- ઈશાન ‘માનસિક થાક’ને કારણે ટેસ્ટ સિરીઝમાંથી ખસી ગયો હતો
- પાકિસ્તાનના પૂર્વ વિકેટકીપર કામરાન અકમલે આપ્યું મોટું નિવેદન
- પસંદગી સમિતિએ ઈશાનને આ ટીમમાંથી હટાવી દીધો
ઈશાન કિશન આ દિવસોમાં સમાચારોમાં છે. ભારતીય વિકેટકીપર બેટ્સમેને સાઉથ આફ્રિકાના પ્રવાસ પર ટેસ્ટ સિરીઝમાંથી પોતાનું નામ પાછું ખેંચીને હેડલાઈન્સ બનાવી હતી. ખરેખર, ઈશાને ‘માનસિક થાક’નું કારણ આપીને સાઉથ આફ્રિકા સામેની ટેસ્ટ સિરીઝમાંથી પોતાનું નામ પાછું ખેંચી લીધું હતું, જેના પર હવે પાકિસ્તાનના પૂર્વ વિકેટકીપર કામરાન અકમલે મોટું નિવેદન આપ્યું છે. અકમલે કહ્યું કે ઈશાનનું આ બહાનું તેની સમજની બહાર છે.
સાઉથ આફ્રિકા સામેની ટેસ્ટ સિરીઝમાંથી ખસી ગયેલા ઈશાન કિશનને અફઘાનિસ્તાન સામેની T20 સિરીઝ કે ઈંગ્લેન્ડ સામેની ટેસ્ટ સિરીઝની પ્રથમ બે મેચો માટે પસંદ કરવામાં આવ્યો ન હતો. ટીમ ઈન્ડિયાએ ઈંગ્લેન્ડ સામેની પ્રથમ બે ટેસ્ટ માટે કેએસ ભરત અને ધ્રુવ જુરેલને વિકેટકીપર તરીકે પસંદ કર્યા છે.
ઈશાન અંગે અકમલની પ્રતિક્રિયા
કામરાન અકમલે તેની યુટ્યુબ ચેનલ પર ઈશાન કિશનના ‘માનસિક થાક’ વિશે વાત કરી. તેણે કહ્યું, “ઇશાન કિશનને ‘માનસિક થાક’ને કારણે સાઉથ આફ્રિકા સામેની ટેસ્ટ સિરીઝમાંથી ખસી ગયો હતો. કારકિર્દીના આ પ્રારંભિક તબક્કામાં તમને કેવો ‘માનસિક થાક’ આવી શકે છે? ટીમમાં રોહિત શર્મા, વિરાટ કોહલી અને જસપ્રિત બુમરાહ જેવા લોકો છે, જેઓ આ થાકનો સામનો કરે છે. તેઓ આઈપીએલ અને ટેસ્ટ સહિતની આંતરરાષ્ટ્રીય મેચો રમે છે. આ કારણે, અમે ક્યારેય ખેલાડીઓએ બ્રેક લેતા સાંભળ્યા નથી.”
IPL માટે પોતાની જાતને બચાવો છો
પાકિસ્તાનના ભૂતપૂર્વ વિકેટકીપર બેટ્સમેને વધુમાં કહ્યું કે, “તમે આઈપીએલના 2 મહિના માટે પોતાની જાતને બચાવી રહ્યા છો. ભારતીય ટીમમાં રમવું એ મોટી વાત છે અને આ બહાનું મારી સમજની બહાર છે. મને લાગે છે કે પસંદગી સમિતિએ ઈશાનને આ ટીમમાંથી હટાવી દીધો છે. તેને દૂર રાખીને ખૂબ જ સારું કામ કર્યું છે અને હવે તેને આરામ કરવા દો અને ઘરેલુ ક્રિકેટ રમવા દો. આ ખેલાડીઓને સંદેશ હોવો જોઈએ કે તેઓ ‘માનસિક થાક’ને કારણે જ્યારે ઈચ્છે ત્યારે બ્રેક લઈ શકતા નથી. આ રાષ્ટ્રીય ફરજ છે અને તમે આ રીતે બ્રેક લઈ શકતા નથી.
