- હાઈવે સહિતના માર્ગો પર વાહનોમાં ઓવરલોડ ભરેલા પથ્થરો અચાનક રોડ પર પડતા અકસ્માતો પણ સર્જાય છે
- સ્થાનિક પોલીસ દ્વારા 10 ડમ્પર ડિટેઇન કરીને મેમા ફટકારતા ફફડાટ ફેલાયો
- ગેરકાયદેસર ખનીજ વહન કરતા કેટલાક વાહનોમાં ભરેલા ઓવરલોડ પત્થરો રોડ પર ઢોળાતા સર્જાયા
સાયલા : ઝાલાવાડના સાયલા તાલુકામાં ટ્રાફ્કિના નિયમોનો છડેચોક ભંગ કરી ચાલતા વાહનોને કારણે અવારનવાર સર્જાતા અકસ્માતોની ઉઠેલી ફ્રિયાદોને લઇ જિલ્લા સ્તરેથી અપાયેલ સુચનાને આધારે સ્થાનિક પોલીસ દ્વારા શનિવારે હાથ ધરાયેલ ઝૂંબેશ દરમિયાન દસ ડમ્પરને ડીટેઇન કરાતા ખનીજ ઉદ્યોગ સાથે જોડાયેલા કવૉરી, ટ્રેડર્સ, ખાણ માલિકો-સંચાલકોમાં દોડધામ મચી જવા પામી હતી. ગેરકાયદેસર ખનીજ વહન કરતા કેટલાક વાહનોમાં ભરેલા ઓવરલોડ પત્થરો રોડ પર ઢોળાતા સર્જાતા રોજીંદા અકસ્માતોથી સામાન્ય નાગરીકો ત્રાહીમામ છે. ત્યારે તંત્ર દ્વારા તાડપત્રી નહીં બાંધેલા તેમજ વાહન વ્યવહાર ના નિયમોને અવગણતા દસ ડમ્પર ડીટેઇન કરી મેમા ફ્ટકારવામાં આવ્યા હતા. ઉલ્લેખનિય છે કે 15 દિવસ પહેલા લીંબડી ડીવાયએસપી દ્વારા સાયલા પોલીસ સ્ટેશન ખાતે કવોરી ઉદ્યોગના આગેવાનો, માલિકો સાથે બેઠક યોજી ટ્રાફ્કિના, પર્યાવરણના નિયમાનુસાર ખનીજનું પરીવહન કરવાની સુચનાઓ આપવા છતાંય તેને ઘોળીને પી ગયેલા અને નિયમ ભંગ કરતા તત્વો વિરુદ્ધ પોલીસે લાલ આંખ કરતા ફ્ફ્ડાટ ફેલાઇ જવા પામ્યો હતો.
