વુમન્સ પ્રીમિયર લીગ સીઝન 3માં અત્યાર સુધી ત્રણ મેચ રમાઈ છે. આ ટુર્નામેન્ટમાં ફરી એકવાર પાંચ ટીમો રમતી જોવા મળી રહી છે. ગુજરાત જાયન્ટ્સ સિવાય બાકીની ચાર ટીમોએ 1-1 મેચ રમી છે, જ્યારે ગુજરાતે અત્યાર સુધીમાં 2 મેચ રમી છે. ત્રણ મેચ પછી પોઈન્ટ ટેબલ કેવું છે જાણીએ.
પોઈન્ટ ટેબલમાં RCBનો દબદબો
ડિફેન્ડિંગ ચેમ્પિયન આરસીબીએ આ સિઝનમાં અત્યાર સુધી એક મેચ રમી છે અને તેમાં ટીમે શાનદાર જીત મેળવી હતી. પ્રથમ મેચમાં RCBએ ગુજરાત જાયન્ટ્સને હરાવ્યું હતું. હાલમાં RCB 2 પોઈન્ટ સાથે પોઈન્ટ ટેબલમાં ટોપ પર છે. તે જ સમયે, આજે RCBની બીજી મેચ દિલ્હી કેપિટલ્સ સાથે થશે. જે ટીમ આ મેચ જીતશે તે પોઈન્ટ ટેબલમાં પ્રથમ સ્થાન પર રહેશે.
અન્ય ટીમોની પણ આ જ હાલત છે
ગુજરાત ટાઇટન્સ આ સિઝનમાં અત્યાર સુધીમાં 2 મેચ રમી છે જેમાંથી ટીમે એકમાં જીત અને એકમાં હારનો સામનો કરવો પડ્યો છે. હાલ ગુજરાતની ટીમ 2 પોઈન્ટ સાથે બીજા ક્રમે યથાવત છે. આ સિવાય દિલ્હી કેપિટલ્સ ટીમ 2 પોઈન્ટ સાથે ત્રીજા સ્થાને છે. દિલ્હીએ પણ અત્યાર સુધીમાં એક મેચ રમી છે અને તેમાં જીત મેળવી છે. દિલ્હીએ તેની પ્રથમ મેચમાં મુંબઈ ઈન્ડિયન્સને હરાવ્યું હતું.
મુંબઈ ઈન્ડિયન્સ અને યુપી વોરિયર્સની હાલત ખરાબ છે
મુંબઈ ઈન્ડિયન્સ અને યુપી વોરિયર્સની આ સિઝનની શરૂઆત ખૂબ જ ખરાબ રહી છે. બંને ટીમોને પ્રથમ મેચમાં હારનો સામનો કરવો પડ્યો હતો. દીપ્તિ શર્માની ગુજરાત જાયન્ટ્સને પોતાની પ્રથમ મેચમાં ગુજરાત જાયન્ટ્સ હાથે હારનો સામનો કરવો પડ્યો હતો. હાલ પોઈન્ટ ટેબલમાં મુંબઈ ઈન્ડિયન્સ ચોથા સ્થાને અને યુપી વોરિયર્સ પાંચમા સ્થાને છે. આ બંને ટીમો હવે પોતાની પ્રથમ જીતની શોધમાં છે.
