પીએમ મોદી અને અમેરીકી રાષ્ટ્રપતિ ડોનાલ્ડ ટ્રંપ 13 ફેબ્રુઆરીની આસપાસ મુલાકાત કરશે. આ મુલાકાતમાં દેશના સરંક્ષણ ક્ષેત્ર માટે મહત્વની વાત થઇ શકે છે. ભારત અને અમેરિકા એક સમાન વ્યૂહાત્મક દ્રષ્ટિકોણ ધરાવે છે. આ બેઠકમાં ભારતને તેની સંરક્ષણ જરૂરિયાતોને મજબૂત બનાવવાની તક મળશે. મોદી અને ટ્રમ્પની મુલાકાતથી ભારતને અત્યાધુનિક શસ્ત્રો મળવાની શક્યતા સેવાઇ રહી છે. પીએમ મોદી અને ડોનાલ્ડ ટ્રમ્પ 13 ફેબ્રુઆરીએ વોશિંગ્ટન ડીસીમાં મુલાકાત કરશે.
સરંક્ષણ ક્ષેત્ર માટે મુલાકાત મહત્ત્વની
પ્રધાનમંત્રી નરેન્દ્ર મોદી 13 ફેબ્રુઆરીએ વોશિંગ્ટન ડીસીમાં અમેરિકાના રાષ્ટ્રપતિ ડોનાલ્ડ ટ્રમ્પ સાથે મુલાકાત કરશે. આ મહત્વપૂર્ણ બેઠકમાં બંને દેશો વચ્ચે સંરક્ષણ સહયોગને વધુ મજબૂત બનાવવા પર ચર્ચા થશે. છેલ્લા કેટલાક વર્ષોમાં ભારત અને અમેરિકા વચ્ચે સંરક્ષણ વેપાર અને લશ્કરી ભાગીદારી ઝડપથી વધી છે. આ બેઠક તેને વધુ મજબૂત બનાવે તેવી શક્યતા છે. ભારત અને યુનાઇટેડ સ્ટેટ્સ એક સમાન વ્યૂહાત્મક દ્રષ્ટિકોણ ધરાવે છે, ખાસ કરીને હિંદ-પ્રશાંત ક્ષેત્રમાં સ્વતંત્રતા અને સુરક્ષા સુનિશ્ચિત કરવા માટે. 2016 માં, અમેરિકાએ ભારતને મુખ્ય સંરક્ષણ ભાગીદારનો દરજ્જો આપ્યો, જેનાથી બંને દેશો વચ્ચે સંરક્ષણ સાધનો અને ટેકનોલોજીના ટ્રાન્સફરને વેગ મળ્યો. આ ઉપરાંત, 2018 માં, ભારતને સ્ટ્રેટેજિક ટ્રેડ ઓથોરાઇઝેશન ટાયર-1 નો દરજ્જો મળ્યો, જેનાથી ભારતને લશ્કરી અને બેવડા ઉપયોગની ટેકનોલોજીની વધુ અનુકૂળતા મળી હતી.
ભારતને આ આધુનિક શસ્ત્રો મળી શકે છે
ભારત પાસે F-21, બોઇંગ F/A-18 સુપર હોર્નેટ અને F-15EX ઇગલ જેવા અદ્યતન ફાઇટર એરક્રાફ્ટ ખરીદવાનો પ્રસ્તાવ છે. આ વિમાનો ભારતીય વાયુસેનાની તાકાત વધારશે અને અમેરિકા સાથે લશ્કરી સંકલનને મજબૂત બનાવશે. અમેરિકા MH-60R સીહોક હેલિકોપ્ટર અને સી ગાર્ડિયન અનમેનન્ડ એરિયલ સિસ્ટમ (UAS) સપ્લાય કરે તેવી શક્યતા છે, જે ભારતીય નૌકાદળની જાસૂસી અને વ્યૂહાત્મક ક્ષમતાઓમાં વધારો કરશે.
