લોકસભા ચૂંટણી પહેલા મહારાષ્ટ્રમાં કોંગ્રેસમાં ભંગાણ, પૂર્વ મંત્રી પદમાકર વલવી ભાજપમાં જોડાયા

• લોકસભા ચૂંટણીને લઇ ભાજપ-કોંગ્રેસ આમને સામે
• કોંગ્રેસના નેતા પદમાકર વલવી ભાજપમાં જોડાયા
• નંદુરબારમાંથી ત્રણ વખત ચૂંટાયા હતા પદમાકર વલવી 

લોકસભા ચૂંટણી પહેલા મહારાષ્ટ્રના કોંગ્રેસમાં મોટા અથલપાથલના સમાચાર સામે આવ્યા છે. ત્રણ વખત ધારાસભ્ય અને મંત્રી રહી ચૂકેલા કોંગ્રેસના નેતા પદમાકર વલવી ભાજપમાં જોડાયા. ઉત્તર મહારાષ્ટ્રમાં તેમનો ઘણો પ્રભાવ છે. તેઓ અગાઉની કોંગ્રેસ-એનસીપી સરકારમાં મંત્રી રહી ચૂક્યા છે.

લોકસભા ચૂંટણી પહેલા ઉત્તર મહારાષ્ટ્રમાં ભાજપે કોંગ્રેસને મોટો ઝટકો આપ્યો છે. ત્રણ વખત ધારાસભ્ય અને મંત્રી રહી ચૂકેલા કોંગ્રેસના નેતા પદમાકર વલવી ભાજપમાં જોડાયા. કોંગ્રેસ નેતા રાહુલ ગાંધીની ભારત જોડો, ન્યાય યાત્રા મહારાષ્ટ્રના નંદુરબારથી રાજ્યમાં પ્રવેશતાની સાથે જ મહારાષ્ટ્ર કોંગ્રેસ માટે મોટો ઝટકો બની ગઈ છે. મહારાષ્ટ્ર કોંગ્રેસના નેતા અને પૂર્વ ધારાસભ્ય પદમાકર વલવી ભારતીય જનતા પાર્ટીમાં જોડાયા છે. આદિવાસી પ્રભુત્વ ધરાવતા આ જિલ્લામાં પદમાકર વલવીની મજબૂત પકડ છે. મંગળવારે પદમાકર મુંબઈમાં બાવન કુલેને મળ્યા હતા અને બુધવારે ભાજપમાં જોડાયા હતા.

પદમાકર વલવી નંદુરબારમાંથી ત્રણ વખત ચૂંટાયા હતા

પદમાકર વલવી મહારાષ્ટ્રના નંદુરબાર જિલ્લામાંથી ત્રણ વખત કોંગ્રેસના ધારાસભ્ય તરીકે ચૂંટાયા છે. ઉત્તર મહારાષ્ટ્રમાં તેમનો ઘણો પ્રભાવ છે. અગાઉની કોંગ્રેસ-એનસીપી સરકારમાં મંત્રી રહી ચૂક્યા છે. રાહુલ ગાંધીની ભારત જોડો, ન્યાય યાત્રા મંગળવારે નંદુરબાર જિલ્લામાં પહોંચી હતી. પદ્માકર વલવી ભાજપમાં જોડાતા નંદુરબારમાં કોંગ્રેસને મોટો ફટકો પડ્યો છે.

મહારાષ્ટ્ર BJPના પ્રદેશ અધ્યક્ષ ચંદ્રશેખર બાવનકુળેનો દાવો છે કે કોંગ્રેસના ઘણા નેતાઓ નારાજ છે. લોકસભા ચૂંટણી સુધીમાં મહારાષ્ટ્ર કોંગ્રેસ 50 ટકા ખાલી થઈ જશે. ઉદ્ધવ ઠાકરેની પાર્ટીના નેતા શિંદે શિવસેનામાં જોડાઈ રહ્યા છે. નારાજ કોંગ્રેસના નેતાઓ હવે ભાજપના માર્ગે ચાલી રહ્યા છે. રાહુલ ગાંધી જ્યારે નંદુરબાર પહોંચ્યા ત્યારે તેના મોટા નેતા પદમાકર વલવી આજે ભાજપમાં જોડાયા હતા. રાહુલ ગાંધી મુંબઈના શિવાજી પાર્ક પહોંચશે ત્યાં સુધીમાં કોંગ્રેસના ઘણા નેતાઓ ભાજપમાં જોડાઈ ચૂક્યા હશે. ચંદ્રશેખર બાવનકુલેએ કહ્યું, “હું સંજય નિરુપમની પ્રતિષ્ઠા પર સવાલ નહીં ઉઠાવું. અમે નિરુપમ સાથે વાત કરી નથી, પરંતુ જે પણ ભાજપમાં જોડાવા માંગે છે. અમે તેમનું સ્વાગત કરીશું.”

80 ટકા સીટ વહેંચણી પર સહમત

મહારાષ્ટ્રમાં સીટોની વહેંચણી અંગે તેમણે કહ્યું કે 80 ટકા સીટોનું વિતરણ કરવામાં આવ્યું છે. 20 ટકા બેઠકો પર ચર્ચા બાકી છે. આ ચર્ચા આગામી 2-3 દિવસમાં પૂર્ણ કરવામાં આવશે. સીટોની વહેંચણીમાં સાથી પક્ષોને પુરુ સન્માન મળશે. બારામતી સીટ સ્વાભાવિક રીતે જ અજિત પવારના ક્વોટામાં જશે.