ઈન્ડિયન પ્રીમિયર લીગ ઓક્શનને લઈ ફરી ફેન્સની ઉત્તેજના વધી ગઈ છે. IPL 2026 સિઝન માટે ખેલાડીઓની ઓક્શન અબુ ધાબીના એતિહાદ એરેના ખાતે કરવામાં આવશે. દર વર્ષની જેમ, ઓક્શનની સિઝન ખેલાડીઓ માટે જેટલી રોમાંચક છે તેટલી જ દરેક ટીમના ચાહકો માટે પણ છે. આ વખતે પણ પરિસ્થિતિ અલગ નથી. મીની-ઓક્શનને કારણે કેટલાક ખેલાડીઓ પર મોટી રકમનો વરસાદ થશે, જ્યારે ઘણા સ્ટાર ખેલાડીઓનું ભાવિ નક્કી થશે.
IPL2026ની ઓક્શન ક્યારે અને ક્યાં થશે?
ઇન્ડિયન પ્રીમિયર લીગ 2026 ની હરાજી આવતીકાલે, 16 ડિસેમ્બરે યોજાવાની છે. ઓક્શનનું લાઇવ પ્રસારણ અબુ ધાબીના એતિહાદ એરેનાથી કરવામાં આવશે.
IPL202નું ઓક્શન કેટલા વાગ્યે શરૂ થશે?
IPL 2026ના ઓક્શન આવતીકાલે બપોરે 2:30 વાગ્યે IST પર લાઇવ પ્રસારણ કરવામાં આવશે. મીની ઓક્શન સામાન્ય રીતે બપોરે શરૂ થાય છે અને 7-8 કલાક સુધી ચાલે છે.
IPL2026ના ઓક્શન ક્યાં જોઈ શકો છો?
ચાહકો JioHotstar પર ઇન્ડિયન પ્રીમિયર લીગની હરાજી લાઇવ જોઈ શકશે. તે મોબાઇલ એપ્લિકેશન અને વેબસાઇટ પર સ્ટ્રીમ કરી શકાય છે. હરાજી સ્ટાર સ્પોર્ટ્સ નેટવર્કની વિવિધ ચેનલો પર પણ પ્રસારિત કરવામાં આવશે. હરાજી દરમિયાન, નિષ્ણાતો અંગ્રેજી અને હિન્દીમાં જોવા મળશે, દરેક ખેલાડીની શક્તિઓ અને તેમની ખરીદીના કારણો સમજાવશે. જો તમારી પાસે તમારા OTT પ્લે પેકેજમાં JioHotstar ઉપલબ્ધ છે, તો તમે તેને ત્યાં પણ લાઇવ જોઈ શકો છો.
આ પણ વાંચો-BCCI New Rule : ટીમ ઈન્ડિયાના ખેલાડીઓ માટે નવો નિયમ! આ બે મેચ કોઈપણ કિંમતે રમવી જ પડશે
