રાજસ્થાનના નાયબ મુખ્યમંત્રી પ્રેમચંદ બૈરવા કોણ છે ?

વિધાનસભા ચૂંટણીના પરિણામ પછીથી રાજસ્થાનમાં નવા મુખ્યમંત્રીના નામ અંગે ચર્ચા થઈ રહી હતી. આ વચ્ચે ભજનલાલ શર્માને મુખ્યમંત્રી તરીકે જાહેર કરવામાં આવ્યા છે. જેની સાથે રાજસ્થાનમાં બે ડેપ્યુટી સીએમ હશે. દિયા કુમારી અને પ્રેમચંદ બૈરવા ડેપ્યુટી મુખ્યમંત્રી હશે. વાસુદેવજી દેવનાની વિધાનસભાના સ્પીકર બનાવવામાં આવશે. રાજસ્થાનના ધારાસભ્ય દળની બેઠકમાં આ નિર્ણય લેવામાં આવ્યો છે. મધ્યપ્રદેશની જેમ રાજસ્થાનમાં પણ પાર્ટીએ બે ડેપ્યુટી સીએમની ફોર્મ્યુલા લાગુ કરી છે.

આ વચ્ચે મૌજમાબાદ તહસીલના શ્રીનિવાસીપુરાના રહેવાસી પ્રેમચંદ બૈરવા એક સામાન્ય દલિત પરિવારમાંથી આવે છે. તેમણે પોતાની રાજકીય કારકિર્દી અખિલ ભારતીય વિદ્યાર્થી પરિષદથી શરૂ કરી હતી. તેમણે 1995માં ડુડુ બ્લોક સંસ્થામાં કામ કર્યું હતું. તેમણે 2000માં ડુડુના વોર્ડ 15માંથી જિલ્લા પરિષદના સભ્ય તરીકે સેવા આપી હતી.

આ પછી તેમણે SC મોરચા જયપુર જિલ્લા અધ્યક્ષ અને ભાજપના મંડલ મહાસચિવ તરીકે પણ કામ કર્યું. જ્યારે આ વખતે તેમણે કોંગ્રેસના મજબૂત નેતા બાબુલાલ નાગર સામે મોટી જીત નોંધાવી હતી. બૈરવાએ નાગરને 35743 મતોના માર્જિનથી હરાવ્યા. આ અગાઉ 2013ની વિધાનસભાની ચૂંટણીમાં જ્યારે ડુડુ વિધાનસભા SC કેટેગરી માટે આરક્ષિત થઈ ત્યારે તેમણે કોંગ્રેસના ઉમેદવારને 33 હજારથી વધુ મતોથી હરાવ્યા હતા. એન્ તેની સાથે જ તેઓ વિધાનસભાના ડેપ્યુટી સીએમ બન્યા છે.

બૈરાવને રાજસ્થાનના ડેપ્યુટી સીએમ તરીકે જાહેર કરીને ભાજપે સોશિયલ એન્જિનિયરિંગનું ઉદાહરણ રજૂ કર્યું છે. બૈરવાએ રાજસ્થાન તેમજ મધ્ય પ્રદેશ અને દિલ્હીમાં રહેતી અનુસૂચિત જાતિ છે. ભાજપે લોકસભા ચૂંટણી પહેલા સીએમ પદ પર બ્રાહ્મણ, પૂર્વ શાહી પરિવારની દિયા કુમારીને અને ડેપ્યુટી સીએમ પદ પર અનુસૂચિત જાતિના ચહેરાને રજૂ કરીને મોટો જુગાર રમ્યો છે.