અમેરિકાની સત્તા ગાદી પર બીજીવાર બેસ્યા બાદ ડોનાલ્ડ ટ્રંપ સોશિયલ મીડિયા પર ટ્રેંડ થઇ રહ્યા છે. ત્યારે આ સોશિયલ મીડિયા પર હવે તેમના માટે જાનથી મારી નાંખવાની ધમકીઓવાળી પોસ્ટ જોવા મળી રહી છે. જે શખ્સે રાષ્ટ્રપતિને ધમકી આપી હતી. તેની હવે ધરપકડ કરવામાં આવી છે. અમેરિકાની FBI અને સીક્રેટ સર્વિસ હાઇ એલર્ટ પર દેખાઇ રહી છે. આ શખ્સની ધરપકડ કર્યા બાદ, તેણે કેમ આવા પ્રકારની ધમકી પોસ્ટ કરી હતી અને તેનુ ષડયંત્ર શુ હતુ તે મામલે પૂછપરછ હાથ ધરાઇ છે.
ડોનાલ્ડ ટ્રંપને બનાવ્યુ નિશાન
ફ્લોરિડાના શૈનન એટકિંસ ડોનાલ્ડ ટ્રંપને ધમકી આપ્યા બાદ ચર્ચામાં આવ્યા છે. શૈનન એટકિંસે સોશિયલ મીડિયા પર ઘણા ધમકીભર્યા પોસ્ટ કર્યા હતા. આ મામલે FBI તરફથી મળેલી સૂચના બાદ તેની ધરપકડ કરવામાં આવી હતી. 46 વર્ષીય શૈનન એટકિંસે સોશિયલ મીડિયા પર ઘણા ધમકીભર્યા પોસ્ટ કર્યા હતા. જેમાં તેણે ડોનાલ્ડ ટ્રંપને નિશાન બનાવ્યુ હતુ. ધ સન યૂએસની રિપોર્ટ મુજબ શૈનન એટકિંસના ફેસબુક અપડેટમાં ટ્રંપના શપથવિધિના કાર્યક્રમમાં એક દિવસ અગાઉ તેણે પોસ્ટ કરી હતી જેમાં તેણે લખ્યુ હતુ કે, અમેરિકાને બચાવવા માટે માત્ર એક ગોળી ચલાવવાની જરુર છે. પોલીસના જણાવ્યા મુજબ આ પોસ્ટ શૈનન એટકિંસના ધરપકડ માટે મુખ્ય પુરવો છે. ફ્લોરિડામાં પામ બીચ પાસેથી આ શખ્સને પકડવામાં આવ્યો હતો. ધરપકડ દરમિયાન કોકીનના 3 બેગ પણ મળ્યા હતા.
FBI અને સીક્રેટ સર્વિસ હાઇ એલર્ટ પર
આ ધરપકડ બાદ FBI અને સીક્રેટ સર્વિસ હાઇ એલર્ટ પર જોવા મળી રહી છે. રાષ્ટ્રપતિ ડોનાલ્ડ ટ્રંપની સુરક્ષામાં પણ સઘન વધારો કરવામાં આવ્યો છે. કારણે ટ્રંપ પર હુમલાનો બે વાર નિષ્ફળ પ્રયાસ કરાયો છે. જે બાદ FBI અને સીક્રેટ સર્વિસ આ મામલે વધુ સંવેદનશીલ જોવા મળી રહી છે. શૈનન એટકિંસે સોશિયલ મીડિયા પર પોતે કરેલા પોસ્ટ બાદ દાવો કર્યો છે કે, આ માત્ર એક મજાક હતી. પરંતુ પોલીસના જણાવ્યા મુજબ આ કોઇ ચેષ્ટા ન હતી. અને રાષ્ટ્રપતિ માટે આવી વાત કરવી એ ખતરનાક સાબિત થઇ શકે છે. આ ઉપરાંત જ્યારે પોલીસે શૈનન એટકિંસના અન્ય અકાઉંટ પર પોસ્ટ જોયા તો તેમાં તેણે લખ્યુ હતુ કે, ઇતિહાસનું હમેંશા પુનરાવર્તન થાય છે. અને આપણા અહીં વર્ષોથી હજુ સુધી કોઇ હત્યા નથી કરવામાં આવી. આ પોસ્ટ બાદ પોલીસે હવે કડક કાર્યવાહી હાથ ધરી છે.
