પ્રધાનમંત્રી નરેન્દ્ર મોદી આજે સાઉદી અરેબિયા પહોંચ્યા છે. જ્યાં તેમનું ઉષ્માભર્યું સ્વાગત કરવામાં આવ્યું હતુ. તેમના વિમાનને 3 ફાઇટર વિમાનો દ્વારા એસ્કોર્ટ કરવામાં આવ્યું હતું. પીએમ મોદીનું રક્ષણ કરતા સાઉદી એરફોર્સનું F15 આકાશમાં જોવા મળ્યું હતુ. પ્રધાનમંત્રી નરેન્દ્ર મોદીએ એક પોસ્ટમાં ભારત અને સાઉદી અરેબિયા વચ્ચે વધતા સંબંધો પર ચર્ચા કરી. તેમણે સાઉદી અરેબિયાને એક વિશ્વસનીય મિત્ર અને વ્યૂહાત્મક સાથી ગણાવ્યું હતુ.
બે દિવસીય રાજ્ય મુલાકાત
પ્રધાનમંત્રી નરેન્દ્ર મોદી બે દિવસના પ્રવાસે સાઉદી અરબ પહોંચ્યા છે. સાઉદીમાં, પીએમ મોદીને રોયલ સાઉદી એરફોર્સના F15 વિમાન દ્વારા સુરક્ષા પૂરી પાડવામાં આવી છે. તેમણે કહ્યું કે 2019 માં વ્યૂહાત્મક ભાગીદારી પરિષદની રચના થઈ ત્યારથી, દ્વિપક્ષીય સંબંધોમાં નોંધપાત્ર વિસ્તરણ થયું છે. એક પોસ્ટમાં, પીએમ મોદીએ ક્રાઉન પ્રિન્સ અને વડા પ્રધાન હિઝ રોયલ હાઇનેસ પ્રિન્સ મોહમ્મદ બિન સલમાનના આમંત્રણ પર સાઉદી અરેબિયાની તેમની બે દિવસીય રાજ્ય મુલાકાત વિશે માહિતી આપી હતી. પ્રધાનમંત્રી મોદી ટૂંક સમયમાં ખાડી દેશના બે દિવસના પ્રવાસ પર જેદ્દાહ પહોંચી શકે છે. પીએમ મોદીએ કહ્યું હતું કે બંને દેશોએ સંરક્ષણ, વેપાર, રોકાણ, ઉર્જા અને લોકો-થી-લોકોના સંબંધોના ક્ષેત્રોમાં પરસ્પર ફાયદાકારક અને મજબૂત ભાગીદારી વિકસાવી છે.
“આપણે આખી દુનિયા માટે સાથે મળીને કામ કરીશું”
પીએમ મોદીએ કહ્યું કે ભારત અને સાઉદી અરેબિયા સાથે મળીને આગળ વધતા રહેશે. તેઓ ફક્ત આપણા લોકો માટે જ નહીં પરંતુ સમગ્ર વિશ્વ માટે શાંતિ, પ્રગતિ અને સમૃદ્ધિ માટે સાથે મળીને કામ કરશે. ગ્લોબલડેટાની સાઉદી અરેબિયાના સંરક્ષણ બજાર અંગેની માહિતી અનુસાર, કિંગડમ મધ્ય પૂર્વ ક્ષેત્રમાં બોઇંગ-નિર્મિત સંરક્ષણ પ્લેટફોર્મના સૌથી મોટા ઓપરેટરોમાંનું એક છે. તેની રોયલ એરફોર્સ પાસે 207 F-15 SA અને 62 F-15 ઇગલ જેટ ફાઇટર છે. પીએમ મોદી 22 અને 23 એપ્રિલે સાઉદી અરેબિયાની મુલાકાતે જશે.
