- ભારતે નેધરલેન્ડને 160 રનથી હરાવ્યું
- વર્લ્ડકપ 2023માં ભારતની સતત 9મી જીત
- વિરાટ કોહલી અને રોહિત શર્માએ વિકેટ ઝડપી
રોહિત શર્માની આગેવાની હેઠળની ટીમ ઈન્ડિયાએ વર્લ્ડકપ 2023માં પોતાની જીતનો સિલસિલો જારી રાખ્યો અને સતત 9મી જીત મેળવી હતી. ટૂર્નામેન્ટની છેલ્લી લીગ મેચમાં ભારતીય ટીમે નેધરલેન્ડને 160 રનથી હરાવ્યું હતું. બેંગલુરુમાં રમાયેલી મેચમાં ભારત તરફથી બોલિંગ કરતા વિરાટ કોહલી અને રોહિત શર્માએ પણ વિકેટ લીધી હતી. ટીમ તરફથી બુમરાહ, સિરાજ, કુલદીપ અને જાડેજાએ 2-2 વિકેટ લીધી હતી. એમ ચિન્નાસ્વામી સ્ટેડિયમમાં રમાયેલી મેચમાં ટોસ જીતીને પ્રથમ બેટિંગ કરવાનું પસંદ કર્યા બાદ ટીમ ઈન્ડિયાએ 50 ઓવરમાં 4 વિકેટે 410 રન બનાવ્યા હતા. ટીમ માટે શ્રેયસ અય્યરે 128 રનની અણનમ ઇનિંગ રમી હતી. આ સિવાય કેએલ રાહુલે 102 રન બનાવ્યા હતા. આ સિવાય શુભમન ગિલ, વિરાટ કોહલી અને કેપ્ટન રોહિત શર્માએ ફિફ્ટી ફટકારી હતી.
સિરાજે ભારતને પ્રથમ સફળતા અપાવી
411ના વિશાળ લક્ષ્યાંકનો પીછો કરતી વખતે ભારતીય ઝડપી બોલર મોહમ્મદ સિરાજે નેધરલેન્ડને સારી શરૂઆત કરતા અટકાવ્યું અને બીજી ઓવરમાં વેસ્લી બેરેસી (04)ને આઉટ કર્યો. જો કે, આ પછી કોલિન એકરમેન અને મેક્સ ઓ’ડાઉડે ઇનિંગને સંભાળી હતી અને બીજી વિકેટ માટે 61 રનની પાર્ટનરશિપ કરી, જેને કુલદીપ યાદવે 13મી ઓવરમાં કોલિન એકરમેનને આઉટ કરીને તોડી નાખી હતી. એકરમેન 32 બોલમાં 35 રન બનાવીને આઉટ થયો હતો. ત્યારબાદ 16મી ઓવરમાં જાડેજાએ મેક્સ ઓડાઉડને 30 રનના અંગત સ્કોર પર પેવેલિયન ભેગો કર્યો હતો.
વિરાટ કોહલી વિકેટ ઝડપી
આ પછી 25મી ઓવરમાં વિરાટ કોહલીએ 17 રને કેપ્ટન સ્કોટ એડવર્ડ્સને પેવેલિયનનો રસ્તો બતાવ્યો હતો. ત્યારબાદ 32મી ઓવરમાં જસપ્રીત બુમરાહે પોતાના સુંદર યોર્કર વડે બાસ ડી લીડે (12)ને બોલ્ડ કર્યો હતો. આ રીતે નેધરલેન્ડે 5 વિકેટ ગુમાવી દીધી હતી. ત્યારપછી સિરાજે પોતાની ફિફ્ટી તરફ આગળ વધી રહેલા સાયબ્રાન્ડ એન્ગલબ્રેક્ટને આઉટ કરીને ભારતને છઠ્ઠી સફળતા અપાવી હતી. એન્ગલબ્રેચટે 4 ચોગ્ગાની મદદથી 45 રનની ઇનિંગ રમી હતી.
રોહિત શર્માએ વિકેટ ઝડપી
ત્યારબાદ 43મી ઓવરમાં લોન્ગા વાન બીકે કુલદીપ યાદવને 16 રનમાં પેવેલિયનનો રસ્તો બતાવ્યો હતો. રોલોફ વાન ડેર મર્વે 44મી ઓવરમાં 16 રનમાં જાડેજાને શિકાર બન્યો હતો, આર્યન દત્તને 47મી ઓવરમાં જસપ્રિત બુમરાહે 05 રનમાં આઉટ કર્યો અને તેજા નિદામાનુરુ 48મી ઓવરમાં 54 રને રોહિત શર્માનો શિકાર બન્યો હતો. નિદામાનુરુની ઇનિંગ્સમાં 1 ફોર અને 6 સિક્સર ફટકારી હતી. ભારત તરફથી જસપ્રિત બુમરાહ, મોહમ્મદ સિરાજ, કુદલીદ યાદવ અને રવિન્દ્ર જાડેજાએ 2-2 વિકેટ લીધી હતી. આ સિવાય વિરાટ કોહલી અને રોહિત શર્માએ પણ લાંબા સમય સુધી બોલિંગ કરીને 1-1 સફળતા મેળવી હતી.
