- અમેરિકામાં નવેમ્બરમાં રાષ્ટ્રપતિની ચૂંટણી યોજાશે
- રાષ્ટ્રપતિની રેસમાં ડોનાલ્ડ ટ્રમ્પ અને જો બાઈડેન આગળની હરોળમાં
- ડેમોક્રેટિક અને રિપબ્લિકન પાર્ટી તરફથી બંને રાષ્ટ્રપતિ પદના ઉમેદવાર નક્કી થઈ ગયા
જગત જમાદાર અમેરિકામાં વર્ષના અંતમાં રાષ્ટ્રપતિની ચૂંટણી યોજાવાની છે ત્યારે રિપબ્લિકન પ્રાઈમરી ઈલેક્શનમાં ડોનાલ્ડ ટ્રમ્પ ન્યૂયોર્કથી જીત્યા છે. ડેમોક્રેટિક પ્રાઈમરી ઈલેક્શનમાં પ્રેસિડેન્ટ જો બાઈડેન ન્યૂયોર્કથી જીત્યા છે. 2 એપ્રિલના રોજ, ચાર યુએસ રાજ્યો, રોડ આઇલેન્ડ, કનેક્ટિકટ, ન્યૂયોર્ક અને વિસ્કોન્સિનમાં પ્રાથમિક ચૂંટણીઓ યોજાઈ હતી. આ ચૂંટણીઓ હાલમાં માત્ર ઔપચારિકતા છે કારણ કે રિપબ્લિકન પાર્ટી તરફથી ડોનાલ્ડ ટ્રમ્પ અને ડેમોક્રેટિક પાર્ટી તરફથી જો બાઈડેનની રાષ્ટ્રપતિ પદની ઉમેદવારી નક્કી થઈ ગઈ છે.
ત્રણ રાજ્યોના ચૂંટણી પરિણામ જાહેર
રોડે આઈલેન્ડ, કનેક્ટિકટ, ન્યૂયોર્કમાં પોતાની પાર્ટીના પ્રાયમરી ચૂંટણીમાં ટ્રમ્પ અને જો બાઈડેનને જીત મળી છે. વિસ્કોનસિનના ચૂંટણી પરિણામ હજી આવવાના બાકી છે. અમેરિકામાં નવેમ્બરમાં રાષ્ટ્રપતિ પદ માટે ચૂંટણી યોજાવાની છે. પ્રાયમરી ચૂંટણીમાં જે રીતે ડોનાલ્ડ ટ્રમ્પ અને જો બાઈડેનનો દબદબો દેખાવા મળ્યો છે એનાથી ,સ્પષ્ટ ચે કે નવેમ્બરમાં યોજાનારી ચૂંટણીમાં બંને વચ્ચે જોરદાર સ્પર્ધા થશે.
ડોનાલ્ડ ટ્રમ્પને રિપબ્લિકન પાર્ટીની કનેક્ટિકટ પ્રાઈમરી ઈલેક્શનમાં 78 ટકા વોટ, ન્યૂયોર્ક પ્રાઈમરી ઈલેક્શનમાં 81 ટકા વોટ અને રોડ આઈલેન્ડમાં 84.4 ટકા વોટ મળ્યા હતા. ડોનાલ્ડ ટ્રમ્પ વિસ્કોન્સિનમાં પણ આગળ છે અને તેમને 77 ટકા વોટ મળ્યા છે. ડેમોક્રેટ પાર્ટીની પ્રાથમિક ચૂંટણીમાં જો બાઈડેનને કનેક્ટિકટમાં 85 ટકા, ન્યૂયોર્કમાં 91 ટકા અને રોડ આઇલેન્ડમાં 82 ટકા વોટ મળ્યા હતા.
જો બાઈડેન આ મુદ્દાઓ પર વિરોધનો સામનો કરી રહ્યા છે
ઈઝરાયલ-હમાસ યુદ્ધને કારણે રાષ્ટ્રપતિ જો બાઈડેનને પણ ભારે વિરોધનો સામનો કરવો પડી રહ્યો છે અને 2 એપ્રિલે યોજાયેલી ચાર રાજ્યોની ચૂંટણીમાં સામાજિક કાર્યકરો ડેમોક્રેટ પાર્ટીના સમર્થકોને અપીલ કરી રહ્યા હતા કે તેઓ જો બાઈડેનને મત ન આપે કારણ કે તેમણે સમર્થન આપ્યું છે. ઈઝરાયેલ-હમાસ.યુદ્ધ યોગ્ય રીતે હાથ ધરવામાં આવ્યું ન હતું. તે જ સમયે, કેટલાક લોકો જો બાઈડેન દ્વારા આર્થિક સ્તર પર કરેલા કામથી પણ ખુશ નથી. ઘણા રિપબ્લિકન સમર્થકો પણ ડોનાલ્ડ ટ્રમ્પની ઉમેદવારીથી નાખુશ છે અને ઈચ્છે છે કે વધુ વિકલ્પો હોય.
