- ગાંધીનગર લોકસભા બેઠક પરથી ભરશે ફોર્મ
- ગાંધીનગર કલેકટર કચેરીમાં ઉમેદવારી નોંધાવશે
- શાહના આગમનથી તંત્રને એલર્ટ મોડ ઉપર રહેવાના આદેશો
અમિત શાહ આજે લોકસભાની ચૂંટણી માટે ઉમેદવારી પત્ર ભરશે. જેમાં ગાંધીનગર લોકસભા બેઠક પરથી ઉમેદવારી પત્ર ભરશે. તેમાં 12.39 વિજય મુહૂર્તમાં ગાંધીનગર કલેકટર કચેરીમાં અમિત શાહ ઉમેદવારી પત્ર ભરશે. અમિત શાહ સાથે ગુજરાતના મુખ્યમંત્રી ભૂપેન્દ્ર પટેલ હાજર રહેશે. તેમજ ક્લસ્ટર ઇન્ચાર્જ કે.સી. પટેલ સાથે સાંસદ મયંક નાયક પણ ઉપસ્થિત રહેશે.
અમિત શાહના આગમનથી તંત્રને એલર્ટ મોડ ઉપર રહેવાના આદેશો
અમિત શાહ અમદાવાદથી ગાંધીનગર કલેક્ટર કચેરી ઉમેદવારી ફોર્મ ભરવા માટે પહોંચવાના છે. ત્યારે પ્રોટોકોલ મુજબ ઘ-0થી કલેક્ટર કચેરી સુધી ચુસ્ત પોલીસ બંદોબસ્ત ગોઠવી દેવામાં આવ્યો છે. ત્યારે ગાંધીનગર સિવિલ હોસ્પિટલ ખાતે પણ બેઝ હોસ્પિટલ તૈયાર કરી દેવામાં આવી છે. જેમાં મોટાભાગના દરેક વિભાગના તજજ્ઞ તબીબોને ફરજ સોંપવામાં આવી છે. ઉપરાંત જરૂરી બ્લડને આરક્ષિત કરવામાં આવ્યું છે. સમગ્ર સિવિલ તંત્રને અમિત શાહના આગમનથી એલર્ટ મોડ ઉપર રહેવાના આદેશો આપવામાં આવ્યા છે.
પોલીસનો કડક બંદોબસ્ત ગોઠવી દેવામાં આવ્યો
ગાંધીનગર કલેક્ટર કચેરી ખાતે પણ 100 મીટર ત્રિજ્યામાં પોલીસનો કડક બંદોબસ્ત ગોઠવી દેવામાં આવ્યો છે. તેમજ તમામ વાહનો માટે પ્રતિબંધ છે. જ્યારે કલેક્ટર કચેરી આસપાસ કોર્ટ – ઉદ્યોગ ભવન કચેરીઓ પણ આવેલી હોવાથી સુરક્ષા વ્યવસ્થાને ધ્યાને લઈ કલેક્ટર કચેરીની રોડ સાઈડના કમ્પાઉન્ડમાં સફેદ કપડાંના પડદા લગાવી દેવાયા છે. જેથી જ્યારે અમિત શાહનું કલેક્ટર કચેરીમાં આગમન થાય ત્યારે કોઈપણને અંદરની માહિતી મળશે નહી.
ઉમેદવારી નોંધાવવાની આજે છેલ્લી તારીખ
ઉમેદવારી નોંધાવવાની આજે છેલ્લી તારીખ છે. ગઈકાલે કેટલીક બેઠકો પર ભાજપ-કોંગ્રેસના ઉમેદવારોએ ફોર્મ ભર્યા હતા. ત્યારે આજે કેન્દ્રિય ગૃહમંત્રી અને ગાંધીનગર લોકસભા બેઠકના ભાજપના ઉમેદવાર અમિત શાહ, ભાજપ પ્રદેશ પ્રમુખ અને નવસારી લોકસભા બેઠકના ઉમેદવાર સી.આર પાટીલ, રાજકોટ બેઠકના કોંગ્રેસના ઉમેદવાર પરેશ ધાનાણી અને જામનગર બેઠકના ભાજપના ઉમેદવાર પૂનમબેન માડમ સહિત કેટલાક ઉમેદવારો ઉમેદવારી નોંધાવશે.
