જૂનાગઢમાં પોસ્ટલ પેન્શનરોનો જીવન પ્રમાણ પત્ર કેમ્પ યોજાયો
કેમ્પમાં 101 વૃદ્ધ પેન્શનરો એ લાભ લીધો
અગ્ર ગુજરાત, જૂનાગઢ
ઓલ ઇન્ડિયા પોસ્ટલ એન્ડ આર.એમ.એસ. પેન્શનર્સ એસોસિયેશન, જૂનાગઢ દ્વારા પોસ્ટલ અને આર.એમ.એસ.ના નિવૃત્ત પેન્શનરોની સુવિધા માટે જૂનાગઢ હેડ પોસ્ટ ઓફિસની એકાઉન્ટ બ્રાન્ચ ખાતે હયાતી પ્રમાણ પત્ર કેમ્પ યોજવામાં આવ્યો હતો. આ કેમ્પ સવારે 10 થી બપોરે 1 વાગ્યા સુધી યોજાયેલા આ કેમ્પમાં કુલ 101 પેન્શનરોએ લાભ લીધો હતો.
કાર્યક્રમનો પ્રારંભ જૂનાગઢના પોસ્ટલ સુપ્રિન્ટેન્ડેન્ટ મુકેશકુમાર સૈની વરદ હસ્તે દીપ પ્રાગટ્ય કરીને કરવામાં આવ્યો હતો. આ પ્રસંગે એસોસિયેશન દ્વારા તૈયાર કરાયેલા સુંદર કેલેન્ડરનું વિમોચન મુકેશકુમાર સૈની, પોસ્ટમાસ્ટર કમલેશભાઈ બાવડા તથા પ્રદીપભાઈ કટારિયાના હસ્તે કરવામાં આવ્યું હતું. પેન્શનરો માટે ચા-પાણી અને નાસ્તાની વ્યવસ્થા અમેરિકા માં રહેતા અને આપણી સંસ્થાના પેટ્રોન એવા શ્રી નાથાભાઈ કરમટા દ્વારા કરવામાં આવી હતી.
આ સમગ્ર આયોજન અશોકભાઈ જમોડ નાં માર્ગદર્શન હેઠળ એસોસિયેશન નાં પ્રમુખ લીલાભાઈ જોટંગિયા, કૃષ્ણદેવ કારેણા, રાજેન્દ્ર ચુડાસમા, નિલેશભાઈ પુરોહિત, ગુણવંતભાઈ અસલપરા, એચ.બી રાણપરીયા પરબતભાઈ કોડીયાતર, અજીત દાસ સહિત કારોબારી સમિતિના સભ્યોના સહયોગથી સફળતાપૂર્વક સંપન્ન થયું હતું.
આ કેમ્પમાં જતનભાઇ માંકડ ( એકાઉન્ટન્ટ), વિશાલભાઈ શીંગાળા તથા એમની ટીમ દ્વારા ખાસ જહેમત ઉઠાવવા માં આવી હતી. જેની સંસ્થા એ સાભાર નોંધ લીધી હતી. જેઓ 80 વર્ષથી ઉપરના અશક્ત નિવૃત્ત પેન્શનરોને સરળતાથી સુવિધા મળી રહે તેમના માટે એસોશિએસન ના કાર્યકરો દ્વારા તેઓના ઘરે જઈને ડી એલ સી ની કામગીરી પણ કરવામાં આવે છે. તેમના પ્રશ્નોનું નિરાકરણ થાય તેવા સેવાભાવી હેતુથી એસોસિયેશન દ્વારા કરવામાં આવેલી આ કામગીરીને પેન્શનરોએ બિરદાવી હતી.
