ભારતીય ક્રિકેટ ટીમ ઓક્ટોબર 2025માં વેસ્ટ ઈન્ડિઝ સામે બે ટેસ્ટ મેચની સિરીઝ રમશે, જેમાં પહેલી મેચ 2 થી 5 ઓક્ટોબર દરમિયાન મોહાલીમાં અને બીજી મેચ 10 ઓક્ટોબરે કોલકાતાના પ્રખ્યાત ઈડન ગાર્ડન્સ ખાતે રમાશે.
IPL પછી ટેસ્ટ ફોર્મેટમાં વાપસી કરશે ટીમ ઈન્ડિયા
તાજેતરમાં દુબઈમાં ICC ચેમ્પિયન્સ ટ્રોફી 2025નો ખિતાબ જીતીને શાનદાર પ્રદર્શન કરનાર ભારતીય ટીમ ઈન્ડિયન પ્રીમિયર લીગના સમાપન પછી ટેસ્ટ ક્રિકેટમાં પરત ફરશે. આ પછી, રોહિત શર્માની આગેવાની હેઠળની ટીમ ઈન્ડિયા પાંચ મેચની ટેસ્ટ સિરીઝ માટે ઈંગ્લેન્ડનો પ્રવાસ કરશે.
ICC ટેસ્ટ ચેમ્પિયનશિપની ફાઈનલમાં બે વાર હારી ગયેલી ભારતીય ટીમ (પહેલી વખત ન્યુઝીલેન્ડ સામે અને બીજી વખત ઓસ્ટ્રેલિયા સામે), 2023-25 સ્ટેડ લીગની ફાઈનલમાં સ્થાન મેળવવાથી ચૂકી ગઈ. પોઈન્ટ ટેબલમાં દક્ષિણ આફ્રિકા અને ઓસ્ટ્રેલિયા પછી ભારત ત્રીજા સ્થાને છે. ટેસ્ટ ચેમ્પિયનશિપની ફાઈનલ મેચ દક્ષિણ આફ્રિકા અને ઓસ્ટ્રેલિયા વચ્ચે રમાશે. આ મેચ 11 જૂને લોર્ડ્સમાં રમાશે.
ટીમ ઈન્ડિયા છેલ્લી વખત જીતી હતી સિરીઝ
ભારત અને વેસ્ટ ઈન્ડિઝ વચ્ચે છેલ્લી વખત ટેસ્ટ સિરીઝ 2023 માં રમાઈ હતી, જ્યારે ભારતીય ટીમે કેરેબિયન ટાપુઓનો પ્રવાસ કર્યો હતો. ત્યારે ભારતે બે મેચની સિરીઝ 1-0થી જીતીને 2023-25 વર્લ્ડ ટેસ્ટ ચેમ્પિયનશિપ (WTC) ની ફાઈનલમાં પહોંચવાની આશા જીવંત રાખી છે.
ભારતીય ટીમે ચેમ્પિયન્સ ટ્રોફી જીતી
વર્લ્ડ ટેસ્ટ ચેમ્પિયનશિપ (WTC) ફાઈનલની રેસમાં ટકી રહેવા માટે રોહિત શર્માની ટીમને બોર્ડર-ગાવસ્કર ટ્રોફીની સિડની ટેસ્ટ મેચ જીતવી જરૂરી હતી. ઓસ્ટ્રેલિયા સામે આ મેચ હાર્યા બાદ, ભારતીય ટીમ WTC રેસમાંથી બહાર થઈ ગઈ. આ પછી ધ્યાન ચેમ્પિયન્સ ટ્રોફી પર હતું. ભારતના મેચો દુબઈમાં યોજાયા હતા. ભારતીય ટીમે 20 ફેબ્રુઆરીએ બાંગ્લાદેશ સામે પોતાનું અભિયાન શરૂ કર્યું હતું અને 9 માર્ચે ન્યુઝીલેન્ડને હરાવીને ચેમ્પિયન બની હતી. ચેમ્પિયન્સ ટ્રોફી પહેલા, ભારતે 22 જાન્યુઆરીથી ઈંગ્લેન્ડ સામે પાંચ T20 અને ત્રણ વનડે મેચ રમી હતી. T20 સિરીઝ 4-1 અને ODI સિરીઝ 3-0થી જીતી.
2025-27 WTC ભારતનું શેડ્યુલ
ભારત વિરુદ્ધ ઈંગ્લેન્ડ (વિદેશ પ્રવાસ) – જૂન-જુલાઈ 2025માં 5 ટેસ્ટ મેચ
ભારત વિ વેસ્ટ ઈન્ડિઝ (ઘર) – ઓક્ટોબર 2025માં 2 ટેસ્ટ મેચ
ભારત વિરુદ્ધ દક્ષિણ આફ્રિકા (ઘર) – ડિસેમ્બર 2025માં 2 ટેસ્ટ
ભારત વિરુદ્ધ શ્રીલંકા (વિદેશ પ્રવાસ) – ઓગસ્ટ 2026માં 2 ટેસ્ટ મેચ
ભારત વિરુદ્ધ ન્યુઝીલેન્ડ (વિદેશ પ્રવાસ) – ઓક્ટોબર 2026માં 2 ટેસ્ટ મેચ
ભારત વિરુદ્ધ ઓસ્ટ્રેલિયા (ઘર) – જાન્યુઆરી-ફેબ્રુઆરી 2027માં 5 ટેસ્ટ
