ભારત અને પાકિસ્તાન આ ટૂર્નામેન્ટમાં 11 વર્ષ બાદ ફાઇનલમાં રમશે. છેલ્લી વાર ભારત અંડર 19 ટીમે પાકિસ્તાનને 2014માં એશિયા કપ ફાઇનલમાં હરાવ્યા હતા,જ્યારે ભારતીય ટીમમાં શ્રેયસ અય્યર, સરફરાઝ ખાન, સંજૂ સેમસન અને કુલદીપ યાદવ જેવા ખેલાડીઓ હતા. ભારતની ફાઇનલ સુધીની સફર ઓલરાઉન્ડ પ્રદર્શન પર આધારિત રહી છે જેમાં બેટ્સમેન અને બોલરોએ ભેગા થઈને એક મજબૂત એકમ બનાવ્યું છે.ભારતનું બેટિંગ પ્રદર્શન ઉત્તમ રહ્યું છે અને ટીમે બે વાર 400 થી વધુનો સ્કોર બનાવ્યો છે. 50 ઓવરની આ ટુર્નામેન્ટમાં યુવા પ્રતિભાઓનો ઉદય થયો છે, જેમાં ૧૭ વર્ષીય વિકેટકીપર-બેટ્સમેન અભિજ્ઞાન કુંડુનો પણ સમાવેશ થાય છે.
અભિજ્ઞાન કુંડૂ
આ મેચમાં અભિજ્ઞાન કુંડૂ પર નજર રહેશે. અભિજ્ઞાને અત્યાર સુધીમાં 4 મેચની 3 ઇનિંગ્સમાં 263.00 ની સરેરાશ અને 151.15 ના સ્ટ્રાઇક રેટથી 263 રન બનાવ્યા છે.તેણે મલેશિયા સામે અણનમ 209 રન બનાવ્યા.
વૈભવ સૂર્યવંશી
ભારતના યુવા દિગ્ગજ વૈભવ સૂર્યવંશી પર આ મેચમાં ખાસ નજર રાખવામાં આવશે. પાછલી મેચમાં પાકિસ્તાન વિરુદ્ધ વૈભવ સૂર્યવંશી કઇ ખાસ કમાલ નહોતા કરી શક્યા. વૈભવ સૂર્યવંશીએ 4 મેચમાં 1 સદીની મદદથી 235 રન બનાવ્યા છે.યુએઇ વિરુદ્ધ પહેલી જ મેચમાં તેણે 171 રન કર્યા હતા. 4 ડિસેમ્બર 2025એ પાકિસ્તાન વિરુદ્ધ થયેલા ગ્રુપ મેચમાં, વૈભવ સસ્તામાં આઉટ થઇ ગયા હતા. તેમણે માત્ર 5 રન બનાવ્યા હતા. એવામાં આજે વૈભવ પાકિસ્તાન વિરુદ્ધ તોફાની ઇનિંગ્સ રમવા ઇચ્છશે.
વિહાન મલ્હોત્રા
વિહાન મલ્હોત્રા પર પણ આજે નજર રહેશે. આ ટૂર્નામેન્ટમાં વિહારે પણ શાનદાર બેટિંગ કરી છે. વિહાને 2 અર્ધશતક બનાવ્યા. તેમણે 4 મેચમાં 149 રન બનાવ્યા છે. આ સમયગાળા દરમિયાન, તેમનો સરેરાશ 49.67 અને સ્ટ્રાઇક રેટ 114.62 રહ્યો છે.
સમીર મિન્હાસ
પાકિસ્તાનના સમીર મિન્હાસનું પણ પ્રદર્શન ખૂબ જ સારૂં રહેલુ છે, સમીર મિન્હાસે 4 મેચમાં 299 રન બનાવ્યા છે અને આ ટૂર્નામેન્ટમાં સૌથી વધારે રન બનાવવા વાળા બેટ્સમેન છ. મિન્હાસે 103ના સ્ટ્રાઇક રેટની સાથે રન બનાવવાનો કમાલ કર્યો છે. તે એક સદી અને એક અડધી સદી ફટકારવામાં સફળ રહ્યો છે.
