- ટીમ ઈન્ડિયાના કેપ્ટન છે સૂર્યકુમાર યાદવ
- આંગળી બતાવીને સૂર્યકુમારે અર્શદીપ પર કર્યો ગુસ્સો
- ગુસ્સો કર્યા બાદ અર્શદીપની પાછળની સીટ પર બેસે છે યાદવ
ભારતીય ટીમ હાલમાં સાઉથ આફ્રિકાની સામે 3 મેચની ટી20 સીરીઝ રમી ચૂકી છે. આ સીરીઝ 1-1થી બરાબર રહી છે. આ સીરીઝના અંતમાં સૂર્યકુમાર યાદવે શાનદાર શતક બનાવ્યો હતો. સીરીઝમાં તે ટીમ ઈન્ડિયાના કેપ્ટન હતા. હવે ટીમ ઈન્ડિયા વનડે સીરીઝની તૈયારીમાં વ્યસ્ત થવાની છે. રવિવારથી વનડે સીરીઝની શરૂઆત થઈ રહી છે. આ સીરીઝ પહેલા સૂર્યકુમારનો એક વીડિયો સોશિયલ મીડિયા પર વાયરલ થઈ રહ્યો છે. જેમાં તે બસમાં ટીમના સાથી પર ગુસ્સામાં જોવા મળી રહ્યો છે.
અર્શદીપ પર થયા ગુસ્સે
આ વાયરલ વીડિયોમાં સૂર્યકુમાર બસમાં ચઢે છે અને પછી હસતાં હસતાં કોઈની સાથે વાત કરે છે. થોડોક આગળ વધતાં જ તેની નજર અર્શદીપ પર પડી. તેને જોઈને સૂર્યકુમારનો મૂડ બદલાઈ જાય છે. તે તેમની તરફ આંગળી ચીંધે છે અને ગુસ્સામાં કંઈક કહે છે. થોડીવાર બોલ્યા પછી તે આગળ વધે છે. જો આપણે શરૂઆતમાં વિડિયો જોઈએ તો એ સ્પષ્ટ નથી થતું કે સૂર્યકુમાર કોના પર ગુસ્સે થઈ રહ્યા છે, પરંતુ જેમ જેમ તે વીડિયોમાં આગળ વધે છે, તે સ્પષ્ટ થઈ જાય છે કે તેને અર્શદીપ પર ગુસ્સો આવી રહ્યો છે. આ પછી સૂર્યકુમાર આગળ વધે છે અને અર્શદીપની સીટની પાછળની સીટ પર બેસી જાય છે.
રોહિતના રેકોર્ડની બરાબર પહોંચ્યા યાદવ
સૂર્યકુમારે સાઉથ આફ્રિકાની સામે રમાયેલી છેલ્લી ટી20 મેચમાં 100 રનની ઈનિંગ રમી. આ સૂર્યકુમારનો ટી20માં ચોથો શતક હતો. આ સાથે સૂર્યકુમારે રોહિત શર્મા અને ઓસ્ટ્રેલિયાના ગ્લેન મેક્સવેલની બરાબરી કરી છે. રોહિત અને મેક્સવેલના નામે ટી20માં 4-4 શતક છે. હવે સૂર્યકુમાર પણ તેમની બરાબરીમાં આવી ચૂક્યા છે. ટી20 ઈન્ટરનેશનલમાં સૌથી વધારે શતક બનાવનારા નામમાં રોહિત, મેક્સવેલની બરાબર પહેલા નંબરે આવી ચૂક્યા છે.
