- કેડિલા ઓવરબ્રિજ પાસે અકસ્માતમાં 3 ઈજાગ્રસ્ત
- ઉશ્કેરાયેલા લોકોએ ડમ્પર ચાલક પર કર્યો પથ્થરમારો
- જશોદાનગર ચાર રસ્તા પર ભારે ટ્રાફિક જામ થયો
અમદાવાદમાં AMCના ડમ્પરે વધુ એકવાર અકસ્માત સર્જ્યો છે. જેમાં AMCના ડમ્પરે 6 વાહનોને 100 ફૂટ સુધી ઢસડ્યા હતા. તેમાં 2 કાર, રિક્ષા અને 3 બાઈકોને અડફેટે લીધા છે. કેડિલા ઓવરબ્રિજ પાસે અકસ્માતમાં 3 ઈજાગ્રસ્ત થયા છે. ત્યારે ઉશ્કેરાયેલા લોકોએ ડમ્પર ચાલક પર પથ્થરમારો કર્યો હતો.
લોકોએ ડમ્પર ચાલકને ઝડપી પોલીસને સોંપ્યો
લોકોએ ડમ્પર ચાલકને ઝડપી પોલીસને સોંપ્યો છે. ત્યારે જશોદાનગર ચાર રસ્તા પાસે ભારે ટ્રાફિકજામના દ્રશ્યો સર્જાયા હતા. અમદાવાદના જશોદાનગર ચાર રસ્તા પર AMCના કચરો લઈ જતા ડમ્પરે કેડિલા ઓવબ્રિજના છેડે ઉતરતા છ વાહનોને અડફેટે લીધા છે. તેમાં બે કાર અને રિક્ષા સાથે ત્રણ બાઈકોને અડફેટે લીધા હતા. જેમાં ત્રણ વ્યક્તિઓને ઈજા થઈ હતી. તેમાં એક મહિલાનો હાથ કચડાયો હતો. ડમ્પચાલક પર પથ્થરમારો થતાં ટોળા માંથી નાસવા જાય તે પહેલા લોકોએ ઝડપી પાડીને પોલીસને સોંપ્યો હતો.
જશોદાનગર ચાર રસ્તા પર ભારે ટ્રાફિક જામ થયો
ઈજાગ્રસ્તોને 108માં લઈ જવાયા છે. જેમાં એકની હાલત નાજુક છે. ડમ્પરે વાહનોને 100 ફુટ સુધી ઢસડાતા વાહનચાલકોએ ચિચિયારીઓ પાડીને તેને રોક્યો હતો. ત્યારે જશોદાનગર ચાર રસ્તા પર ભારે ટ્રાફિક જામ થયો હતો. ટ્રાફિક પોલીસ જવાનોઓએ આવી ટ્રાફિક જામને હળવો કરવા પ્રયાસ હાથ ધર્યો હતો.
