એરેના એનિમેશન દ્વારા ‘એલ્યુમની મીટ અને પદવીદાન સમારોહ-૨૦૨૬’ સંપન્ન

 એરેના એનિમેશન દ્વારા ‘એલ્યુમની મીટ અને પદવીદાન સમારોહ-૨૦૨૬’ સંપન્ન

 સિનિયર વાઈસ પ્રેસિડેન્ટ શાજન સેમ્યુઅલ સહિતના મહાનુભાવોની ગરિમામય ઉપસ્થિતિ

 એનિમેશન, VFX અને ગ્રાફિક ડિઝાઇનિંગના કોર્સ પૂર્ણ કરનાર યુવા કલાકારોને પદવીઓ એનાયત; ૨૦૦થી વધુ મહાનુભાવો અને વિદ્યાર્થીઓ રહ્યા સહભાગી.

અગ્ર ગુજરાત, રાજકોટ

કલા, કૌશલ્ય અને ક્રિએટિવિટીના અગ્રણી હબ સમાન એરેના એનિમેશન દ્વારા ગત ૨૮ ઓક્ટોબર, ૨૦૨૬ના રોજ “એલ્યુમની મીટ અને પદવીદાન સમારોહ – ૨૦૨૬” નું આયોજન કરવામાં આવ્યું હતું. આ સમારોહ માત્ર એક કાર્યક્રમ ન રહેતા યુવા કલાકારોની ઉત્કૃષ્ટ સફર અને તેમના ઉજ્જવળ ભવિષ્યની ગૌરવગાથા બની રહ્યો હતો, જેણે રાજકોટના શૈક્ષણિક અને ક્રિએટિવ જગતમાં અનોખી છાપ છોડી છે.

આ સમારોહની વિશેષ ગરિમા એ રહી કે એનિમેશન અને એજ્યુકેશન ક્ષેત્રની દિગ્ગજ રાષ્ટ્રીય કંપની Aptech Limitedની હેડઓફિસથી ખાસ ઉચ્ચ પદાધિકારીઓ વિશેષરૂપે ઉપસ્થિત રહ્યા હતા. જેમાં એરેના એનિમેશનના સિનિયર વાઈસ પ્રેસિડેન્ટ અને નેશનલ સેલ્સ હેડ શાજન સેમ્યુઅલ, રીજનલ સેલ્સ હેડ રમેશ મોગાવીરા તથા નેશનલ એકેડેમિક હેડ અમર ત્રિવેદીની ઉપસ્થિતિએ મહોત્સવની શોભા વધારી હતી.

ઉપસ્થિત અતિથિઓએ વિદ્યાર્થીઓને પ્રેરણાદાયી માર્ગદર્શન આપતા જણાવ્યું હતું કે, “આજના ડિજિટલ યુગમાં એનિમેશન અને VFX (વિઝયુઅલ ઇફેક્ટ્સ) ક્ષેત્રે અપાર સંભાવનાઓ રહેલી છે. યુવાનો પોતાની ઉત્કૃષ્ટ કલા અને સર્જનાત્મકતા દ્વારા વૈશ્વિક સ્તરે મોટી સફળતા અને નામના મેળવી શકે છે.”

સમારોહ દરમિયાન એનિમેશન, ગ્રાફિક ડિઝાઇનિંગ, વિઝયુઅલ ઇફેકટ્સ (VFX) અને મલ્ટીમીડિયા જેવા અદ્યતન અભ્યાસક્રમો સફળતાપૂર્વક પૂર્ણ કરનાર વિદ્યાર્થીઓને પદવીઓ તથા પ્રમાણપત્રો એનાયત કરવામાં આવ્યા હતા. આ તકે વિદ્યાર્થીઓએ પોતાના લાઈવ પ્રોજેક્ટ્સ અને ક્રિએટિવ સ્કિલની ઝલક રજૂ કરી સૌ કોઈને મંત્રમુગ્ધ કર્યા હતા.

કાર્યક્રમનું સૌથી મોટું આકર્ષણ ભૂતપૂર્વ વિદ્યાર્થીઓ (Alumni) સાથેનો જીવંત સંવાદ રહ્યો હતો. દેશ-વિદેશની નામાંકિત કંપનીઓ, સ્ટુડિયો અને ક્રિએટિવ ઇન્ડસ્ટ્રીઝમાં કાર્યરત એલ્યુમની વિદ્યાર્થીઓએ પોતાના સુવર્ણ સંસ્મરણો વાગોળ્યા હતા અને વર્તમાન વિદ્યાર્થીઓ સાથે ઇન્ડસ્ટ્રીની રિયલ-વર્લ્ડ ચેલેન્જીસ તથા લેટેસ્ટ ટ્રેન્ડ્સ શેર કર્યા હતા.

આ ભવ્ય કાર્યક્રમમાં વિદ્યાર્થીઓ ઉપરાંત તેમના વાલીઓ અને વિવિધ કંપનીઓના અગ્રણી પ્રતિનિધિઓ સહિત અંદાજે ૨૦૦ જેટલા ઉત્સાહી લોકો સહભાગી થયા હતા. કાર્યક્રમને સફળ બનાવવા માટે Digital Keval, Sandhya Branding Agency, Asense Branding, Velixa, Depth Vision અને Mauli’s Art Studio નો વિશેષ સહયોગ સાંપડ્યો હતો, જ્યારે Arkya Foods દ્વારા ગિફ્ટિંગ પાર્ટનર તરીકે સાથ આપવામાં આવ્યો હતો.

એરેના એનિમેશન (કાલાવડ રોડ) ના સંચાલકો વિધી કોટક, જૈમીન ભીંડા અને કમલ ભારદીયા ના ઉત્કૃષ્ટ નેતૃત્વ હેઠળ આ કાર્યક્રમ દીપોત્સવી માહોલમાં સફળતાપૂર્વક સંપન્ન થયો હતો. સંચાલકોએ જણાવ્યું હતું કે, “વિદ્યાર્થીઓ સંસ્થાનું સાચું ગૌરવ છે, તેમની સફળતા જ અમારી ખરી ઓળખ છે.” સમગ્ર આયોજનને સફળ બનાવવા પ્રિયંકા ચાવડા, ભાવિષા ગોસ્વામી, શ્રુતિ સાવલિયા અને માનસી કિકાણી સહિતની ટીમે ભારે જહેમત ઉઠાવી હતી.