વોર્ડ નંબર 14માં વોકળા પર કોમ્યુનિટી હોલ અને ફાયર સ્ટેશન સામેના વિરોધમાં વિરોધ પક્ષના નેતાએ વિઝીટ કરી
દિવાળી બાદ નેતા દીપ્તિબેનની આગેવાની વિરોધ કાર્યક્રમોની જાહેરાત કરાશે
અગ્ર ગુજરાત, રાજકોટ
રાજકોટ મહાનગરપાલિકા દ્વારા વોર્ડ નંબર 14માં વાણીયાવાડી અને કોઠારીયા કોલોનીને વચ્ચે આવેલા પારડી માર્ગ બોલબાલા માર્ગ પર ના વોકળા પર મુખ્યમંત્રી દ્વારા ફાયર સ્ટેશન અને કોમ્યુનિટી હોલ બનાવવાની હિલચાલ સામે લતાવાસીઓ દ્વારા વિરોધ કાર્યક્રમ યોજાઇ રહ્યા છે. અને કોઠારીયા કોલોની યુવા ગ્રુપ દ્વારા રાજકોટ મહાનગરપાલિકા ના કમિશનર અને મેયરને તા.7/08/2026 ઈન્વર્ડ નંબર 1917 થી અને ત્યારબાદ તારીખ 12/08/2026 ઇન્વર્ડ નંબર 1998 થી લેખિત રજૂઆત કરવામાં આવી છે અને માસ્તર સોસાયટી દ્વારા તારીખ 11/08/2026 થી ઇન્વર્ડ નંબર 1958 લેખિત રજૂઆત કરવામાં આવી છે પરંતુ એક પણ લેખિત રજૂઆતનો જવાબ નહીં મળતા મુખ્યમંત્રી સ્વાગત કાર્યક્રમમાં પણ ફરિયાદ કરવામાં આવી છે. તમામ રજૂઆતો તુમારશાહીનો ભોગ બની છે. લેખિત અરજીનો લેખિત જવાબ આપવો એવા સરકારના આદેશનો ઉલાળીયો કરવામાં આવ્યો છે અને રાજકોટ મહાનગરપાલિકા નાગરિક અધિકાર પત્રનું ઉલ્લંઘન કરે છે. ત્યારે આજરોજ રાજકોટ મહાનગરપાલિકાના વિરોધ પક્ષના નેતા વોર્ડ નંબર 16 ના કોર્પોરેટર દીપ્તિબેન સોલંકી આ વિસ્તારમાં સાઈટ વિઝીટ કરતા વિસ્તારના બહેનોએ જણાવ્યું હતું કે હાલ માસ્તર સોસાયટીમાં વોકળો પેક (બંધ) કરાતા તમામ બંગલાઓમાં સામાન્ય વરસાદમાં પણ ગોઠણભેર પાણી ભરાય છે ત્યારે અહીંયા વોકળા પર બે માળનો કોમ્યુનિટી હોલ ખડકશે તો અમારે હિજરત કરવી પડે એવી હાલત થશે. અને આ વિસ્તારમાં જ્યાં પ્રોજેક્ટ બનાવવાનો છે ત્યાં હાલ 75 ઘટાદાર 40 વર્ષો જુના વૃક્ષો હયાત જ છે ત્યારે આ વૃક્ષોનું રાજકોટ મહાનગરપાલિકા દ્વારા છેદન કરવાની તજવીજ સામે પણ લોકોનો રોષ છે.
વિરોધ પક્ષના નેતાએ ઉપસ્થિત બહેનોને જણાવ્યું હતું કે રાજકોટ મહાનગરપાલિકામાં અરજીનો ઉલાળીયો કરવામાં આવે છે અને મુખ્યમંત્રી સ્વાગત કાર્યક્રમ માંથી પણ જ્યારે આ વિસ્તારના રહેવાસીઓને જવાબ નહીં મળતા આગામી જનરલ બોર્ડમાં પોતે આ પ્રશ્ન ઉઠાવશે અને એક પણ વૃક્ષ કપાશે અથવા વોકળા ઉપર બાંધકામ કરાશે તો જોયા જેવી થશે તેવું નેતાએ પોતાના વક્તવ્યમાં જણાવ્યું હતું. જ્યાં પ્રોજેક્ટ હાથ ધરવાનો છે ત્યાં બાજુમાં વોર્ડ નંબર 17 અને વોર્ડ નંબર 14 ની બોર્ડર ઉપર ત્રણ માળનો હાલ રાજકોટ મહાનગરપાલિકા સંચાલિત હયાત રણછોડદાસ બાપુ કોમ્યુનિટી હોલ ઉપલબ્ધ હોય તેમ છતાં એકદમ નજીક બનાવવામાં કોનું હિત સમાયેલું છે.
આજરોજ નેતા દિપ્તીબેન સોલંકીની કોઠારીયા કોલોની ની વિઝીટ દરમિયાન યુવા ગ્રુપના પ્રમુખ ગજેન્દ્રસિંહ ઝાલા, વિસ્તારના મહિલા અગ્રણીઓ જયશ્રીબેન વસાણી, રસમિતાબેન મહેતા, દિશાબેન મહેતા, મીનાબા ઝાલા, નીતાબેન ચોટલીયા, દિશાબેન મહેતા, ભાવનાબેન પરમાર, જ્યોતિબેન કથરેચા, મંજુબેન કથરેચા, સોનલબેન મોરી શીતલબેન વાઘેલા, રક્ષાબા જાડેજા મંજુબેન કથરેચા સહિતના મહિલા અગ્રણીઓ ઉપસ્થિત રહ્યા હતા.
