MI Vs SRH Live: મુંબઈ અને હૈદરાબાદ વચ્ચે ટક્કર, કોણ મારશે બાજી?

IPL 2025ની 33મી મેચ ગુરુવારે મુંબઈ ઈન્ડિયન્સ અને સનરાઈઝર્સ હૈદરાબાદ વચ્ચે રમાશે. વાનખેડે સ્ટેડિયમ ખાતે રમાનારી મેચમાં બેટ્સમેનોનું વર્ચસ્વ હોઈ શકે છે. બંને ટીમો પાસે ખૂબ જ અનુભવી બેટ્સમેનોની ફોજ છે. પરંતુ પાંચ વખતની ચેમ્પિયન મુંબઈ ઈન્ડિયન્સ ચાલુ સિઝનમાં જીત મેળવવા માટે સંઘર્ષ કરી રહી છે. ટીમે 6 મેચ રમી છે અને ફક્ત બે જ જીત મેળવી શકી છે. સનરાઈઝર્સ હૈદરાબાદે સતત ચાર હાર બાદ વાપસી કરી છે અને પોતાની છેલ્લી મેચમાં પંજાબ કિંગ્સને હરાવ્યું છે.