Personal Loan Tip: જીવનમાં મહત્વના અલગ અલગ કામો માટે લોન લેવી જ પડતી હોય છે. જો તમે પર્સનલ લોન લેવાનું વિચારી રહ્યા છો તો તમને અમુક જરૂરી બાબતો વિષે માહિતી હોવી જોઈએ. તો જાણીએ પર્સનલ લોન લેતા પહેલા શું ધ્યાન રાખવું જોઈએ.
પર્સનલ લોન લેતા પહેલા આ બાબતોનું ખાસ ધ્યાન રાખો
ક્રેડિટ સ્કોર વધુ સારો હોવો જોઈએ
કોઈપણ ભારતીય બેંકમાંથી કોઈપણ વ્યક્તિગત લોન માટે અરજી કરતા પહેલા, તમારે ખાતરી કરવાની જરૂર છે કે તમારી પાસે સારો ક્રેડિટ રિપોર્ટ છે. જ્યારે તમારો ક્રેડિટ સ્કોર સારો હશે, ત્યારે બેંકો પાસેથી પર્સનલ લોન મેળવવી સરળ રહેશે.
ઓફર્સનો લાભ ઉઠાવો
બેંકોમાં સમય સાથે સીઝનલ ઑફર્સ ચાલતી હોય છે. આ પ્રકારની ઑફર્સ તમને પર્સનલ લોનના વ્યાજ દરો ઓછા કરવામાં મદદરૂપ બને છે. પરંતુ તમે આ ઑફર્સ માત્ર મર્યાદિત સમય માટે જ મેળવી શકો છો, આથી બેંકની ઑફર્સ અંગે જાણકારી રાખવી પડે છે.
બેંક સાથે સારા સંબંધો હોવા જોઈએ
જ્યારે બેંક તમને એક વફાદાર ગ્રાહક તરીકે ગણવામાં આવે ત્યારે બેંક તમને વધુ સારા વ્યાજ દર ઓફર કરશે. બેંક સાથેના તમારા સંબંધોના આધારે તમને કસ્ટમર ડિસ્કાઉન્ટ પણ મળી શકે છે.
વ્યાવસાયિક વિશ્વસનીયતા સાબિત કરવી પડશે
બેંકો સામાન્ય રીતે એવું માની લે છે કે ટોચની કંપનીના કર્મચારીને સારો પગાર મળે છે, જેનાથી તે લોન મેળવવા માટે સારો ઉમેદવાર બને છે. પરિણામે, જો તમે ટોચની કંપનીમાં કામ કરો છો, તો તમે તેનો લાભ લઈ શકો છો. તમારે બેંકને સાબિત કરવું પડશે કે તમારી નિશ્ચિત આવક છે. આ પછી, તમને લોન પર વધુ સારો વ્યાજ દર મળવાની સંભાવના છે.
ક્રેડેનશીયલ્સનો ઉપયોગ કરીને
તમે ઓછા વ્યાજ દરે પર્સનલ લોન મેળવવા માટે ક્રેડેનશીયલ્સનો લાભ લઈ શકો છો. જેના માટે તમારે આવકવેરા રિટર્ન જેવા આવકના માન્ય પુરાવાઓ આપવા પડશે. બેંક એ પણ ચેક કરી શકે છે કે તમે કઈ કંપનીમાં કામ કરો છો.
બેંકોના વ્યાજ દરની તુલના કરી શકો છો
તમે વિવિધ લોન આપતી બેંકો દ્વારા ઓફર કરવામાં આવતા વ્યાજ દરની તુલના કરો. આ પછી તમારે એવી બેંક પસંદ કરવી પડશે જે સૌથી ઓછા વ્યાજ દરે સૌથી ઓછી પર્સનલ લોન આપે. જો તમારી પસંદગીની બેંક તમને ડિજિટલ, પેપરલેસ એપ્લિકેશન ઓફર કરે છે, તો તમે લોન માટે ઑનલાઇન અરજી કરી શકો છો.
આ સાથે જ જોઈએ શું છે સિક્યોર અને અનસિક્યોર લોન ?
શું છે સિક્યોર લોન?
સિક્યોર લોન એટલે એવી લોન કે જેમાં તમારે લોન લેતી વખતે તમારે કોઈ મિલકત મોર્ગેજ પર રાખવી પડે. જેમકે જો તમારે પૈસાની જરૂર હોય તો તેના માટે સોનું મોર્ગેજ એટલે કે ધરેણે મૂકીને વ્યાજ પર પૈસા લેવા. તેને જ સિક્યોર લોન કહેવામાં આવે છે કે કોઈ મિલકતની અવેજમાં લોન લેવી. નાણાકીય સંસ્થા પાસે તમારી મિલકત સુરક્ષિત હોવાતના કારણે જ તેને સિક્યોર લોન કહેવામાં આવે છે. જો લોનનું રિપેમેન્ટ કરવામાં ન આવે તો તે મિલકત વેચીને તેમાંથી લોન રીકવર કરી શકાય.
અનસિક્યોર લોન શું છે?
આ લોન સિક્યોર લોન કરતા તદ્દન વિરુદ્ધ છે. જેમાં બેંક કે નાણાકીય સંસ્થા દ્વારા લોન આપવા માટે કોઈ મોર્ગેજ માંગવામાં આવતું નથી. અનસિક્યોર લોનમાં લોન આપનારને વધુ રિસ્ક હોવાથી સામાન્યરીતે તે વધુ વ્યાજદર લે છે. પરતું આ લોન તમારી ક્રેડીટ હિસ્ટ્રીના આધારે આપવામાં આવે છે. અનસિક્યોર લોનમાં ક્રેડીટ કાર્ડ, પર્સનલ લોન, સ્ટુડેંટ લોન વગેરેનો સમાવેશ થાય છે.
કઈ લોન લેવી યોગ્ય?
સિક્યોર લોનમાં કોઈ મિલકત મોર્ગેજ પર રાખવાની હોવાથી ઓછા વ્યાજ અને રિપેમેન્ટ સમય વધુ મળે તે રીતે સરળતાથી લોન મળી જાય છે. આ ઉપરાંત વધુ લોન મળવાની સંભાવનાઓ પણ વધી જાય છે.
જયારે અનસિક્યોર લોન પણ જલ્દી જ મળે છે પરંતુ તેના વ્યાજદર ઊંચા રહે છે. તેમજ લોન રિપેમેન્ટનો સમય પણ ઓછો રહે છે. બંને લોન જોવામાં આવે તો મોટાભાગના લોકો સિક્યોર લોન લેવાનું જ પસંદ કરતા હોય છે.
