વિહિપ દુર્ગાવાહિની દ્વારા ત્રિશૂલ દીક્ષા અને શક્તિ સંચલન કાર્યક્રમ યોજાયો
નારીશક્તિના જાગરણ, શૌર્ય અને સંસ્કારોના સંવર્ધનનો સંદેશ આપતો ભવ્ય કાર્યક્રમ સંપન્ન
અગ્ર ગુજરાત, રાજકોટ
વિશ્વ હિન્દુ પરિષદ – દુર્ગાવાહિની તથા માતૃશક્તિ, રાજકોટ વિભાગ દ્વારા યુવતીઓ અને મહિલાઓમાં શૌર્ય, આત્મવિશ્વાસ, સ્વરક્ષણ તથા સંગઠનભાવનાનો વિકાસ થાય અને ભારતીય સંસ્કૃતિ તથા સંસ્કારો પ્રત્યે જાગૃતિ વધે તેવા ઉમદા હેતુથી તા. ૨૫ ઓક્ટોબર, ૨૦૨૬, રવિવારના રોજ રાજકોટમાં ભવ્ય ત્રિશૂલ દીક્ષા અને શક્તિ સંચલન કાર્યક્રમનું આયોજન કરવામાં આવ્યું હતું. સરસ્વતી શિશુ મંદિર, એરપોર્ટ ફાટક પાસે યોજાયેલા આ કાર્યક્રમનો મુખ્ય ઉદ્દેશ્ય નારીશક્તિને સંગઠિત કરી યુવતીઓમાં આત્મબળ, શિસ્ત, સાહસ અને સામાજિક જવાબદારીની ભાવના મજબૂત કરવાનો હતો.
ભારતીય સંસ્કૃતિમાં નારીને શક્તિ, શ્રદ્ધા, સંસ્કાર અને સમર્પણનાં પ્રતીક તરીકે સ્થાન આપવામાં આવ્યું છે. માતૃશક્તિ પરિવારના ઘડતર સાથે સમાજ અને રાષ્ટ્રના નિર્માણમાં પણ મહત્ત્વપૂર્ણ ભૂમિકા ભજવે છે. આજના સમયમાં યુવતીઓ શિક્ષણ, ટેક્નોલોજી અને વિવિધ ક્ષેત્રોમાં પ્રગતિ કરી રહી છે ત્યારે તેમનામાં આત્મવિશ્વાસ, સ્વાભિમાન, સ્વરક્ષણની સમજ અને પ્રતિકૂળ પરિસ્થિતિઓનો હિંમતપૂર્વક સામનો કરવાની ક્ષમતા વિકસે તે અત્યંત આવશ્યક છે. આ જ વિચારધારાને કેન્દ્રમાં રાખીને દુર્ગાવાહિની દ્વારા આ કાર્યક્રમનું આયોજન કરવામાં આવ્યું હતું.
ભારતીય ધાર્મિક અને સાંસ્કૃતિક પરંપરામાં ત્રિશૂલ શક્તિ, સાહસ અને દૃઢ સંકલ્પનું પ્રતીક માનવામાં આવે છે. ત્રિશૂલ દીક્ષાનો સંદેશ યુવતીઓમાં આંતરિક શક્તિ, નિર્ભયતા, આત્મવિશ્વાસ અને સંસ્કારો પ્રત્યેની નિષ્ઠા વિકસાવવાનો છે. જીવનમાં આવતાં પડકારોનો હિંમતપૂર્વક સામનો કરવો, યોગ્ય નિર્ણય લેવાની ક્ષમતા કેળવવી અને સમાજ પ્રત્યેની પોતાની જવાબદારી સમજવી એ સશક્ત નારીના ઘડતર માટે મહત્ત્વપૂર્ણ છે.
કાર્યક્રમમાં મુખ્ય વક્તા તરીકે પૂર્વીબેન શુક્લા, માતૃશક્તિ પ્રાંત સહસંયોજિકા, તથા વંદેવી જાનકી માં નાગા સંન્યાસીની ઉપસ્થિતિ નિર્ધારિત કરવામાં આવી હતી. આ ઉપરાંત વૈશાલીબેન નિર્મળ, સૌરાષ્ટ્ર પ્રાંત દુર્ગાવાહિની સહસંયોજિકા; મનિષાબેન યુ. પંડ્યા, રાજકોટ વિભાગ માતૃશક્તિ સંયોજિકા; તથા સોનલબેન ચારણીયા, સહસંયોજિકા સહિતના હોદ્દેદારોની ઉપસ્થિતિનું આયોજન કરવામાં આવ્યું હતું.
વિશ્વ હિન્દુ પરિષદ રાજકોટના આગેવાનો વનરાજભાઈ ગેરૈયા, માવજીભાઈ ડોડીયા, હસુભાઈ ભગદેવ, ભુપતભાઈ ગોવાણી, હસુભાઈ ચંદારાણા, શાંતુભાઈ રૂપારેલિયા, પરેશભાઈ રૂપારેલિયા, કૃણાલભાઈ વ્યાસ, કૌશિકભાઈ સરધારા, મનોજભાઈ ડોડીયા, અશ્વિનભાઈ ગોસાઈ અને દીપકભાઈ ગમઢા સહિતના આગેવાનો દ્વારા કાર્યક્રમના આયોજન અને માર્ગદર્શન માટે સહયોગ આપવામાં આવ્યો હતો.
