૂર્ણ ભાગીદારી થઈ હતી.
સંજુ સેમસનનું વનડે કરિયર
વાસ્તવમાં, અત્યાર સુધી સંજુ સેમસનનું વનડે કરિયર અપેક્ષા મુજબનું રહ્યું નથી. ભારતીય વનડે ટીમમાં સંજુ સેમસનની પસંદગી પર સતત સવાલો ઉઠી રહ્યા હતા. આ વિકેટકીપર બેટ્સમેન સતત તેના ટીકાકારોના નિશાના પર હતો, પરંતુ આજે તેણે મુશ્કેલ સમયમાં યાદગાર સદી ફટકારી હતી. જો સંજુ સેમસનના વનડે કરિયર પર નજર કરીએ તો આ ખેલાડીએ 16 મેચમાં ભારતનું પ્રતિનિધિત્વ કર્યું છે. સંજુ સેમસને 99.61ની સ્ટ્રાઈક રેટ અને 56.67ની એવરેજથી 510 રન બનાવ્યા છે. સંજુ સેમસને ODI ફોર્મેટમાં ત્રણ વખત પચાસ રનનો આંકડો પાર કર્યો છે. તે જ સમયે, આજે આ વિકેટકીપર બેટ્સમેને ODI ફોર્મેટમાં પ્રથમ વખત સદી પણ ફટકારી હતી.
