- 12 રાજ્યોની 94 બેઠકો માટે 7 મે એ થશે મતદાન
- ગુજરાતમાં 25 બેઠકો માટે થશે મતદાન
- 4,97,68,677 મતદારો પોતાના મતાધિકારનો કરશે ઉપયોગ
ગુજરાત લોકસભાની ચૂંટણીના પ્રચાર-પડઘમ શાંત પડયા છે,ગુજરાતમાં 25 બેઠકો માટે 266 ઉમેદવાર મેદાને છે,રાજકીય પક્ષો હવે ફકત ડોર ટુ ડોર પ્રચાર કરી શકશે સભા, સરઘસ કે રેલી નહીં કાઢી શકાય.મતદાન માટે 50,788 પોલિંગ સ્ટેશનને આખરી ઓપ આપવામાં આવી રહ્યો છે,ગુજરાતમાંથી અનેક મોટા માથાઓ મેદાનમાં છે, કેન્દ્રીય ગૃહમંત્રી ગાંધીનગરથી લડી રહ્યાં છે ચૂંટણી,ભાજપ પ્રદેશ અધ્યક્ષ સી.આર.પાટીલ નવસારીથી મેદાને,કોંગ્રેસના પૂર્વ પ્રદેશ અધ્યક્ષ અમિત ચાવડા પણ લડી રહ્યાં છે ચૂંટણી.
હવે કોઇપણ પક્ષના ઉમેદવાર પ્રચાર કરી શકશે નહીં
આગામી 48 કલાક માટે કોઈ પણ પક્ષના ઉમેદવાર ચૂંટણી માટે પ્રચાર કરી શકશે નહીં. સાથે બહારથી આવેલા લોકોએ પણ મતવિસ્તાર છોડવો પડશે.. આ તમામ લોકોના વાહનોની તપાસ કરવામાં આવશે. સાથે 48 કલાક માટે રાજ્યના તમામ જિલ્લામાં લાઉડ સ્પીકર પર પ્રતિબંધ રહેશે.. વધુમાં તેમણે કહ્યું કે, મતદાન મથકો પર વોટર અવેરનેસ બૂથ ઉભા કરવામાં આવ્યા છે. સાથે રાજ્યમાં 175 આદર્શ મતદાન મથકો પણ તૈયાર કરાયા છે.
ગરમીને લઇ ચૂંટણી પંચની તૈયારી
7 મેએ રાજ્યમાં હીટવેવની આગાહી છે, જેને લઇને પૂરતા પ્રમાણમાં શેડની વ્યવસ્થા કરવામાં આવી છે. મતદાન મથક પર મેડિકલ કીટ, જરૂરી દવાઓ અને ORS પણ ઉપલબ્ધ રહેશે, સેક્ટર ઓફિસર સાથે મેડિકલ ટીમ ખડેપગે રહેશે.
કુલ કેટલા ઉમેદવારો મેદાનમાં
આ ચૂંટણીમાં 19 મહિલા સાથે કુલ 266 ઉમેદવારો મેદાનમાં છે. 2024ની આ ચૂંટણીમાં ગુજરાતમાં કુલ 4,97,68,677 મતદારોછે જેઓ 50, 788 મતદાન મથકો પરથી મતદાન કરશે. ગુજરાતમાં 20 જનરલ, બે એસ.સી, ચાર એસ.ટી સાથે કુલ 26 બેઠકો છે. એક બેઠક સુરત પર ચૂંટણી નથી થવાની કારણ કે ત્યાં ભાજપના ઉમેદવાર બિન હરીફ ચૂંટાયા છે.. એટલે ગુજરાતની 25 બેઠકો પર ચૂંટણી યોજાવવાની છે.
મતદાનના દિવસે હીટ વેવની આગાહી : ચૂંટણીપંચ
175 જેટલા આદર્શ મતદાન મથકો ઊભા કરાયા છે,મતદાનના દિવસે હિટ વેવની આગાહી કરાઈ છે કોઈ પણ મતદારોને તકલીફ ના પડે તે માટે મેડિકલ કીટ તૈયાર રખાઈ છે સાથે સાથે મતદાન મથકો પર ORSના પાઉચ પણ ઉપલબ્ધ કરાવ્યા છે અને મતદાન મથક પર એક મેડિકલ ટીમ પણ હાજર રહેશે.
ઈલેકટ્રીક માધ્યમથી પ્રચાર નહી થાય : ચૂંટણીપંચ
મતદાન મથકની બહાર શેડ તૈયાર કરવામાં આવ્યા છે સાથે સાથે મતદાન મથકે મોબાઈલ લઈ જવા પર પ્રતિબંધ મૂકવામાં આવ્યો છે,48 કલાક દરમિયાન સભા, સરગસ રેલી નહી કાઢી શકાય અને કોઈપણ વ્યક્તિ ઇલેક્ટ્રોનિક માધ્યમથી પ્રચાર કરશે નહી.6 વાગ્યા બાદ કોઈપણ પ્રચાર પડઘમ શાંત પડશે.
