ભારતીય નર્સોની સાથે બ્રિટનના રાજાએ મનાવ્યો 75મો જન્મદિવસ, શાનદાર આયોજન

• બ્રિટનના કિંગનો જન્મદિવસ
  
• ભારતીય નર્સો સામેલ થઈ આયોજનમાં
  
• અલગ અલગ દેશોમાંથી આવ્યા પ્રતિનિધિઓ
  

બ્રિટનના રાજા ચાર્લ્સ 75 વર્ષના થયા. આ પ્રસંગે અનેક કાર્યક્રમોનું આયોજન કરવામાં આવ્યું હતું. એક વિશેષ સમારોહમાં, રાજાએ બકિંગહામ પેલેસમાં ભારતીય નર્સો સાથે તેમનો 75મો જન્મદિવસ ઉજવ્યો.

મહત્વનું છે કે આ ભવ્ય આયોજનમાં ભારતીય નર્સો પણ સામેલ થઈ હતી. યુકેના રાજા ચાર્લ્સનો 75મો જન્મદિવસ હતો. મંગળવારે સાંજે સ્વાગત સમારોહમાં ભારત તેમજ ફિલિપાઇન્સ, શ્રીલંકા, નેપાળ અને કેન્યા જેવા દેશોનું પ્રતિનિધિત્વ કરતી લગભગ 400 નર્સો અને મિડવાઇવ્સે હાજરી આપી હતી. સ્કોટલેન્ડમાં કામ કરતી ભારતીય સ્ટાફ નર્સ શ્રીજીથ મુલ્લાલીધરને જણાવ્યું હતું કે હિઝ હાઈનેસ કિંગને મળવું એ જીવનભરમાં એકવાર જ થઈ શકે એવો અનુપમ અનુભવ હતો. તે એક અદ્ભુત અને શાલીન વ્યક્તિ છે.

ભારતીય નર્સોએ કહી આ વાત

‘બ્રિટિશ શીખ નર્સેઝ’ ના સ્થાપક અને નિર્દેશક રોહિત સાગુએ જણાવ્યું હતું કે કિંગ ચાર્લ્સને મળવું, તેમને આ દેશ માટે શીખ નર્સોએ આપેલા યોગદાન વિશે જણાવવું અને આ બધાની સાથે જ તેમને જન્મદિવસની શુભેચ્છાઓ પાઠવવી એ એક મહાન લહાવો છે. NHSમાં અમારી પાસે ઘણી બધી શીખ નર્સો છે જે સમાજસેવા પણ કરે છે અને ઘણાં લોકોને મુશ્કેલીમાં મદદ પણ કરે છે.

કિંગ ચાર્લ્સનો વ્યસ્ત જન્મદિવસ

રિસેપ્શન શાહી કાર્યક્રમોમાં રાજકીય તંત્ર વ્યસ્ત રહ્યું હતું. આ ઉપરાંત બ્રિટેનનું તંત્ર પણ ઘણું જ વ્યસ્ત હતું કારણ કે રાજા ચાર્લ્સ તેમના જન્મદિવસ દરમિયાન કામ કરવાનું ચાલુ રાખ્યું અને ઘણા મહેમાનો સાથે ખુશખુશાલ ચેટ કરવામાં સમય પસાર કર્યો. તેમણે જન્મદિવસની ઉજવણી કરતી શાળાની છોકરીઓ તરફથી હેપ્પી બર્થ ડેનું પરફોર્મન્સ નિહાળ્યું અને જન્મદિવસનું કાર્ડ મેળવીને ખુશી વ્યક્ત કરી હતી. આમ બ્રિટેનના રાજા કિંગ ચાર્લ્સના જન્મદિવસ સમારોહની ઉજવણી રંગેચંગે કરવામાં આવી હતી અને દુનિયાના અલગ અલગ દેશોમાંથી ઘણાં લોકો તેમાં સહભાગી થયા હતા.