ભારત અને પાકિસ્તાન વચ્ચેની મેચ 23 ફેબ્રુઆરીએ દુબઈ ઈન્ટરનેશનલ સ્ટેડિયમમાં રમાશે. બંને ટીમો આ મેચ જીતીને યાદગાર બનાવવા માંગશે. ભારતે છેલ્લી મેચમાં બાંગ્લાદેશને હરાવ્યું હતું, જ્યારે પાકિસ્તાનને છેલ્લી મેચમાં ન્યુઝીલેન્ડ સામે હારનો સામનો કરવો પડ્યો હતો.
આ મેચ ક્યારે અને ક્યાં જોવી?
ભારત અને પાકિસ્તાન વચ્ચેનો આ મહાન મુકાબલો ભારતીય સમય મુજબ બપોરે 2:30 વાગ્યે શરૂ થશે. આ મેચનું ટીવી પર સ્ટાર સ્પોર્ટ્સ અને સ્પોર્ટ્સ 18 ચેનલો પર લાઇવ પ્રસારણ કરવામાં આવશે. ભારત અને પાકિસ્તાન મેચનું લાઈવ સ્ટ્રીમિંગ જિયો હોટસ્ટાર પર કરવામાં આવશે.
ભારતીય ટીમ
રોહિત શર્મા (કેપ્ટન), શુભમન ગિલ, વિરાટ કોહલી, શ્રેયસ ઐયર, કેએલ રાહુલ, રિષભ પંત, હાર્દિક પંડ્યા, અક્ષર પટેલ, વોશિંગ્ટન સુંદર, કુલદીપ યાદવ, હર્ષિત રાણા, મોહમ્મદ શમી, અર્શદીપ સિંહ, રવિન્દ્ર જાડેજા, વરુણ ચક્રવર્તી.
ભારત-પાકિસ્તાન ODI મેચોમાં સૌથી વધુ રન બનાવનારા એક્ટિવ ખેલાડીઓ
ભારત અને પાકિસ્તાન વચ્ચે રમાયેલી ODI મેચોમાં એક્ટિવ ખેલાડીઓમાં રોહિત શર્માએ સૌથી વધુ રન બનાવ્યા છે. તેને 873 રન બનાવ્યા છે. જ્યારે વિરાટ કોહલીએ 678 રન બનાવ્યા છે. આ સિવાય જો આપણે પાકિસ્તાનની વાત કરીએ તો, બાબર આઝમે એક્ટિવ ખેલાડી તરીકે પાકિસ્તાન માટે સૌથી વધુ 218 રન બનાવ્યા છે.
ભારત-પાકિસ્તાન ODI મેચોમાં સૌથી વધુ વિકેટ લેનારા એક્ટિવ ખેલાડીઓ
કુલદીપ યાદવ અને રવિન્દ્ર જાડેજાએ વનડેમાં પાકિસ્તાન સામે 12-12 વિકેટ લીધી છે. આ સિવાય હાર્દિક પંડ્યાએ 8 વિકેટ લીધી છે.
ભારત અને પાકિસ્તાન વચ્ચેની મેચમાં બનશે આ રેકોર્ડ્સ
વિરાટ કોહલી ODI ફોર્મેટમાં પોતાના 14000 રન પૂરા કરવા અને આમ કરનાર સૌથી ઝડપી ખેલાડી બનવાથી માત્ર 15 રન દૂર છે. આ સિવાય રોહિત શર્મા પાકિસ્તાન સામે 1000 ODI રન પૂરા કરવાથી 127 રન દૂર છે. ઝડપી બોલર નસીમ શાહ 50 વનડે વિકેટ લેનાર બીજા સૌથી ઝડપી પાકિસ્તાની બોલર બનવાથી 3 વિકેટ દૂર છે.
પાકિસ્તાન ટીમ સ્ક્વોડ
મોહમ્મદ રિઝવાન (કેપ્ટન), બાબર આઝમ, ઈમામ-ઉલ-હક, કામરાન ગુલામ, સઈદ શકીલ, તૈયબ તાહિર, ફહીમ અશરફ, ખુશદિલ શાહ, સલમાન અલી આગા, ઉસ્માન ખાન, અબરાર અહેમદ, હારિસ રૌફ, મોહમ્મદ હસનૈન, નસીમ શાહ, શાહીન શાહ આફ્રિદી.
બંને ટીમની સંભવિત પ્લેઈંગ ઈલેવન
ભારતની સંભવિત પ્લેઈંગ ઈલેવન: રોહિત શર્મા (કેપ્ટન), શુભમન ગિલ, વિરાટ કોહલી, શ્રેયસ ઐયર, અક્ષર પટેલ, કેએલ રાહુલ (વિકેટકીપર), હાર્દિક પંડ્યા, રવિન્દ્ર જાડેજા, કુલદીપ યાદવ, હર્ષિત રાણા, મોહમ્મદ શમી.
પાકિસ્તાનની સંભવિત પ્લેઈંગ ઈલેવન: બાબર આઝમ, ઈમામ-ઉલ-હક, સઈદ શકીલ, મોહમ્મદ રિઝવાન, સલમાન અલી આગા, તૈયબ તાહિર, ખુશદિલ શાહ, શાહીન શાહ આફ્રિદી, નસીમ શાહ, હરિસ રૌફ, અબરાર અહેમદ.
