- લોકસભાની ચૂંટણીને લઇને ત્રીજા તબક્કાનું મતદાન
- પીએમ મોદીએ અમદાવાદમાં કર્યુ મતદાન
- જનતાને વોટ કરવાની કરી અપીલ
લોકસભા ચૂંટણીના ત્રીજા તબક્કા માટે આજે 12 રાજ્યો-કેન્દ્રશાસિત પ્રદેશોમાં મતદાન થઈ રહ્યું છે. પીએમ મોદીએ ત્રીજા તબક્કાના મતદાતાઓને મતદાનનો રેકોર્ડ બનાવવાની અપીલ કરી છે. પીએમ મોદીએ કહ્યું, હું ત્રીજા તબક્કાના તમામ મતદારોને વધુમાં વધુ મતદાન કરવા વિનંતી કરું છું.
PM મોદીએ કર્યુ ટ્વિટ
પીએમ મોદીએ ટ્વિટ કરીને કહ્યું કે હું ત્રીજા તબક્કાના તમામ મતદારોને વધુમાં વધુ મતદાન કરવા અને મતદાનનો નવો રેકોર્ડ બનાવવા વિનંતી કરું છું. આપ સૌની સક્રિય ભાગીદારી લોકશાહીના આ પર્વની સુંદરતામાં વધુ વધારો કરશે.
ત્રીજા તબક્કામાં 93 બેઠકો પર મતદાન
લોકસભા ચૂંટણી માટે અત્યાર સુધીમાં બે તબક્કામાં 189 બેઠકો પર મતદાન થયું છે. આજે 93 બેઠકો પર મતદાન થશે. બાકીના ચાર તબક્કામાં 260 બેઠકો પર મતદાન થશે. ત્રીજા તબક્કામાં 12 રાજ્યો અને કેન્દ્રશાસિત પ્રદેશોમાં 17 કરોડ મતદારો મતદાન કરશે. આ તબક્કામાં 1331 ઉમેદવારો મેદાનમાં છે.
ભાજપના આ દિગ્ગજો ચૂંટણી મેદાને
કેન્દ્રીય ગૃહમંત્રી અમિત શાહ
કેન્દ્રીય મંત્રી અને બીજેપી નેતા જ્યોતિરાદિત્ય સિંધિયા
મધ્યપ્રદેશના પૂર્વ મુખ્યમંત્રી શિવરાજ સિંહ ચૌહાણ
કેન્દ્રીય મંત્રી પ્રહલાદ જોશી
આ ઉપરાંત અન્ય પાર્ટીના દિગ્ગજોની વાત કરીએ તો
કોંગ્રેસ નેતા દિગ્વિજય સિંહ
એનસીપી (એસપી)ના નેતા અને શરદ પવારની પુત્રી સુપ્રિયા સુલે
મહારાષ્ટ્રના ઉપમુખ્યમંત્રીની પત્ની સુનેત્રા પવાર
સમાજવાદી પાર્ટીના વડા અખિલેશ યાદવની પત્ની ડિમ્પલ યાદવ
