- જમ્મુ-કાશ્મીરના વિશ્વ પ્રસિદ્ધ સ્કી રિસોર્ટ ગુલમર્ગમાં આજથી ખેલો ઈન્ડિયા વિન્ટર ગેમ્સ શરૂ થઈ
- વિન્ટર ખેલો ઈન્ડિયાની ચોથી આવૃત્તિમાં ભાગ લેવા માટે 20 રાજ્યો અને કેન્દ્રશાસિત પ્રદેશોમાંથી ખેલાડીઓ પહોચ્યા
- બરફની ચાદર વચ્ચે ખેલાડીઓ રમત માણી લીધી મજા
વિન્ટર ગેમ્સનું આયોજન યુવા સેવા અને રમત વિભાગ અને જમ્મુ અને કાશ્મીર સ્પોર્ટસ કાઉન્સિલ દ્વારા પ્રવાસન વિભાગ, ગુલમર્ગ ડેવલપમેન્ટ ઓથોરિટીના સહયોગથી કરવામાં આવ્યું છે. તેની શરૂઆત માસ્કોટના લોન્ચિંગ સાથે થઈ હતી.ખેલો ઈન્ડિયા વિન્ટર ગેમ્સની ચોથી આવૃત્તિ દેશના અન્ય ભાગોમાં યોજાતી ખેલો ઈન્ડિયા ગેમ્સની તર્જ પર યોજાઈ રહી છે. જમ્મુ અને કાશ્મીર સ્પોર્યસ કાઉન્સિલ દ્વારા ખેલો ઈન્ડિયા વિન્ટર ગેમ્સના માસ્કોટ તરીકે સ્નો ચિત્તાની પસંદગી કરવામાં આવી છે. તેનો ઉદ્દેશ્ય સ્થાનિક લોકોના ઊંચા પર્વતીય વિકાસ, તેના નાજુક પર્યાવરણ તેમજ સંરક્ષણ પ્રયાસોના મહત્વને પ્રકાશિત કરવાનો છે.દરમિયાન, આયોજકોએ ખેલાડીઓ અને અધિકારીઓ માટે આવાસ, પરિવહન જેવી તમામ વ્યવસ્થાઓ પૂર્ણ કરી લીધી છે. નોંધનીય છે, કે જમ્મુ અને કાશ્મીરે ખેલો ઈન્ડિયાની અત્યાર સુધીની ત્રણેય આવૃત્તિઓનું આયોજન કર્યું છે. સહભાગીઓની સંખ્યામાં વધારો થયો છે. કારણ કે રમતોત્સવમાં ભાગ લેવા માટે હવે દેશભરમાંથી ખેલાડીઓ ગુલમર્ગ પહોંચી ગયા છે. વાર્ષિક ઈવેન્ટે સ્થાનિક સંસ્કૃતિ અને રાંધણકળાનું પ્રદર્શન કરવા ઉપરાંત જમ્મુ અને કાશ્મીરમાં શિયાળુ પ્રવાસનને પણ પ્રોત્સાહન આપ્યું છે.
ખેલો ઈન્ડિયા
જમ્મુ અને કાશ્મીરે ખેલો ઈન્ડિયાની અત્યાર સુધીની ત્રણેય આવૃત્તિઓનું આયોજન કર્યું છે. સહભાગીઓની સંખ્યામાં વધારો થયો છે. કારણ કે રમતોત્સવમાં ભાગ લેવા માટે હવે દેશભરમાંથી ખેલાડીઓ ગુલમર્ગ પહોંચી ગયા છે. સચિન તેંડુલકરે રમતોના આયોજન માટે શુભેચ્છાઓ આપી હતી.કાશ્મીરની મુલાકાતે આવેલા દિગ્ગજ ક્રિકેટર સચિન તેંડુલકરે જમ્મુ અને કાશ્મીર સ્પોર્ટસ કાઉન્સિલને ગેમ્સનું આયોજન કરવા બદલ અભિનંદન પાઠવ્યા હતા. તેમના સંદેશમાં તેમણે ભાગ લેનાર રમતવીરોને રમતોનો આનંદ લેવા અને તેમના અહીં રોકાણને યાદગાર બનાવવાની સલાહ આપી હતી.
