- પેશાવર હાઈકોર્ટનો આતંકવાદી ઓસામા બિન લાદેનને લઇ નિર્ણય
- લાદેનને પકડનાર ડોક્ટરની પત્ની અને બાળકના નામ ECLમાંથી હટાવવાનો આદેશ
- શકીલ આફ્રિદીને જાસૂસી કેસમાં 23 વર્ષની સજા સંભળાવવામાં આવી હતી
પેશાવર હાઈકોર્ટે આતંકવાદી ઓસામા બિન લાદેનને પકડનાર ડોક્ટરની પત્ની અને બાળકના નામ ECLમાંથી હટાવવાનો આદેશ આપ્યો છે. સુનાવણી દરમિયાન અરજદારના વકીલે કોર્ટને જણાવ્યું કે શકીલ આફ્રિદીને જાસૂસી કેસમાં 23 વર્ષની સજા સંભળાવવામાં આવી હતી, ત્યાર બાદ તેની પત્ની અને બાળકના નામ આ યાદીમાં સામેલ કરવામાં આવ્યા હતા. ત્યારથી તે ક્યાંય જઈ શકી નથી.
લાદેનને પકડવામાં CIAને મદદ કરનાર ડૉક્ટરની પત્ની અને બાળકના નામ ECLમાંથી હટાવાયા
પેશાવર હાઈકોર્ટે અલ કાયદાના ઓસામા બિન લાદેનને પકડવામાં CIAને મદદ કરનાર ડૉક્ટરની પત્ની અને બાળકના નામ એક્ઝિટ કંટ્રોલ લિસ્ટ (ECL)માંથી હટાવવાનો નિર્દેશ આપ્યો છે. ડૉક્ટર શકીલ આફ્રિદીની પત્ની ઈમરાના શકીલની અરજીની સુનાવણી દરમિયાન સિંગલ બેન્ચે આ આદેશ આપ્યો છે. ECLમાં એવા લોકોના નામ છે કે જેમને કોઈપણ કાયદાકીય કારણોસર બહાર જવા પર પ્રતિબંધ છે.
શકીલ આફ્રિદીને જાસૂસી કેસમાં 23 વર્ષની સજા ફટકારવામાં આવી
સુનાવણી દરમિયાન અરજદારના વકીલે કોર્ટને જણાવ્યું કે શકીલ આફ્રિદીને જાસૂસી કેસમાં 23 વર્ષની સજા સંભળાવવામાં આવી હતી, ત્યાર બાદ તેની પત્ની અને બાળકના નામ આ યાદીમાં સામેલ કરવામાં આવ્યા હતા. ત્યારથી તે ક્યાંય જઈ શકી નથી. વકીલે કહ્યું કે ઈમરાન શકીલ વિરુદ્ધ હજુ સુધી કોઈ ગુનો સાબિત થયો નથી અને તેની ધરપકડ પણ થઈ નથી.
શકીલ આફ્રિદી 2011થી જેલમાં છે
ડૉ. શકીલ આફ્રિદી 2011થી જેલમાં છે. તેના પર સીઆઈએને એબોટાબાદ શહેરમાં અલ-કાયદાના વડા ઓસામા બિન લાદેનને પકડવામાં મદદ કરવાનો આરોપ છે. અરજીકર્તાના વકીલ આરિફ જાન આફ્રિદીએ કોર્ટને જણાવ્યું કે તેમના અસીલની યુએસ માટે જાસૂસી કરવાના આરોપમાં ધરપકડ કરવામાં આવી છે.
