ફટાકડાના લાયસન્સ માટે ૨૦૫ અરજીઓ આવી: મનપા ફાયર વિભાગે સ્થળ તપાસ શરૂ કરી

ફટાકડાના લાયસન્સ માટે ૨૦૫ અરજીઓ આવી: મનપા ફાયર વિભાગે સ્થળ તપાસ શરૂ કરી

 ૧૩ વેપારીઓને મંજૂરીનો અભિપ્રાય અપાયો, ૧૯૨ અરજીઓ પેન્ડિંગ; ૧,૦૦૦ લિટર પાણીની ટાંકી અને ફાયર સેફ્ટીના સાધનો રાખવા અનિવાર્ય

અગ્ર ગુજરાત, રાજકોટ

આગામી દિવાળીના તહેવારોને લક્ષમાં રાખીને રાજકોટ શહેરમાં ફટાકડાનો વેપાર કરવા માટે રાજકોટ મનપા ફાયર વિભાગ પાસેથી પૂર્વ મંજૂરી મેળવવાની પ્રક્રિયા પુરજોશમાં ચાલી રહી છે. રાજકોટના જુદા જુદા ફાયર સ્ટેશનો પર અત્યાર સુધીમાં ફટાકડાના ટેમ્પરરી લાયસન્સ માટે કુલ ૨૦૫ અરજીઓ મળી છે. જે પૈકી ૧૩ સ્થળોએ ચેકિંગ કરીને ફાયર વિભાગ દ્વારા અભિપ્રાય આપી દેવામાં આવ્યો છે, જ્યારે બાકી રહેલી ૧૯૨ અરજીઓ હાલ પેન્ડિંગ હોય ફાયર વિભાગની અલગ-અલગ ટીમો દ્વારા સ્થળ તપાસની કામગીરી હાથ ધરવામાં આવી છે.

ઇન્ચાર્જ ડેપ્યુટી ચીફ ફાયર ઓફિસર અશોકસિંહ ઝાલાએ નિયમો અંગે માહિતી આપતાં જણાવ્યું હતું કે, ગત વર્ષના નિયમ મુજબ ૫૦૦ ચોરસ મીટર સુધીની જગ્યામાં ફટાકડાનો વેપાર કરવા માટે ફાયર NOCની જરૂર નથી, પરંતુ ફાયર વિભાગનો સત્તાવાર અભિપ્રાય લેવો ખાસ ફરજિયાત છે. ફાયર વિભાગના અભિપ્રાય બાદ જ પોલીસ દ્વારા વેચાણની આખરી મંજૂરી આપવામાં આવે છે. હાલ રાજકોટ શહેરમાં ૫૦૦ ચોરસ મીટરથી વધુ વિસ્તાર ધરાવતા મોટા સ્ટોલ કે પ્રીમાઇસીસ ઉપલબ્ધ ન હોવાથી મોટા એકમો માટે NOC સંબંધિત પ્રશ્નો ઊભા થતા નથી.

અસ્થાયી સ્ટોલ કે દુકાનો માટે ફાયર સેફ્ટીના પ્રાથમિક નિયમોનું ચુસ્તપણે પાલન કરવું અનિવાર્ય છે. ફટાકડાના સ્ટોલ પર ૧,૦૦૦ લિટર પાણીની ક્ષમતાવાળી ટાંકી અથવા હોઝ રીલ ફરજિયાત રાખવાની રહેશે. આકસ્મિક આગ પર કાબૂ મેળવવા માટે CO₂ અને ABC પ્રકારના ફાયર એક્સટિંગ્વિશર તેમજ ફાયર મોડ્યુલ જેવા બેઝિક સાધનો રાખવા પડશે. વેપારી કે તેમના સ્ટાફને આ સેફ્ટી સાધનોનો ઉપયોગ કરતા આવડે છે કે નહીં તેનું પણ અધિકારીઓ દ્વારા સ્થળ પર ચેકિંગ કરવામાં આવી રહ્યું છે. તહેવારો દરમિયાન શહેરના કોઈપણ વિસ્તારમાં અનિચ્છનીય ઘટના કે આકસ્મિક અકસ્માત ન સર્જાય તે હેતુથી ફાયર વિભાગની તમામ ટીમો સક્રિય બનીને ઝીણવટભરી તપાસ ચલાવી રહી છે.

વિવિધ ફાયર સ્ટેશન વાઇઝ અરજીઓની સ્થિતિ