- વિદેશ મંત્રી એસ.જયશંકર ઈટલીના પ્રવાસે
- ઇટલીના સંરક્ષણ મંત્રી ગિડો ક્રોસેટો સાથે કરી બેઠક
- સંરક્ષણ અને સુરક્ષા ભાગીદારી મુદ્દે કરી ચર્ચા
વિદેશ મંત્રી એસ જયશંકર ઈટલીના પ્રવાસે છે. તેમણે રોમમાં ઇટલીના સંરક્ષણ મંત્રી ગિડો ક્રોસેટો સાથે વાત કરી હતી. બંને વચ્ચેની મંત્રણા ભારત અને ઈટાલી વચ્ચે નવેસરથી સંરક્ષણ અને સુરક્ષા ભાગીદારીને આગળ વધારવા પર વાટાઘાટો કરવામાં આવશે.
વિદેશ મંત્રી એસ.જયશંકર ઈટલીની મુલાકાતે
મળતી માહિતી મુજબ વિદેશ મંત્રી જયશંકરે ઈટલીના સંરક્ષણ મંત્રી ગાઈડો ક્રોસેટો સાથે વાત કરી હતી. ગુરુવારે રોમમાં બેઠક વિશે સોશિયલ મીડિયા પર પોસ્ટ કરીને જણાવ્યું હતું કે, ભારત-ઇટાલી સંરક્ષણ ઉદ્યોગ સહયોગ માટે તેમના સૂચનોને મહત્વ આપ્યું હતું. આ સાથે વિદેશ મંત્રી જયશંકરે બુધવારે ઈટલીની મુલાકાતની શરૂઆતમાં ઈટલીના સેનેટ સભ્યો સાથે વાતચીત કરી હતી. એક્સ પોસ્ટમાં, વિદેશ મંત્રીએ ઇટાલીમાં તેમની પ્રવૃત્તિઓ વિશે વાત કરી. વિદેશ મંત્રાલયે કહ્યું કે વિદેશ મંત્રી એસ જયશંકર 31 ઓક્ટોબરથી વિદેશ પ્રવાસ પર છે. જયશંકરે 3 નવેમ્બર સુધી પોર્ટુગલ અને ઇટલીની તેમની સત્તાવાર મુલાકાત દરમિયાન ઘણી મહત્વપૂર્ણ વાતચીત કરી હતી.
સંરક્ષણ અને સુરક્ષા ભાગીદારી મુદ્દે કરી ચર્ચા
વિદેશ મંત્રાલયે કહ્યું કે ડૉ. જયશંકર ભારત-ઇટાલી સંસદીય મિત્રતા જૂથના સંયુક્ત સત્રને પણ સંબોધિત કરશે. તે ભારતીય સમુદાયના સભ્યો સાથે મુલાકાત કરવાની પણ યોજના ધરાવે છે. તમને જણાવી દઈએ કે ઈટાલીમાં ભારતીય સમુદાય બ્રિટન પછી યુરોપમાં ભારતીયોનો બીજો સૌથી મોટો સમુદાય છે.
ઇટાલી પહોંચતા પહેલા, 1 નવેમ્બરના રોજ, વિદેશ મંત્રી જયશંકરે પોર્ટુગલમાં ભારતીયોને સંબોધિત કર્યા હતા. તેમણે ભારત-યુરોપિયન યુનિયનના ગાઢ સંબંધોને આગળ વધારવામાં ભૂમધ્ય દેશની ભૂમિકાને રેખાંકિત કરી હતી. તેમણે ભારતીય સમુદાયને ભારત-પોર્ટુગલ રાજદ્વારી સંબંધોની 50મી વર્ષગાંઠની ઉજવણીમાં યોગદાન આપવા પણ વિનંતી કરી હતી. વિદેશ મંત્રીએ વૈશ્વિક કાર્યસ્થળમાં સ્થળાંતર અને ગતિશીલતા ભાગીદારીની સુસંગતતાને માન્યતા આપી અને સીધી હવાઈ જોડાણની જરૂરિયાત પર ભાર મૂક્યો.
