- મુખ્ય નિર્વાચન અધિકારી શ્રીમતી પી. ભારતીએ વિદ્યા સમીક્ષા કેન્દ્રની લીધી મુલાકાત
- વિદ્યા સમીક્ષા કેન્દ્ર ખાતે ઉભો કરવામાં આવ્યો છે રાજ્યકક્ષાનો મોનિટરિંગ રૂમ
- 90 જેટલા અધિકારીઓ-કર્મચારીઓ દ્વારા મતદાન પ્રક્રિયા પૂર્ણ થવા સુધી કરાશે મોનિટરિંગ
મુક્ત, ન્યાયી, અને શાંતિપૂર્ણ માહોલમાં ચૂંટણી યોજવા ભારતનું ચૂંટણી પંચ અને રાજ્યનું ચૂંટણી તંત્ર પ્રતિબંધ છે ત્યારે પારદર્શક ચૂંટણી યોજવાના નિર્ધાર સાથે રાજ્યના 25,000 જેટલા મતદાન મથકો ખાતેથી વેબ કાસ્ટીંગ કરવામાં આવી રહ્યું છે. મતદારના મતની ગુપ્તતા જળવાઈ તેની કાળજી સાથે સમગ્ર મતદાન પ્રક્રિયા પર વેબ કાસ્ટિંગ થકી સતત નજર રાખવામાં આવી રહી છે.
રખાઈ રહી છે ચાંપતી નજર
આજે લોકસભાની સામાન્ય ચૂંટણી તથા વિધાનસભાની પેટા ચૂંટણી અંતર્ગત મતદાન યોજાઇ રહ્યું છે ત્યારે મુખ્ય નિર્વાચન અધિકારી શ્રીમતી પી. ભારતી તથા અધિક મુખ્ય નિર્વાચન અધિકારી શ્રી કુલદીપ આર્યએ રાજ્યકક્ષાના મોનિટરીંગ રૂમની મુલાકાત લીધી હતી. ગાંધીનગર ખાતે આવેલા વિદ્યા સમિતિ કેન્દ્રમાં મોનિટરીંગ રૂમ ખાતે 90 જેટલા કર્મચારીઓ-અધિકારીઓ દ્વારા સમગ્ર મતદાન પ્રક્રિયા પર ચાંપતી નજર રખાઈ રહી છે.
રાજ્યમાં 11 વાગ્યા સુધીમાં 24.35 ટકા મતદાન
ચાર કલાક બાદ એટલે કે 11 વાગ્યે રાજ્યમાં સરેરાશ 24.35 ટકા મતદાન નોંધાયું હતું. જેમાં સૌથી વધુ બનાસકાંઠામાં 30.27 અને સૌથી ઓછું પોરબંદરમાં 19.83 ટકા વોટિંગ થયું હતું.સાબરકાંઠામાં 27.5 ચકા,ગાંધીનગરમાં 25.67 ટકા,અમદાવાદ ઈસ્ટમાં 21.64 ટકા,અમદાવાદ વેસ્ટમાં 21.15 ,રાજકોટમાં 24.56 ટકા,જામનગરમાં 20.85 ટકા મતદાન નોંધાયું છે.
મતદાનના દિવસે રાજ્યમાં અંગ દઝાડતી ગરમી
આજે મતદાનના દિવસે રાજ્યમાં અંગ દઝાડતી ગરમી પડશે. જેમાં અમદાવાદ અને ગાંધીનગરમાં યલો એલર્ટ અપાયું છે. વાદળ હટવાથી 2 થી 3 ડિગ્રી તાપમાનમાં વધારો થશે. આજે અમદાવાદમાં 41 થી 42 ડિગ્રી તાપમાન રહેવાની સંભાવના છે. ગાંધીનગરમાં 40 ડિગ્રી આસપાસ તાપમાન રહેવાની શક્યતા છે. તેથી વહેલી તકે મતદાન કરવા તમામ નેતાઓએ પણ અપીલ કરી છે. સુરત, સૌરાષ્ટ્ર, રાજકોટમાં 39 થી 40 ડિગ્રી તાપમાન રહેવાની શક્યતા છે. બપોરના 2 થી 4 વાગ્યાના સમયગાળા દરમિયાન સૌથી વધુ ગરમી પડશે.
આજે ગરમીનો પારો વધવાની શક્યતા
એક બાજુ ગરમી તો બીજી બાજુ લોકસભા ચૂંટણીનો મહાપર્વ છે. તેવામાં આજે લોકસભા ચૂંટણી માટેનું મતદાન શરૂ થયુ છે. હવામાન વિભાગે ગુજરાતમાં મતદાનના દિવસે ગરમીનો પારો વધવાની શક્યતા વ્યક્ત કરી છે. ગુજરાતમાં આગામી પાંચ દિવસ કેટલાક જિલ્લાઓમાં હીટવેવની આગાહી કરવામાં આવી છે.
