ક્રિકેટમાં ખેલાડીઓની સાથે કોમેન્ટેટર્સ પણ પોતાની કોમેન્ટ્રી દ્વારા મેચનો ઉત્સાહ વધારતા હોય છે. IPL 2025 માટે એક મોટી કોમેન્ટ્રી પેનલની પણ જાહેરાત કરવામાં આવી છે. પરંતુ આ વખતે પૂર્વ ઓલરાઉન્ડર ઈરફાન પઠાણ કોમેન્ટ્રી પેનલનો ભાગ નથી. છેલ્લા ઘણા સમયથી ક્રિકેટની દરેક મોટી ઈવેન્ટમાં તે કોમેન્ટેટર તરીકે જોવા મળે છે. પરંતુ આ વખતે લિસ્ટમાં તેનું નામ ન જોઈને બધાને નવાઈ લાગી છે. દરેકના મનમાં એક જ સવાલ છે કે ઈરફાન પઠાણ આ વખતે આઈપીએલમાં કોમેન્ટ્રી કેમ નહીં કરે? આ અંગે એક ચોંકાવનારા સમાચાર સામે આવ્યા છે.
ઈરફાન પઠાણ કોમેન્ટ્રી પેનલનો ભાગ કેમ નથી?
મીડિયા રિપોર્ટ્સ અનુસાર, ઈરફાન પઠાણને કેટલાક ભારતીય ખેલાડીઓ વિરુદ્ધ બોલવા બદલ કોમેન્ટ્રી પેનલમાંથી બહાર રાખવામાં આવ્યો છે. કેટલાક ખેલાડીઓએ પઠાણની કોમેન્ટ્રી અંગે ફરિયાદ કરી હતી. આ ખેલાડીઓએ આરોપ લગાવ્યો હતો કે ઈરફાન તેમના પર અંગત ટિપ્પણી કરી રહ્યો છે. એવું માનવામાં આવે છે કે બોર્ડર-ગાવસ્કર ટ્રોફી દરમિયાન ઈરફાન પઠાણે કેટલાક ખેલાડીઓ વિશે જે કહ્યું હતું તેના કારણે આવું થયું હતું. સાથે જ એવો પણ દાવો કરવામાં આવ્યો છે કે બોર્ડર-ગાવસ્કર ટ્રોફીમાં તેની કોમેન્ટ્રી બાદ એક ખેલાડીએ તેને ફોન પર બ્લોક કરી દીધો હતો.
ઈરફાન પઠાણ અંગત એજન્ડા સાથે કેટલાક ખેલાડીઓ વિરુદ્ધ બોલતો હતો, જે તંત્રને બિલકુલ પસંદ નહોતો. આ સિવાય તેનું વલણ પણ એક મોટું કારણ માનવામાં આવે છે. જેના કારણે BCCI તેમનાથી નારાજ છે. તમને જણાવી દઈએ કે, આ પહેલીવાર નથી, આ પહેલા સંજય માંજરકરને પણ ખેલાડીઓની ફરિયાદ બાદ કોમેન્ટ્રી પેનલમાંથી હટાવી દેવામાં આવ્યા છે. તે થોડા વર્ષો સુધી કોમેન્ટ્રી પેનલનો ભાગ બની શક્યો ન હતો. જોકે બાદમાં તે પરત ફર્યો હતો.
IPL 2025 માટે કોમેન્ટેટર્સની યાદી
નેશનલ ફીડ કોમેન્ટેટર્સ
આકાશ ચોપરા, સંજય માંજરેકર, માઈકલ ક્લાર્ક, સુનીલ ગાવસ્કર, નવજોત સિંહ સિદ્ધુ, મેથ્યુ હેડન, માર્ક બાઉચર, શિખર ધવન, હરભજન સિંહ, અનિલ કુંબલે, સુરેશ રૈના, આરપી સિંહ, શેન વોટસન, સંજય બાંગર, વરુણ એરોન, વિલિયમ એરોન, વિલિયમ એ , એબી ડી વિલિયર્સ, એરોન ફિન્ચ, રોબિન ઉથપ્પા, અંબાતી રાયડુ, મોહમ્મદ કૈફ, પીયૂષ ચાવલા, IPL 2025 માટે કોમેન્ટેટર્સની યાદી
વર્લ્ડ ફીડ કોમેન્ટેટર-
ઈયોન મોર્ગન, શેન વોટસન, માઈકલ ક્લાર્ક, ગ્રીમ સ્મિથ, હર્ષા ભોગલે, નિક નાઈટ, ડેની મોરિસન, ઈયાન બિશપ, એલન વિલ્કિન્સ, ડેરેન ગંગા, નતાલી જર્મનોસ, રવિ શાસ્ત્રી, સુનીલ ગાવસ્કર, મેથ્યુ હેડન, દીપ દાસગુપ્તા, પો , અંજુમ ચોપરા, કેટી માર્ટિન, ડબલ્યુવી રમન અને મુરલી કાર્તિક
