- પાકિસ્તાન અને ઈંગ્લેન્ડ વચ્ચે વર્લ્ડકપની મેચ
- કોલકાતાના ઈડન ગાર્ડન્સમાં મેચ
- પાકિસ્તાન માચે આજની મેચ કરો યા મરો સમાન
આજે વનડે વર્લ્ડકપની 44મી મેચ પાકિસ્તાન અને ઈંગ્લેન્ડ વચ્ચે રમવામાં આવશે. આ મેચ કોલકાતાના ઈડન ગાર્ડન્સમાં રમવામાં આવશે. ઈંગ્લેન્ડની ટીમ વર્લ્ડકપમાં અત્યાર સુધી માત્ર 2 મેચ જીતી છે. બાંગ્લાદેશ અને નેધરલેન્ડ વિરુદ્ધ ઈંગ્લેન્ડની જીત થઈ છે. પાકિસ્તાને શરૂઆતી 2 મેચ જીતી હતી, ત્યારે બીજી તરફ પાકિસ્તાન માટે આજની મેચ કરો યા મરો સમાન છે. પાકિસ્તાને સેમીફાઈનલમાં પહોંચવા માટે આજની મેચ મોટા અંતરથી જીતવી પડશે.
પિચ રિપોર્ટ
IPL દરમિયાન ઈડન ગાર્ડન્સના મેદાનમાં ઘણા રન બને છે, પરંતુ અહીં વર્લ્ડકપમાં બેટિંગ કરવી ઘણી મુશ્કેલ છે. સ્પિન બોલરોને પિચમાંથી ઘણી મદદ મળે છે. આ મેદાનમાં ભારત તરફથી રવિન્દ્ર જાડેજાએ સાઉથ આફ્રિકા વિરુદ્ધ 5 વિકેટ લીધી હતી. આ જ મેચમાં કેશવ મહારાજને પણ ઘણી મદદ મળી હતી.
વેધર રિપોર્ટ
કોલકાતામાં હવામાન સંપૂર્ણપણે સ્વચ્છ રહેશે. મેચ દરમિયાન અહીં વરસાદની કોઈ શક્યતા નથી. આજે અહીં મહત્તમ તાપમાન 32 ડિગ્રી સુધી પહોંચે તેવી શક્યતા છે, જ્યારે સાંજે તે 25 ડિગ્રી સુધી પહોંચી શકે છે.
બંને દેશની સ્ક્વોડ
ઈંગ્લેન્ડ: જોની બેરસ્ટો, ડેવિડ મલાન, જો રૂટ, બેન સ્ટોક્સ, જોસ બટલર (કેપ્ટન), મોઈન અલી, લિયામ લિવિંગસ્ટોન, ક્રિસ વોક્સ, ડેવિડ વિલી, આદિલ રાશિદ, માર્ક વુડ, સેમ કરન, બ્રાઈડન કાર્સ, હેરી બ્રુક, ગુસ એટકિન્સન
પાકિસ્તાનઃ અબ્દુલ્લા શફીક, ઈમામ-ઉલ-હક, બાબર આઝમ (કેપ્ટન), મોહમ્મદ રિઝવાન (વિકેટકીપર), ઈફ્તિખાર અહેમદ, સઈદ શકીલ, શાદાબ ખાન, મોહમ્મદ નવાઝ, શાહિન આફરીદી,મોહમ્મદ વસીમ જૂનિયર, હારિસ રઉફ, ઉસામા મીર, હસન અલી, ફખર જમાન, આગા સલમાન
