- પાકિસ્તાન અને ઓસ્ટ્રેલિયા વચ્ચે 3 મેચની ટેસ્ટ સિરીઝ રમાશે
- પાકિસ્તાનની ખરાબ રાબ ફિલ્ડિંગનો વીડિયો વાયરલ
- ખરાબ ફિલ્ડિંગને કારણે એક બોલ પર 7 રન ગુમાવ્યા
પાકિસ્તાન ક્રિકેટ ટીમને તેની ખરાબ ફિલ્ડિંગ માટે વારંવાર યાદ કરવામાં આવે છે. પરંતુ શા માટે તેને તેની ખરાબ ફિલ્ડિંગ માટે યાદ કરવામાં આવે છે, તેનો જવાબ તમને એક વીડિયો પરથી મળશે, જ્યાં પાકિસ્તાનના ખેલાડીઓએ ખરાબ ફિલ્ડિંગને કારણે એક બોલ પર 7 રન ગુમાવ્યા હતા. શાન મસૂદની કપ્તાનીવાળી પાકિસ્તાનની ટીમ ટેસ્ટ શ્રેણી માટે ઓસ્ટ્રેલિયાના પ્રવાસે છે.
પાકિસ્તાન ઓસ્ટ્રેલિયાના પ્રવાસે
પાકિસ્તાનની ટીમ ઓસ્ટ્રેલિયા સામે 3 ટેસ્ટ મેચની સિરીઝ રમશે. પરંતુ તે પહેલા, મસૂદની આગેવાની હેઠળની પાકિસ્તાનની ટીમ પ્રાઈમ મિનિસ્ટર ઈલેવન સામે 4 દિવસની વોર્મ-અપ મેચ રમી રહી છે, જેના ત્રણ દિવસ પૂરા થઈ ગયા છે. આ મેચ દરમિયાન પાકિસ્તાની ફિલ્ડરોએ ફિલ્ડિંગમાં મોટી ભૂલ કરી, જેના કારણે એક બોલ પર 7 રન ગુમાવ્યા. આ ખરાબ ફિલ્ડિંગનો વીડિયો સોશિયલ મીડિયા પર વાયરલ થઈ રહ્યો છે.
પાકિસ્તાનની ખરાબ ફિલ્ડિંગ
વીડિયોમાં જોઈ શકાય છે કે પાકિસ્તાની સ્પિનર અબરાર અહમદ બોલ ફેંકે છે, જેને ઓસ્ટ્રેલિયાના બેટ્સમેન મેથ્યુ રેન શો લોંગ ઓફ તરફ શોટ ફટકારે છે. બોલને ફટકારીને, રેનશો ત્રણ રન બનાવીને પોતાની ફિફ્ટી પૂરી કરે છે. જ્યારે પાક ફિલ્ડર બાઉન્ડ્રી પહેલા બોલને રોકે છે અને બોલિંગ સાઇડમાં થ્રો ફેંકે છે. પરંતુ આ પછી, બોલિંગ છેડે બોલને પકડ્યા પછી, બાબર આઝમ બોલને બળપૂર્વક કીપર તરફ ફેંકે છે અને ત્યાંથી બોલ સીધો બાઉન્ડ્રી લાઇન તરફ જાય છે. આ રીતે એક બોલ પર 7 રન બને છે.
પ્રાઈમ મિનિસ્ટર ઈલેવન 24 રનથી પાછળ
મેચમાં પ્રથમ બેટિંગ કરતા પાકિસ્તાને 391 રન બનાવીને દાવ ડિકલેર કર્યો હતો. ત્યારબાદ પ્રાઈમ મિનિસ્ટર ઈલેવન બેટિંગ કરવા ઉતરી અને ત્રીજા દિવસના અંતે 4 વિકેટે 367 રન બનાવી લીધા હતા. આ રીતે પ્રાઈમ મિનિસ્ટર ઈલેવન 24 રનથી પાછળ છે. ઓસ્ટ્રેલિયાનો મેથ્યુ રેનશો 136 રન બનાવીને ક્રિઝ પર છે. તેની સાથે બેઉ વેબસ્ટર 21 રન બનાવીને અણનમ પરત ફર્યો હતો.
