- ફાઈનલ મેચ માટે ભારતીય ટીમના પૂર્વ કેપ્ટનોને અપાયુ આમંત્રણ
- ફાઈનલ મેચના દિવસે સતત જોવા મળશે VVIP મુવમેન્ટ
- અમેરિકન પોપ સિંગર દુઆ લિપા પરફોર્મન્સ કરશે
વર્લ્ડકપ 2023ની ફાઇનલ મેચ ભારત અને ઓસ્ટ્રેલિયા વચ્ચે રમાશે. અમદાવાદમાં રમાનારી આ મેચ માટે લગભગ તમામ તૈયારીઓ કરી લેવામાં આવી છે. ટીમ ઈન્ડિયા અમદાવાદ પહોંચી ગઈ છે. આ મેચ નરેન્દ્ર મોદી સ્ટેડિયમમાં રમાવાની છે. ઘણા મોટા દિગ્ગજો મેચ જોવા અહીં પહોંચવાના છે. મેચ પહેલા સ્ટેડિયમને ખૂબ સજાવવામાં આવ્યું છે. તેમાં અનેક પ્રકારની લાઈટો લગાવવામાં આવી છે.
ફાઈનલ મેચ માટે ભારતીય ટીમના પૂર્વ કેપ્ટનોને અપાયુ આમંત્રણ
ભારત અને ઓસ્ટ્રેલિયાની ફાઇનલ મેચ માટે ભારતીય ટીમના પૂર્વ કેપ્ટનોને આમંત્રણ અપાયુ છે. જેમાં કપિલ દેવ, એમએસ ધોની, વિરેન્દ્ર સેહવાગ, સચિન તેડુંલકર સહિતના દિગ્ગજ ક્રિકેટરો હાજરી આપશે. આ ઉપરાંત સેલિબ્રિટી, પૂર્વ દિગ્ગજ ક્રિકેટરો સહિત અનેક રાજનેતાઓ પણ સ્ટેડિયમમાં મેચ નિહાળવા પધારશે.
ફાઈનલ મેચ દરમિયાન યોજાશે એરક્રાફ્ટ શો
ફાઈનલ મેચ માટે ખાસ એર શોનું આયોજન કરવામાં આવ્યું છે. મળતી માહિતી મુજબ મેચ પહેલા ભારતીય વાયુસેનાની સૂર્યકિરણ એરોબેટિક ટીમ પણ ૧૦ મિનીટ સુધી બતાવશે કરતબ બતાવશે.
અમેરિકન પોપ સિંગર દુઆ લિપા પરફોર્મન્સ કરશે
અમેરિકન પોપ સિંગર દુઆ લિપા અને ખલાસી ફેમ ગુજરાતી સિંગર આદિત્ય ગઢવી ક્લોઝિંગ સેરેમનીમાં પરફોર્મન્સ કરશે. મ્યુઝિક કમ્પોઝર અને સિંગર પ્રિતમ ચક્રબોર્તી, અમિતાભ બચ્ચન, રજનીકાંત, વેન્કટેસ, નાગાર્જૂન અને રામચરણને પણ આમંત્રણ આપવામાં આવ્યું છે. દુઆ લિપા માત્ર 28 વર્ષની છે પરંતુ દુનિયાભરમાં તેના ફેન ફોલોઈંગ છે. તેણીએ મોટી ફૂટબોલ ટુર્નામેન્ટના ઓપનિંગ સેરેમનીમાં સ્ટેજ સંભાળ્યું હતું. આ પહેલીવાર હશે જ્યારે તે ક્રિકેટ ઈવેન્ટમાં પરફોર્મ કરશે. લોકો આ દિવસની આતુરતાથી રાહ જોઈ રહ્યા છે.
ઓસ્ટ્રેલિયાના વડાપ્રધાન ડેપ્યુટી પીએમને પણ આ મેચ માટે આમંત્રણ
આટલું જ નહીં ઓસ્ટ્રેલિયાના વડાપ્રધાન એન્થોની અલ્બેનીઝ અને ડેપ્યુટી પીએમ રિચર્ડ માર્લ્સને પણ આ મેચ માટે આમંત્રણ આપવામાં આવ્યું છે. આશા છે કે ઓસ્ટ્રેલિયાના વડાપ્રધાન અને ડેપ્યુટી પીએમ પણ અમદાવાદના નરેન્દ્ર મોદી સ્ટેડિયમમાં આ શાનદાર મેચ નિહાળશે. જો કે, હજુ બંને તરફથી પુષ્ટિની રાહ જોવાઈ રહી છે. ઓસ્ટ્રેલિયા 8મી વખત ફાઈનલ રમશે. જ્યારે વર્લ્ડકપમાં ભારતીય ટીમની આ ચોથી ટાઈટલ મેચ હશે.
એરપોર્ટથી સ્ટેડીયમ સુધી VVIP મૂવમેન્ટ રહેશે
મેચને લઇને શહેર પોલીસ છાવણીમાં ફરવાશે તે નક્કી છે. અનેક વીવીઆઇપીઓ મેચ નિહાળવા આવી શકે છે તથા છઠ પૂજા હોવાના કારણે ઇન્દિરા બ્રિજ ખાતે પણ લોકોની ભીડ રહેશે જેથી બંને સ્થળે પોલીસનો ચુસ્ત બંદોબસ્ત ગોઠવવામાં આવશે. એરપોર્ટથી સ્ટેડીયમ સુધી VVIP મૂવમેન્ટ રહેશે. વર્લ્ડકપની ક્લોઝિંગ સેરમેનીને લઈ બોલીવુડ સ્ટાર પણ આવશે. દિગ્ગજોની હાજરીના કારણે નેશનલ એજન્સીઓ અને ગુજરાત પોલીસ એલર્ટ મોડમાં આવી ગઇ છે.
