- આજે 77 ખેલાડીઓની કિસ્મત થશે નક્કી
- 333 ખેલાડીઓને 19ના સેટમાં વહેંચવામાં આવ્યા છે
- બેટ્સમેન, બોલર્સ, સ્પિનર, વિકેટકીપર, કેપ્ડ અને અનકેપ્ડના અલગ સેટ
લાંબા સમયની રાહ જોયા બાદ આજે ફરીથી આઈપીએલનો ઓક્શનનો દિવસ આવી ગયો છે. દુબઈની કોકા કોલા એરિનામાં બપોરે 1 વાગ્યાથી આ નિલામી શરૂ થશે. આ પહેલીવાર છે કે જ્યારે આઈપીએલ ઓક્શન ભારતની બહાર થઈ રહ્યું છે. આ મીની ઓક્શનમાં 10 ફ્રેન્ચાઈઝી પોતાના સ્ક્વોડને ખાલી સ્લોટ ભરવા માટે એકબીજાની પ્રતિસ્પર્ધી બનશે. .
10 ફ્રેન્ચાઈઝી પાસે 77 સ્લોટ ખાલી
આ ઓક્શનમાં 333 ખેલાડીના નામ બોલાશે. તેમાંથી વધારેને વધારે 77 ખેલાડીના નસીબ ચમકશે. તમામ 10 ફ્રેન્ચાઈઝીની પાસે કુલ ખાલી સ્લોટ 77 જ છે. આ ખાલી સ્લોટમમે માટે આ ફ્રેન્ચાઈઝીની પાસે ઓક્શન પર્સમાં કુલ 262.95 કરોડ રૂપિયા છે. ઓક્શનની ફાઈનલ લિસ્ટમાં સામેલ 333 ખેલાડીને 19ના સેટમાં વહેંચવામાં આવ્યા છે. અહીં બેટ્સમેન, ઓલ રાઉન્ડર, ફાસ્ટ બોલર, સ્પિનર, વિકેટકીપર, કેપ્ડ અને અનકેપ્ડ ખેલાડીના અલગ અલગ સેટ હશે જે એક પછી એક ઓલ્ટરનેટ ચાલતા રહેશે અને રીપિટ પણ થતા રહેશે.
પહેલીવાર મહિલા ઓક્શનરની પસંદગી
આઈપીએલમાં પહેલીવાર ઓક્શનને માટે કોઈ મહિલા ઓક્શનરની પસંદગી કરાઈ છે. મલિકા સાગર આ ભૂમિકા નીભાવશે. એટલે કે આ વખતે હ્યુજ એડમિડ્સ નહીં હોય, મલિકાએ હાલમાં 9 ડિસેમ્બરે તેમને મહિલા પ્રીમિયર લીગના ઓક્શનમાં પણ ઓક્શનરની ભૂમિકા નિભાવી હતી.
કેટલા વાગ્યે શરૂ થશે?
IPLની હરાજી ક્યાં, ક્યારે અને કયા સમયે શરૂ થશે? તો તમને જણાવી દઈએ કે IPL 2024 ની હરાજી 19 ડિસેમ્બરે દુબઈના કોકા-કોલા એરેના ખાતે સ્થાનિક સમય અનુસાર સવારે 11:30 વાગ્યે અને ભારતીય સમય અનુસાર બપોરે 1:00 વાગ્યે શરૂ થશે. આઈપીએલના ઈતિહાસમાં આ પહેલીવાર છે જ્યારે ભારતની બહાર કોઈ અન્ય દેશમાં આઈપીએલની હરાજીનું આયોજન કરવામાં આવી રહ્યું છે. જોકે આઈપીએલ મેચો સાઉથ આફ્રિકા અને યુએઈમાં આયોજિત કરવામાં આવી છે, પરંતુ આ પહેલા ક્યારેય દેશની બહાર હરાજીનું આયોજન કરવામાં આવ્યું ન હતું.
ક્યાં અને કેવી રીતે લાઈવ જોઈ શકશો આઈપીએલનું ઓક્શન?
જો તમે આ IPL ઓક્શન લાઈવ જોવા ઈચ્છો છો, તો તમારે આ માટે એક પણ રૂપિયો ખર્ચવાની જરૂર નહીં પડે. તમે હરાજીની આખી લાઇવ સ્ટ્રીમિંગ તમારા ઘરની આરામથી, તમારા મોબાઇલ ફોન પર, બિલકુલ મફતમાં જોઈ શકો છો. આ માટે તમારે તમારા ફોનમાં Jio Cinema એપ ડાઉનલોડ કરવી પડશે અને પછી તેની સ્પોર્ટ્સ કેટેગરીમાં જવું પડશે. ત્યાં, તમે IPL 2024ની હરાજીની લાઇવ સ્ટ્રીમિંગ 19મી ડિસેમ્બરે બપોરે 1 વાગ્યાથી જોઈ શકશો.
