આંતરરાષ્ટ્રીય ક્રિકેટ કાઉન્સિલ (ICC) એ સોમવારે એન્યુઅલ રેન્કિંગ જાહેર કર્યું, જેમાં ભારત અને ઓસ્ટ્રેલિયાનું વર્ચસ્વ જોવા મળ્યું. જ્યારે કાંગારૂ ટીમ ટેસ્ટમાં નંબર વન તરીકે ઉભરી આવી છે, ત્યારે ભારત વનડે અને T20માં ટોપ પર છે.
લેટેસ્ટ રેન્કિંગમાં, મે 2024 થી અત્યાર સુધી રમાયેલી બધી મેચોને 100 ટકા દર આપવામાં આવ્યો છે અને છેલ્લા બે વર્ષની મેચોને 50 ટકા દર આપવામાં આવ્યો છે.
કાંગારૂ ટીમ ટેસ્ટમાં ટોપ પર
ગયા વખતે વર્લ્ડ ટેસ્ટ ચેમ્પિયનશિપનો ખિતાબ જીતનાર કાંગારૂ ટીમે ફરી એકવાર ટેસ્ટમાં પોતાની સર્વોપરિતા સાબિત કરી છે. પરંતુ અપડેટ પછી, તેની લીડ 15 પોઈન્ટથી ઘટીને 13 પોઈન્ટ થઈ ગઈ છે. પેટ કમિન્સની ટીમના 126 રેટિંગ પોઈન્ટ છે.
ઈંગ્લેન્ડે ટેસ્ટમાં લગાવી મોટી છલાંગ
ટેસ્ટમાં, બેન સ્ટોક્સની આગેવાની હેઠળની ઈંગ્લેન્ડની ટીમે મોટી છલાંગ લગાવી છે અને દક્ષિણ આફ્રિકા અને ભારત બંનેને પાછળ છોડીને બીજા સ્થાને પહોંચી ગઈ છે. ટીમને આ ફાયદો એટલા માટે મળ્યો છે કારણ કે તેને ગયા વર્ષે ચારમાંથી ત્રણ ટેસ્ટ સિરીઝ જીતી હતી. ઈંગ્લેન્ડના રેટિંગ પોઈન્ટ વધીને 113 થયો છે. ઈંગ્લેન્ડ પછી પ્રોટીઝ ટીમ 111 પોઈન્ટ સાથે આવે છે, જ્યારે ભારત 105 રેટિંગ પોઈન્ટ સાથે ચોથા સ્થાને છે.
ટીમ ઈન્ડિયા વનડેમાં બેસ્ટ
ICC ચેમ્પિયન્સ ટ્રોફી 2025 માં જીત સાથે, ટીમ ઈન્ડિયાએ ODI માં ટોપ પર પોતાની પકડ મજબૂત બનાવી છે. ટીમના અત્યાર સુધીના રેટિંગ પોઈન્ટ હવે 122 થી વધીને 124 થઈ ગયા છે. બીજા સ્થાને ચેમ્પિયન્સ ટ્રોફીના રનર્સ-અપ ન્યુઝીલેન્ડ છે, જેને કટ્ટર હરીફ ઓસ્ટ્રેલિયાને પાછળ છોડી દીધું છે, જે હવે ત્રીજા સ્થાને છે.
ભારત 2025 માં ICC T20I રેન્કિંગમાં પણ ટોપ પર
ભારત T20I ફોર્મેટમાં ટોપ પર રહ્યું છે, પરંતુ બીજા ક્રમે રહેલા ઓસ્ટ્રેલિયા પર તેની લીડ 10 થી ઘટીને 9 પોઈન્ટ થઈ ગઈ છે. T20 વર્લ્ડકપ જીત્યા પછી, ભારતે શ્રીલંકા, દક્ષિણ આફ્રિકા અને ઈંગ્લેન્ડ સામેની સિરીઝમાં શાનદાર જીત નોંધાવી, જેનો તેને ફાયદો થયો છે. ઈંગ્લેન્ડ ત્રીજા સ્થાને, ન્યુઝીલેન્ડ ચોથા સ્થાને, વેસ્ટ ઈન્ડિઝ પાંચમા સ્થાને અને દક્ષિણ આફ્રિકા છઠ્ઠા સ્થાને છે. શ્રીલંકા પાકિસ્તાનને પાછળ છોડીને સાતમા સ્થાને પહોંચી ગયું છે, જ્યારે પાકિસ્તાન હવે આઠમા સ્થાને સરકી ગયું છે. કેનેડાએ નવ રેટિંગ પોઈન્ટ મેળવીને આ ફોર્મેટમાં ટોપના 20માં પ્રવેશ કર્યો છે.
