DC Vs RR Updated: દિલ્હી કેપિટલ્સે રાજસ્થાન રોયલ્સને સુપરઓવરમાં હરાવ્યું

IPL 2025ની 32મી લીગ મેચ દિલ્હી કેપિટલ્સ અને રાજસ્થાન રોયલ્સ વચ્ચે દિલ્હીના અરુણ જેટલી સ્ટેડિયમ ખાતે રમાઈ હતી, જે દિલ્હી કેપિટલ્સે સુપર ઓવરમાં જીતી હતી. આ મેચમાં રાજસ્થાન રોયલ્સ ટીમના કેપ્ટન સંજુ સેમસને ટોસ જીતીને પહેલા બોલિંગ કરવાનો નિર્ણય લીધો હતો. આ મેચમાં પ્રથમ બેટિંગ કરતા દિલ્હી કેપિટલ્સની ટીમે 20 ઓવરમાં 188 રન બનાવ્યા હતા. દિલ્હી તરફથી અભિષેક પોરેલે 49 રનની ઈનિંગ રમી, જ્યારે કેએલ રાહુલે 38 રન બનાવ્યા. આ સિવાય ટ્રિસ્ટન સ્ટબ્સ અને અક્ષર પટેલે પણ 38 રનની ઈનિંગ રમી હતી. રાજસ્થાન તરફથી બોલિંગ કરતી વખતે, જોફ્રા આર્ચરે 2 વિકેટ લીધી. રાજસ્થાન રોયલ્સ પણ 20 ઓવરમાં ફક્ત 188 રન બનાવી શક્યા, ત્યારબાદ મેચ સુપર ઓવરમાં ગઈ, રાજસ્થાને દિલ્હીને 12 રનનો ટાર્ગેટ આપ્યો, જે દિલ્હીએ માત્ર 4 બોલમાં જ મેળવી લીધો.