કેટલા ખેલાડીઓ વેચાશે?
- આ વખતની IPL ઓક્શન માટે કુલ 333 ખેલાડીઓને શોર્ટલિસ્ટ કરવામાં આવ્યા છે.
- જેમાંથી 214 ખેલાડીઓ ભારતના છે, જ્યારે 119 ખેલાડીઓ વિદેશી છે.
- જેમાં કુલ 77 ખેલાડીઓ ખરીદવામાં આવશે જેમાંથી 30 ખેલાડીઓ વિદેશી હશે.
- આ હરાજીમાં 11 દેશોના કુલ 119 ખેલાડીઓ ભાગ લઈ રહ્યા છે.
- સૌથી વધુ વિદેશી ખેલાડીઓ ઈંગ્લેન્ડ (25) અને ઓસ્ટ્રેલિયા (21)ના છે.
- ક્રિકેટના સહયોગી રાષ્ટ્રો નામિબિયા અને નેધરલેન્ડના એક-એક ખેલાડીએ પણ હરાજીમાં ભાગ લીધો હતો.
- આ હરાજીમાં કુલ 116 કેપ્ડ અને 215 અનકેપ્ડ ખેલાડીઓ હાજર છે.
- આ હરાજીમાં 23 ખેલાડીઓએ 2 કરોડ રૂપિયાની મહત્તમ બેઝ પ્રાઈઝ પર નોંધણી કરાવી છે.
- 13 ખેલાડીઓએ રૂ. 1.50 કરોડની મૂળ કિંમતે પોતાનું રજીસ્ટ્રેશન કરાવ્યું છે.
કઈ ટીમ પાસે કેટલા રૂપિયા છે?
- ચેન્નાઈ સુપર કિંગ્સ પાસે રૂ. 31.40 કરોડ બાકી છે. તેમની પાસે કુલ 3 ભારતીય અને 3 વિદેશી ખેલાડીઓને ખરીદવાની જગ્યા છે.
- દિલ્હી કેપિટલ્સ પાસે રૂ. 28.95 કરોડ બાકી છે. તેમની પાસે કુલ 5 ભારતીય અને 4 વિદેશી ખેલાડીઓને ખરીદવાની જગ્યા છે.
- ગુજરાત ટાઇટન્સ પાસે રૂ. 38.15 કરોડ બાકી છે. તેમની પાસે કુલ 6 ભારતીય અને 2 વિદેશી ખેલાડીઓ ખરીદવાની જગ્યા છે.
- કોલકાતા નાઈટ રાઈડર્સ પાસે રૂ. 32.70 કરોડ બાકી છે. તેમની પાસે કુલ 8 ભારતીય અને 4 વિદેશી ખેલાડીઓને ખરીદવાની જગ્યા છે.
- લખનૌ સુપર જાયન્ટ્સ પાસે રૂ. 13.15 કરોડ બાકી છે. તેમની પાસે કુલ 4 ભારતીય અને 2 વિદેશી ખેલાડીઓને ખરીદવાની જગ્યા છે.
- મુંબઈ ઈન્ડિયન્સ પાસે રૂ. 17.75 કરોડ બાકી છે. તેમની પાસે કુલ 4 ભારતીય અને 4 વિદેશી ખેલાડીઓને ખરીદવાની જગ્યા છે.
- પંજાબ કિંગ્સ પાસે રૂ. 29.10 કરોડ બાકી છે. તેમની પાસે કુલ 6 ભારતીય અને 2 વિદેશી ખેલાડીઓ ખરીદવાની જગ્યા છે.
- રોયલ ચેલેન્જર્સ બેંગ્લોર એટલે કે આરસીબી પાસે રૂ. 23.25 કરોડ બાકી છે. તેમની પાસે કુલ 3 ભારતીય અને 3 વિદેશી ખેલાડીઓને ખરીદવાની જગ્યા છે.
- રાજસ્થાન રોયલ્સ પાસે રૂ. 14.50 કરોડ બાકી છે. તેમની પાસે કુલ 5 ભારતીય અને 3 વિદેશી ખેલાડીઓને ખરીદવાની જગ્યા છે.
- સનરાઇઝર્સ હૈદરાબાદ પાસે રૂ. 34 કરોડ બાકી છે. તેમની પાસે કુલ 3 ભારતીય અને 3 વિદેશી ખેલાડીઓને ખરીદવાની જગ્યા છે.
