- સાઉદી અરેબિયાના રિયાધમાં ઈસ્લામિક-અરબ લીગની સંયુક્ત બેઠક
- “નાગરિકોને થતા નુકસાન માટે હમાસ જવાબદાર”
- બેઠક દરમિયાન ઈરાન અને સાઉદી અરેબિયાના મત જુદા
એક તરફ અમેરિકા પોતાના હથિયારો તૈયાર કરી રહ્યું છે તો બીજી તરફ સાઉદી અરેબિયાની રાજધાની રિયાધમાં ઓર્ગેનાઈઝેશન ઓફ ઈસ્લામિક કોઓપરેશન અને અરબ લીગની સંયુક્ત બેઠક યોજાઈ છે. જો કે આ બેઠક દરમિયાન ઈરાન અને સાઉદી અરેબિયાએ અલગ-અલગ વાત કહી છે. જ્યાં સાઉદી અરેબિયાએ ઇઝરાયેલને તાત્કાલિક હુમલો રોકવા માટે કહ્યું છે, ત્યારે ઇરાનના રાષ્ટ્રપતિ ઇબ્રાહિમ રાયસીએ તેને ઇઝરાયેલ વિરુદ્ધ કાર્યવાહી કરવાનો સમય છે.
ઈરાનના સર્વોચ્ચ નેતા આયાતુલ્લા અલી ખમેનીએ ગુપ્ત બેઠક યોજી છે. આ બેઠકમાં લેબનોન, ઈરાક, સીરિયા, યમન, પેલેસ્ટાઈન અને હિઝબુલ્લાહની કાર્યકારી પરિષદના પ્રતિનિધિઓ સામેલ થયા હતા. આ ગુપ્ત બેઠકમાં માત્ર ગાઝા યુદ્ધની ચર્ચા થઈ હતી. આ બેઠકમાં ઇઝરાયેલ સાથે સીધા યુદ્ધમાં ન ઉતરવાનો નિર્ણય લેવામાં આવ્યો હતો. આ ગુપ્ત બેઠકમાં ઈરાનના સર્વોચ્ચ નેતા અને સૌથી મોટા મૌલાના આયતુલ્લાહ ખામેનીએ હમાસ સમર્થકોને કહ્યું કે ગાઝામાં નુકસાન છતાં સ્થિતિ પેલેસ્ટાઈનના પક્ષમાં છે.
‘ઈઝરાયેલ તેની વિશ્વસનીયતા ગુમાવી રહ્યું છે’ૈ
તેમણે કહ્યું કે વર્તમાન સ્થિતિ પેલેસ્ટાઈન અભિયાનને વધુ મજબૂત બનાવશે. ઈઝરાયેલ પોતાનાં પગલાંને કારણે તેની વિશ્વસનીયતા ગુમાવી રહ્યું છે. આંતરરાષ્ટ્રીય સમુદાય લાંબા સમય સુધી ઇઝરાયેલને સમર્થન નહીં આપે. સીધા યુદ્ધમાં જવાને બદલે, તમારી વ્યૂહરચના સાથે આગળ વધો. ગાઝાના સમાચારોને મહત્તમ મહત્વ આપો. ગાઝાની ઘટનાઓથી દુનિયાનું ધ્યાન દૂર રાખવા માટે આપણે પ્રચાર કરતા રહેવું પડશે.
ઈઝરાયેલ પર દબાણ વધી રહ્યું છે, આ વાતને નકારી શકાય નહીં. ઇઝરાયેલના એક સહયોગીએ બેન્જામિન નેતન્યાહુને મહિલાઓ અને બાળકોને નિશાન ન બનાવવાની અપીલ કરી છે. તેણે કહ્યું છે કે ઈઝરાયેલે તરત જ બાળકો અને મહિલાઓની હત્યા કરવાનું બંધ કરવું જોઈએ. જો કે બેન્જામિન નેતન્યાહુએ આ અંગે પ્રતિક્રિયા આપી છે.
‘નાગરિકોને થતા નુકસાન માટે હમાસ જવાબદાર’
તેમણે કહ્યું કે નાગરિકોને થતા નુકસાનની જવાબદારી હમાસની છે. આ માટે ઈઝરાયેલ જવાબદાર નથી. તેઓ મજબૂરીમાં યુદ્ધમાં જોડાયા છે. આતંકી સંગઠને હુમલો કર્યો હતો. તેઓ આવતીકાલે પેરિસ-ન્યૂયોર્ક કે બીજે ક્યાંય પણ ગુના કરી શકે છે, તેથી તેમને જડમૂળથી ઉખેડી નાખવા જરૂરી છે. આ દરમિયાન બેન્જામિન નેતન્યાહુએ યુદ્ધમાં સામેલ ઈઝરાયેલના સૈનિકોને મળ્યા છે. વોર ઝોનમાં જઈને સૈનિકોને મળવાની તેમની તસવીર સોશિયલ મીડિયા પર વાયરલ થઈ રહી છે.
