- કોંગ્રેસ નેતા બી.કે હરિપ્રસાદનું વિવાદિત નિવેદન
- પાકિસ્તાન બીજેપી માટે દુશ્મન દેશ છે. કોંગ્રેસ માટે નહી
- કર્ણાટક બીજેપીમાં ભારે રોષની લાગણી
કર્ણાટકમાં કોંગ્રેસ નેતા બી.કે હરિપ્રસાદના નિવેદન પર બબાલ થઇ છે. વિધાનસભામાં બીકે હરિપ્રસાદે કહ્યું કે પાકિસ્તાન બીજેપી માટે દુશ્મન દેશ છે. કોંગ્રેસ માટે નહી. કોંગ્રેસ નેતાના આ નિવેદન પર ભાજપમાં રોષની લાગણી જોવા મળી રહી છે.
મારુ નિવેદન ટ્વિસ્ટ કર્યુ છે- બી.કે હરિપ્રસાદ
આ અંગે તેઓએ જણાવ્યું કે મેં એવું ક્યારેય કહ્યું નથી. મેં કહ્યું કે પાકિસ્તાન આપણું પડોશી રાજ્ય છે, તે ભાજપ માટે દુશ્મન રાજ્ય હોઈ શકે છે. જો તે દુશ્મન રાજ્ય છે, તો ભાજપનો પાકિસ્તાન સાથે તમામ પ્રકારનો વેપાર કેમ છે? તેઓએ પાકિસ્તાનને દુશ્મન રાજ્ય જાહેર કરવું જોઈએ.. જ્યારે હું રાજ્યસભાનો સભ્ય હતો, ત્યારે રાજીવ ચંદ્રશેકરે પાકિસ્તાનને દુશ્મન રાષ્ટ્ર તરીકે જાહેર કરવા માટે ખાનગી સભ્યોનું બિલ રજૂ કર્યું હતું, તો ભાજપે તે બિલ કેમ પાછું ખેંચ્યું?…તેમણે કહ્યું કે મારા નિવેદનને ટ્વિસ્ટ કર્યું. મેં જે નિવેદન આપ્યું છે તેના પર હું અડગ છું.
બહુ દુર્ભાગ્ય પૂર્ણ બાબત છે- બીજેપી નેતા
કોંગ્રેસ નેતાના આ નિવેદનને લઇને કર્ણાટકના ડેપ્યુટી એલઓપી અને બીજેપી નેતા અરવિંદ બેલાડ કહ્યું કે કોંગ્રેસના સિનિયર નેતા આવુ કહે છે તે ખરેખર દુઃખની અને દુર્ભાગ્યપૂર્ણ બાબત છે. આપણે બધા જાણીએ છીએ કે પાકિસ્તાને ભારત અને ભારતીયો સાથે શું કર્યું છે… આ કોંગ્રેસની માનસિકતા દર્શાવે છે. લઘુમતીઓ અને મુસ્લિમોને ખુશ કરવા માટે, માત્ર મત માટે, કોંગ્રેસ કોઈપણ હદ સુધી જઈ શકે છે.”
બીકે હરિપ્રસાદે ક્યારે આપ્યુ નિવેદન ?
મહત્વનું છે કે બી.કે હરિપ્રસાદે મંગળવારે રાજ્યસભા ચૂંટણીમાં કોંગ્રેસની જીત બાદ પાકિસ્તાનના સમર્થનમાં સૂત્રોચ્ચાર કર્યાના ભાજપના આરોપોના જવાબમાં આ ટિપ્પણી કરી હતી. કર્ણાટક વિધાનસભામાં બીકે હરિપ્રસાદે કહ્યું કે, પાકિસ્તાન ભાજપ માટે દુશ્મન દેશ છે પરંતુ કોંગ્રેસ માટે નહીં. કોંગ્રેસ નેતાએ કહ્યું કે પાકિસ્તાન આપણો પાડોશી દેશ છે.
