ટેસ્ટ ક્રિકેટમાંથી નિવૃત્તિ જાહેર કર્યા બાદ વિરાટ કોહલી પહેલીવાર IPL 2025માં ભાગ લેશે. IPL 2.0 17 મેથી શરૂ થવા જઈ રહ્યું છે. પહેલી મેચ RCB અને KKR વચ્ચે રમાશે. આ મેચમાં વિરાટ કોહલી પાસે ઇતિહાસ રચવાની તક હશે. વિરાટ કોહલી પોતાના નામે એક મોટો રેકોર્ડ બનાવી શકે છે. તેમની પાસે રોહિત શર્મા અને ડેવિડ વોર્નરના રેકોર્ડ તોડવાની શાનદાર તક છે.
વિરાટ કોહલી રચી શકે છે ઇતિહાસ
વિરાટ કોહલી વર્ષ 2008થી IPLમાં ભાગ લઈ રહ્યા છે. જો કે, અત્યાર સુધી વિરાટનું બેટ બધી ટીમો સામે જોરથી બોલતું આવ્યું છે. તે IPLના ઇતિહાસમાં સૌથી વધુ રન બનાવનાર ખેલાડી પણ છે. પરંતુ 17 મેના રોજ વિરાટ પોતાના નામે એક મોટી સિદ્ધિ મેળવી શકે છે. તે KKR સામે IPLમાં સૌથી વધુ રન બનાવનાર ખેલાડી બની શકે છે. હાલમાં, IPLમાં KKR સામે સૌથી વધુ રન બનાવવાનો રેકોર્ડ ડેવિડ વોર્નરના નામે છે. તેણે 1093 રન ફટકાર્યા છે. બીજા નંબરે રોહિત શર્મા છે. હિટમેને 1083 રન ફટકાર્યા છે. આ યાદીમાં વિરાટ કોહલી ત્રીજા સ્થાને છે. તેણે અત્યાર સુધીમાં KKR સામે 1021 રન બનાવ્યા છે. એટલે કે જો વિરાટ કોહલી KKR સામેની મેચમાં 73 રન બનાવે છે. તો તે ડેવિડ વોર્નર અને રોહિત શર્માને પાછળ છોડી શકે છે.
KKR સામે IPLમાં સૌથી વધુ રન બનાવનાર ખેલાડી
ડેવિડ વોર્નરે 1093 રન, રોહિત શર્માએ 1083 રન ફટકાર્યા છે. વિરાટ કોહલીએ 1021 રન અને શિખર ધવને 907 રન પોતાના નામે કર્યા છે. IPL 2025માં વિરાટ કોહલી શાનદાર ફોર્મમાં જોવા મળી રહ્યા છે. તે લગભગ બધી જ મેચોમાં સારી બેટિંગ કરી રહ્યા છે. અત્યાર સુધી રમાયેલી 11 મેચમાં વિરાટે 63.13ની સરેરાશથી 505 રન બનાવ્યા છે. આ સમયગાળા દરમિયાન વિરાટે 7 અડધી સદી પણ ફટકારી છે. IPL 2025માં સૌથી વધુ રન બનાવનારા ખેલાડીઓની યાદીમાં વિરાટ ચોથા ક્રમે આવે છે.