સોશિયલ મીડિયામાં પર પણ વોચ : ચૂંટણીપંચ
તમામ 265 ઉમેદવારોના સોશિયલ મીડિયા એકાઉન્ટ પર પણ નજર રાખવામાં આવી રહી છે,કોઈ પણ ઉમેદવાર કંઈ પણ ખોટી માહિતી કે કોઈ પણ પ્રચારની વાત સોશિયલ મિડીયા પર કરી શકશે નહી,અને કોઈ ઉમેદવાર ચૂંટણીપંચની ગાઈડલાઈન વિરુદ્ધ જશે તો તેની સામે કાર્યવાહી પણ થઈ શકે છે.48 કલાક લાઉડ સ્પીકર પણ પ્રતિબંધ રહેશે.
કોઈને અગવડ નહી પડે તેવી સુવિધા ઉભી કરાશે
મતદારોને ચૂંટણી સયય દરમિયાન કોઈ પણ તકલીફ કે પ્રશ્નો ઉભા થાયતો તેના માટે મતદાર સહાયતા કેન્દ્રની સુવિધા પણ ઉભી કરવામાં આવેલ છે. જેમાં બી.એલ.ઓ. દ્વારા જરૂરી સહાયતા કરવામાં આવશે.અને દિવ્યાંગ મતદારોની સુવિધા માટે ટ્રાન્સપોર્ટ, વ્હીલચેર તથા સહાયકની વ્યવસ્થા કરવામાં આવી છે,સંસદીય મત વિસ્તારમાં મતદાન મથકો ખાતે તડકો ન લાગે તે માટે મંડપ, પંખા, કુલર, પ્રતિક્ષા સમય દરમિયાન બેસવા માટે ખુરશીઓની વ્યવસ્થા ઉભી કરાશે.
7 મેના રોજ સરકારી કચેરીઓમાં રજા
ઉલેખ્ખનિય છે કે, 7મેના રોજ ચૂંટણીના દિવસે મતદાન કરવા સરકારી કચેરીઓમાં રજા જાહેર થયેલ છે, તથા દુકાનો, સંસ્થાઓ અને કારખાનાઓમાં મત આપવાનો અધિકાર ધરાવતી દરેક વ્યક્તિઓની રજા મંજુર કરવા જાહેરનામું બહાર પાડવામાં આવેલ છે.
સખી મતદાન
દરેક વિધાનસભા મતદાર વિભાગમાં 07-સખી મતદાન મથકો રાખવામાં આવેલ છે. જેમાં તમામ મતદાન સ્ટાફ તરીકે મહિલાઓ ફરજ બજાવશે. 01-પી.ડબલ્યુ.ડી સંચાલિત મતદાન મથક ખાતે દિવ્યાંગ કર્મચારીઓ ફરજ બજાવશે તથા 01- યુવા મતદાન મથક રાખેલ છે, જેમાં યુવા કર્મચારીઓ ફરજ બજાવશે અને લોકશાહીના પર્વમાં ભાગીદાર બનશે.
મતદારે કયા ઓળખપત્ર સાથે રાખવા
મતદાનના દિવસે મતદારો ઓળખના પુરાવા તરીકે ચૂંટણી કાર્ડ ઉપરાંત આધારકાર્ડ, મનરેગા હેઠળ આપવામાં આવતા જોબ કાર્ડ, બેન્ક કે પોસ્ટ ઓફિસ તરફથી આપવામાં આવતી ફોટોગ્રાફ સાથેની પાસબુક, શ્રમ મંત્રાલયની યોજના અન્વયે આપવામાં આવેલ હેલ્થ ઇન્સ્યોરન્સ સ્માર્ટ કાર્ડ, ડ્રાઇવીંગ લાયસન્સ, પાનકાર્ડ, એનપીઆર (National Population Register) અન્વયે આરજીઆઇ દ્વારા આપવામાં આવતા સ્માર્ટ કાર્ડ,ભારતીય પાસપોર્ટ ,ફોટોગ્રાફ સાથેના પેન્શન ડોકયુમેન્ટ, કેન્દ્ર કે રાજય સરકાર અથવા જાહેર ક્ષેત્ર ઉપક્રમો તેમજ જાહેર લીમીટેડ કંપનીઓએ કર્મચારીઓને ઇસ્યુ કરેલા ફોટોગ્રાફ સાથેના સર્વિસ ઓળખપત્રો, સંસદ સભ્યો, ધારાસભ્યો, વિધાન પરિષદના સભ્યોને ઇસ્યુ કરેલા સરકારી ઓળખપત્રો, , સામાજિક ન્યાય અને અધિકારીતા મંત્રાલય, ભારત સરકાર દ્વારા આપવામાં આવતા Unique Disability ID Card વગેરે વૈકલ્પિક ૧૨ દસ્તાવેજો પૈકી કોઈ એક સાથે રાખીને મતદાન કરી શકશે.
