રાજકોટમાં એક મહિનામાં મોરબી રોડ ઉપર ૨૦૫૨ દસ્તાવેજ નોંધાયા

રાજકોટ જિલ્લાના ૧૦ તાલુકામાં ૫૨૪૦ મિલ્કતનું ખરીદ-વેંચાણ થયું

લોકસભાની ચૂંટણીના પરિણામ જાહેર થયા ગયા બાદ હજૂ આચારસંહિતા ઉઠી નથી મતદાન પછી હળવી પરતું થયેલી આચાર સંહિતામાં પણ રાજકોટવાસીઓએ શહેરમાં ૯૬૨૦ અને જિલ્લાના ૧૦ તાલુકામાં પ૨૪૦ મિલ્કતનું ખરીદ- વેંચાણ કર્યું છે. આમ શહેર-જિલ્લામાં મે મહિના દરમિયાન કુલ ૧૪,૮૬૦ દસ્તાવેજ નોંધાયા છે.

રાજકોટ શહેરમાં એક મહિનામાં સૌથી વધુ મોરબી રોડ ઉપર મિલ્કતના સોદા કરવામાં આવ્યા છે. જે છેલ્લા પાંચ મહિનામાં સૌથી વધુ હોવાનું જાણવા મળી રહ્યું છે. એકલા મોરબી રોડ ઉપર જ ૨૦૫૨ મિલ્કતના સોદા કરવામાં આવ્યા છે. ચૂંટણીની આચારસંહિતાના કારણે રોકડની હેરફેર ઉપર પ્રતિબંધ હોવાના કારણે નવી મિલ્કત ખરિદનારાઓએ રોકડ માટે એક મહિનાની મુદત નાંખવામાં આવી હતી. મતદાન બાદ આચારસંહિતા હળવી થતા જ દસ્તાવેજ નોંધણીમાં ધસારો રહ્યો છે.

રાજકોટ જિલ્લાના ૧૦ તાલુકામાં સૌથી વધુ દસ્તાવેજ ગોંડલમાં નોંધાયા છે. રાજકોટ શહેરની માફક ગામ્ય પંથકમાં પણ મોટા પાયે મિલ્કતનું ખરીદ-વેંચાણ થયું છે. ગોંડલમાં ૧૩૮૪ મિલ્કતના દસ્તાવેજ નોંધાયા છે.બીજૂ કારણ એ છે કે, રાજકોટથી નજીક અને શાપર, વેરાવળ તેમજ હડમતાળા જીઆઈડીસી વિસ્તારમાં મિલ્કતના સોદા થયા હોવાનું જાણવા મળ્યું છે. દસ્તાવેજ નોંધણીથી સરકારને કરોડો રૂપિયાની આવક થઈ છે.

તાલુકા મથકમાં નોંધાયેલ દસ્તાવેજ

તાલુકા            દસ્તાવેજ

કોટડાસાંગાણી       505

લોધીકા                799

વિંછીયા                98

ઉપલેટા               525

જેતપુર                  716

ધોરાજી               380

ગોંડલ                 1384

જસદણ               431

જામકંડોરણા        114

પડધરી                293

કુલ                    5240

રાજકોટ શહેરમાં ક્યાં કેટલા દસ્તાવેજ ?

વિસ્તાર             દસ્તાવેજ

મવા                   802

મવડી                 1405

કોઠારિયા           1314

રાજકોટ તાલુકા    831

મોરબી રોડ          2052

રૈયા                     1260

રતનપર              1120

રાજકોટ શહેર       820

કુલ                    9620